जपानचे ९९ वे पंतप्रधान योशिहिदे सुमा यांच्यापुढे ही असतील आव्हानं

टोकियो : जपानला देशाचे 99 वे पंतप्रधान मिळाले आहेत. शिंजो आबे यांचे विश्वासू योशिहिदे सुमा (Yoshihide Suga) हे जपानचे नवे पंतप्रधान झाले आहेत. जपानमधील सत्ताधारी पक्ष एलडीपी (लिबरल डेमोक्रॅटिक पार्टी) च्या सर्व नेत्यांनी पंतप्रधानपदी त्यांचे स्वागत केले आहे. सुमा हे शिंजो आबे यांचे जवळचे सहकारी आहेत. आतापर्यंत ते मुख्य कॅबिनेट सचिवपदावर होते. सोमवारी ते जपानच्या लिबरल डेमोक्रॅटिक पार्टीचे प्रधानपदी निवडले गेले होते.

शिंजो आबे यांची कामे पूर्ण करण्याची जबाबदारी सुमा यांच्यावर आहे. विशेषत: अंतर्गत अर्थव्यवस्था आणि परराष्ट्र धोरणाच्या बाबतीत. शिंजो आबे हे आतापर्यंतच्या परराष्ट्र धोरणात सर्वात प्रभावी पंतप्रधान असल्याचे सिद्ध झाले, परंतु सध्या सुमा यांच्यासमोर असलेले सर्वात मोठे आव्हान म्हणजे कोरोना साथीच्या आजाराला सामोरे जाणे. 2006 मध्ये पंतप्रधान झाल्यापासून सुमा हे पहिल्यांदाच शिंजो आबे यांचे सहकारी होते. विशेष गोष्ट अशी आहे की 2012 मध्ये आबे यांच्या सत्तेत परत येण्यासाठी सुमा यांनी खूप महत्वाची भूमिका बजावली होती.

चीनचे आव्हान जपानसमोर नेहमीप्रमाणेच आहे, त्यामुळे त्यांना पूर्व चीन समुद्रात महत्वाची भूमिका बजावावी लागेल. पुढील वर्षात टोकियो ऑलिम्पिक यशस्वीरीत्या आयोजित करण्याचे तसेच अमेरिकेत राष्ट्रपतीपदाच्या निवडणुकीनंतर अध्यक्षांशी संबंध सुधारण्याचे आव्हानही त्यांच्यासमोर आहे.

आरोग्याच्या कारणांमुळे शिंजो आबे यांचा राजीनामा

जपानचे माजी पंतप्रधान शिंजो आबे आणि त्यांच्या मंत्रिमंडळाने राजीनामा दिला होता. आरोग्याबाबतच्या कारणामुळे त्यांनी राजीनामा दिला होता. त्यानंतर आता पुन्हा नव्या पंतप्रधानांच्या नेतृत्वात नवं मंत्रिमंडळ तयार होणार आहे.