8th Pay Commission: 8வது ஊதியக்குழுவினால் ஏற்படும் உயர்வு சுமார் 1.8 கோடிக்கும் அதிகமான ஊழியர்களுக்கும் 1.3 கோடி ஓய்வூதியதாரர்களுக்கும் பயனளிக்கும் என்றும், மொத்த ஊதியச் செலவு 55 பில்லியன் அமெரிக்க டாலர்கள் அதிகரிக்கும் என்றும் எதிர்பார்க்கப்படுவதாக அறிக்கையில் கூறப்பட்டுள்ளது.
)
8th Pay Commission Salary Hike: மத்திய அரசு ஊழியர்களும் ஓய்வூதியதாரர்களும் மிக ஆவலாக எதிர்பார்த்து காத்திருக்கும் 8வது ஊதியக் குழு இன்னும் சில மாதங்களில் அமலுக்கு வரும் என கூறப்படுகின்றது. இது மத்திய அரசு ஊழியர்கள் மற்றும் ஓய்வூதியதாரர்களின் சம்பளம் மற்றும் ஓய்வூதியத்தை அதிகரிப்பதற்கு உதவுவது மட்டுமல்லாமல், மாநில அரசுகள் மற்றும் CPSE-களின் ஊழியர்கள் மற்றும் ஓய்வூதியதாரர்களின் மாதாந்திர ஊதியத்தையும் உயர்த்தும் என்று எதிர்பார்க்கப்படுகிறது.
Central Government Employees: காத்திருக்கும் மத்திய அரசு ஊழியர்கள்
இந்த ஆண்டு ஜனவரி மாதம் 8வது ஊதியக்குழுவின் உருவாக்கம் பற்றிய அறிவிப்பை மத்திய அரசு வெளியிட்டது. இது ஊழியர்களுக்கும் ஓய்வூதியதாரர்களுக்கும் மிகப்பெரிய நிவாரணத்தை அளித்தாலும், அதன் பிறகு அடுத்த கட்ட நடவடிக்கைகள் மிகவும் மெதுவாகவே நடந்து வருகின்றன.
உலகளாவிய தரகு நிறுவனமான UBS-இன் சமீபத்திய அறிக்கை, 8வது ஊதியக்குழு நாடு முழுவதும் மொத்த ஊதியத்தில் 15-20% அதிகரிப்பை ஏற்படுத்தும் என்றும், இதனால் மாநில, மத்திய அரசு மற்றும் CPSE-களில் உள்ள ஊழியர்கள் மற்றும் ஓய்வூதியதாரர்கள் இனி தங்கள் பணத்தில் அதிக அளவில் சேமிக்க முடியும் என்றும் கணித்துள்ளது.
8வது ஊதியக்குழுவினால் ஏற்படும் உயர்வு சுமார் 1.8 கோடிக்கும் அதிகமான ஊழியர்களுக்கும் 1.3 கோடி ஓய்வூதியதாரர்களுக்கும் பயனளிக்கும் என்றும், மொத்த ஊதியச் செலவு 55 பில்லியன் அமெரிக்க டாலர்கள் அதிகரிக்கும் என்றும் எதிர்பார்க்கப்படுவதாக அறிக்கையில் கூறப்பட்டுள்ளது.
Central Public Sector Enterprises: மத்திய பொதுத்துறை நிறுவனங்கள்
"மாநில அரசுகள் மற்றும் மத்திய பொதுத்துறை நிறுவனங்கள் (CPSE-கள்) பொதுவாக ஊதியக்குழுக்களின் பரிந்துரைகளைப் பின்பற்றுவதால், ஊதிய உயர்வு 18 மில்லியன் பொது அரசு ஊழியர்களுக்கும் 13 மில்லியன் ஓய்வூதியதாரர்களுக்கும் பயனளிக்கும்" என்று UBS தெரிவித்துள்ளது.
"எங்கள் அடிப்படை ஆய்வில், மொத்த ஊதியத்தில் 15-20% அதிகரிப்பு இருக்கும் என்று நாங்கள் கருதுகிறோம். இது விரிவான ஊதிய மசோதாவில் (மத்திய அரசு + மாநிலங்கள் + ஓய்வூதியங்கள் + மத்திய பொதுத்துறை நிறுவனங்கள்) சுமார் US$55 பில்லியன் (நிதியாண்டு 27 மொத்த உள்நாட்டு உற்பத்தியில் 110bp) அதிகரிப்புக்கு வழிவகுக்கும்" என்று அறிக்கை மேலும் கூறியது.
சுவாரஸ்யமாக, பொதுத்துறையில் ஊதிய திருத்தங்கள் தனியார் துறையிலும் மறைமுகமாக ஊதிய திருத்தத்திற்கு வழிவகுக்கும் என்று அறிக்கை எதிர்பார்க்கிறது.
