तालिबान्यांचा काबुलमध्ये शिरकाव; भर रस्त्यात गोळीबार आणि रक्तरंजित हिंसा सुरू

काबुल : अफगानिस्तानमध्ये सध्या सर्वत्र मृत्यूचे तांडव सुरू आहे. तालिबानी दहशतवाद्यांनी अफगानिस्तानची राजधानी काबुलला सर्व बाजूंनी घेरले आहे. अफगान आर्मी दहशतवाद्यांना रोखण्याचा प्रयत्न करीत आहे.

दरम्यान, तालिबानी प्रवक्त्याने म्हटले की, आम्ही जबरजस्ती बलपूर्वक काबुलवर ताबा मिळवू इच्छित नाही परंतु असे करावे लागत आहे.

तालिबानने रविवारी पूर्वेकडील शहर जलालाबाददेखील काबीज केले आहे. याशिवाय अलावा कुनार प्रांताची राजधानी असदाबादचे शहर आणि पक्तिका प्रांताच्या राजधानीवर देखील तालिबानी दहशतवाद्यांनी नियंत्रण मिळवले आहे. 

याआधी मजार ए शरीफचा बचाव करीत असलेले प्रमुख मार्शल अब्दुल राशिद दोस्तम आणि अत्ता मोहम्मद नूर तालिबान्यांनी शहरावर ताबा मिळाल्यानंतर उज्बेकिस्तान येथे कुटूंबासह पळाले आहेत.

शनिवारी तालिबान्यांनी घोषणा केली होती की, त्यांनी उत्तरेतील मजार ए शरीफ आणि मैमाना शहर, पूर्वेकडील गार्डेज आणि मेहतरलाम शहरे काबिज केली आहेत.