8th Pay Commission: மத்திய அரசு 8வது ஊதியக் குழுவிற்கான அறிவிப்பை வெளியிட்டதிலிருந்து, மத்திய அரசு ஊழியர்கள் மற்றும் ஓய்வூதியதாரர்களின் சம்பளம் மற்றும் ஓய்வூதியத்தில் எவ்வளவு அதிகரிப்பு இருக்கும் என்பது குறித்து தொடர்ந்து பேசப்பட்டு வருகின்றது. 8வது ஊதியக்குழுவில் ஊதியம் எவ்வளவு அதிகரிக்கும்? ஓய்வூதிய உயர்வு எவ்வளவு இருக்கும்? இவற்றுக்கு அடிப்படையான ஃபிட்மெண்ட் ஃபாக்டர் எந்த அளவில் நிர்ணயிக்கப்படும்? இவற்றை பற்றி இந்த பதிவில் காணலாம்.
Fitment Factor
8வது ஊதியக் குழுவின் கீழ் ஃபிட்மெண்ட் ஃபாக்டர் 1.92 முதல் 2.86 -க்குள் நிர்ணயிக்கப்படலாம் என அறிக்கைகள் தெரிவிக்கின்றன. ஃபிட்மெண்ட் ஃபாக்டர் என்பது அரசாங்கத்தால் ஊழியர்களின் சம்பளம் மற்றும் ஓய்வூதியத்தை திருத்துவதற்குப் பயன்படுத்தப்படும் ஒரு பெருக்கி ஆகும். ஆனால் ஃபிட்மெண்ட் ஃபாக்டரின் பொருந்தக்கூடிய தன்மை குறித்து ஒரு தவறான கருத்து உள்ளது. 8வது ஊதியக் குழு ஃபிட்மெண்ட் ஃபாக்டரை 2.86 ஆக நிர்ணயித்தால், சம்பளம் மற்றும் ஓய்வூதியம் பல மடங்கு உயர்த்தப்படும் என்று தவறாக நம்பப்படுகிறது. ஃபிட்மெண்ட் ஃபாக்டர் ஒரு ஊழியரின் மொத்த சம்பளத்திற்கு அல்ல, அடிப்படை சம்பளத்திற்குத்தான் பயன்படுத்தப்படுகிறது.
அடிப்படை ஊதிய உயர்வுக்கு ஏற்ப சம்பளம் மற்றும் ஓய்வூதியங்கள் ஏன் உயர்வதில்லை?
ஒட்டுமொத்த ஊதியத்தில் பல கூறுகள் உள்ளன. இதன் காரணமாக மொத்த சம்பளம் அடிப்படை ஊதியத்தைப் போலவே ஃபிட்மெண்ட் ஃபாக்டரின் அதே பெருக்கல் விளைவைப் பிரதிபலிக்காது. சம்பளம் மற்றும் ஓய்வூதியத்தை திருத்தும் போது, ஊதியக் குழு, அகவிலைப்படியை அடிப்படை ஊதியத்துடன் இணைத்தல் மற்றும் பல கொடுப்பனவுகளைச் சேர்த்தல் அல்லது நீக்குதல் போன்ற பல அம்சங்களைக் கருத்தில் கொள்கிறது. இது ஃபிட்மெண்ட் ஃபாக்டர் கணக்கீடு அடிப்படை ஊதியத்திற்கு மட்டுமே பொருந்தும் என்பதை உறுதி செய்கிறது.
7th Pay Commission
எடுத்துக்காட்டாக, சம்பளம் மற்றும் ஓய்வூதியத்தை திருத்த 7வது ஊதியக் குழுவின் கீழ் கருதப்பட்ட ஃபிட்மெண்ட் ஃபாக்டர் 2.57 ஆகும். இதன் விளைவாக அடிப்படை ஊதியம் ரூ.7,000 இலிருந்து ரூ.18,000 ஆக உயர்ந்தது. ஆனால் உண்மையான அதிகரிப்புக்கு வரும்போது, லெவல் 1 முதல் லெவல் 3 வரை உள்ள ஊழியர்களுக்கான சம்பளம் மற்றும் ஓய்வூதியங்களில் சராசரி ஒட்டுமொத்த உயர்வு சுமார் 15% ஆக இருந்தது. இருப்பினும், லெவல் 4 முதல் லெவல் 10 -இன் கீழ் உள்ள ஊழியர்களுக்கு இந்த உயர்வு அதிகமாக இருந்தது.
6th Pay Commission
6வது சம்பளக் குழுவின் கீழ் 54% ஆக உயர்வு மிக அதிகமாக இருந்தது. இதில் ஃபிட்மெண்ட் ஃபாக்டர் 1.86 ஆக இருந்தது. இந்த வகையில், கடந்த கால நிகழ்வுகளிலிருந்து, அதிக ஃபிட்மெண்ட் ஃபாக்டர் ஒரு அரசு ஊழியர் அல்லது ஓய்வூதியதாரரின் ஒட்டுமொத்த ஊதியத்தில் விகிதாசார உயர்வுக்கு உத்தரவாதம் அளிக்காது என்பது தெளிவாகிறது.
Central Government Employees: மத்திய அரசு ஊழியர்களுக்கு முந்தைய சம்பளக் கமிஷன்களில் உண்மையான சம்பள உயர்வு (%) எவ்வளவு இருந்தது?
2வது சம்பளக் கமிஷன்: 14.2%
3வது சம்பளக் கமிஷன்: 20.6%
4வது சம்பளக் கமிஷன்: 27.6%
5வது சம்பளக் கமிஷன்: 31.0%
6வது சம்பளக் கமிஷன்: 54.0%
7வது சம்பளக் கமிஷன்: 14.3%
8வது ஊதியக்குழுவில் உள்ள எதிர்பார்ப்புகள் என்ன?
8வது ஊதியக்குழுவில், அரசு ஊழியர்களும் ஓய்வூதியதாரர்களும் (Pensioners) நல்ல சம்பள உயர்வை எதிர்பார்க்கிறார்கள். இருப்பினும், முந்தைய ஊதியக் குழுக்களின் போக்கைப் பார்த்தால், ஊழியர்கள் "நியாயமான" உயர்வை மட்டுமே எதிர்பார்க்கலாம் என்பது தெளிவாகிறது.
8வது ஊதியக் குழு ஏப்ரல் 2025 இல் முறையாக அமைக்கப்பட வாய்ப்புள்ளது. முன்னதாக, தேசிய கூட்டு ஆலோசனை இயந்திரக் குழுவின் (NC-JCM) ஊழியர் தரப்பு, புதிய ஊதியக் குழுவின் விதிமுறைகள் மற்றும் நிபந்தனைகளில் ஊதியம், கொடுப்பனவுகள், பிற சலுகைகள், ஓய்வூதியங்கள் மற்றும் பணிக்கொடைகள் போன்ற ஓய்வூதியப் பலன்கள் பற்றிய மறுஆய்வும் இருக்க வேண்டும் என்று பரிந்துரைத்தது குறிப்பிடத்தக்கது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