Salary Hike: எதிர்பார்க்கப்படும் ஊதிய உயர்வு எவ்வளவு?
தற்போது, 8வது ஊதியக் குழுவில் எதிர்பார்க்கப்படும் ஊதிய உயர்வுகள் குறித்து ஏகப்பட்ட ஊகங்கள் சமூக ஊடகங்களில் பரவி வருகின்றன. 8வது ஊதியக் குழு இன்னும் முறையாக அமைக்கப்படவில்லை. ஊதியக் குழு அமைக்கப்பட்டவுடன், அதன் பரிந்துரைகளை சமர்ப்பிக்க ஒரு வருடம் ஆகும். எனவே, சம்பள உயர்வுகளை இப்போதே துல்லியமாக கணிப்பது சாத்தியம் ஆகாது.
7th Pay Commission: 7வது ஊதியக்குழு போன்ற அதிகரிப்பு கிடைக்குமா?
மத்திய அரசு ஊழியர்கள் மற்றும் ஓய்வூதியதாரர்களுக்கு 7வது ஊதியக் குழுவில் மிகப்பெரிய உயர்வு கிடைத்தது. அப்போது ஃபிட்மெண்ட் ஃபாக்டர் 2.57 ஆக உயர்த்தப்பட்டது. இதன் காரணமாக அடிப்படை ஊதியமும் ஓய்வூதியமும் பன்மடங்காக உயர்ந்தன.
Fitment Factor: 8வது ஊதியக்குழுவில் ஃபிட்மெண்ட் ஃபாக்டர் எவ்வளவு அதிகரிக்கும்?
8வது ஊதியக்குழுவில் ஃபிட்மென்ட் ஃபாக்டர் 1.92 முதல் 2.86 -க்குள் நிர்ணயிக்கப்படும் என பொருளாதார நிபுணர்கள் கூறுகின்றனர். எனினும், இது குறித்த அதிகாரப்பூர்வ அறிவிப்பு இன்னும் எதுவும் வரவில்லை.
Salary Hike: ஊதிய உயர்வு எவ்வளவு இருக்கும்?
ஒரு உதாரணத்தின் மூலம், எதிர்பார்க்கப்படும் ஊதிய உயர்வு பற்றி புரிந்துகொள்ளலாம். ஒரு ஊழியரின் அடிப்படை ஊதியம் ரூ.18,000 என வைத்துக்கொள்வோம். 1.92 - 2.86 ஃபிட்மெண்ட் ஃபாக்டர்களில் சம்பள உயர்வு எவ்வளவு இருக்கும் என இங்கே காணலாம்.
1.92 ஃபிட்மென்ட் ஃபாக்டர் - ரூ.34,560
2.08 ஃபிட்மென்ட் ஃபாக்டர் - ரூ.37,440
2.28 ஃபிட்மென்ட் ஃபாக்டர் - ரூ.41,040
2.57 ஃபிட்மென்ட் ஃபாக்டர் - ரூ.46,260
2.86 ஃபிட்மென்ட் ஃபாக்டர் - ரூ.51,480
Pension Hike: ஓய்வூதிய உயர்வு
ஒரு உதாரணத்தின் மூலம், எதிர்பார்க்கப்படும் ஓய்வூதிய உயர்வு பற்றி புரிந்துகொள்ளலாம். ஒரு ஓய்வூதியதாரர் அடிப்படை ஓய்வூதியமாக ரூ.30,000 பெறுகிறார் என்று வைத்துக்கொள்வோம். 1.92 - 2.86 ஃபிட்மெண்ட் ஃபாக்டர்களில் ஓய்வூதிய உயர்வு எவ்வளவு இருக்கும் என இங்கே காணலாம்.
1.92 ஃபிட்மென்ட் ஃபாக்டர் - ரூ.57,600
2.08 ஃபிட்மென்ட் ஃபாக்டர் - ரூ.62,400
2.28 ஃபிட்மென்ட் ஃபாக்டர் - ரூ.68,400
2.57 ஃபிட்மென்ட் ஃபாக்டர் - ரூ.77,100
2.86 ஃபிட்மென்ட் ஃபாக்டர் - ரூ.85,800
(பொறுப்பு துறப்பு: இந்த பதிவு தகவல் நோக்கங்களுக்காக மட்டுமே எழுதப்பட்டுள்ளது. இதன் மூலம் 8வது ஊதியக்குழுவின் கீழ் கிடைக்கக்கூடிய ஊதிய உயர்வு அல்லது ஓய்வூதிய உயர்வுக்கு எந்தவித உத்தரவாதமும் அளிக்கப்படவில்லை. சமீபத்திய மற்றும் துல்லியமான தகவல்களுக்கு அதிகாரப்பூர்வ அரசாங்க தளங்களை அணுக பரிந்துரைக்கப்படுகிறது.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
