 "ஆதார் அப்டேட், அஞ்சல் துறை ஏடிஎம்.. தமிழ்நாடு மக்களுக்கு 4 குட் நியூஸ்")
Postal Department Announcement: அஞ்சல் துறையில் நவீன டிஜிட்டல் சேவைகளை பொதுமக்கள் பயன்படுத்திக் கொள்ளுமாறு அஞ்சல்துறை சார்பில் கேட்டுக் கொள்ளப்பட்டுள்ளது. ஆதார் கார்டு - பான் கார்டு இணைப்பு குறித்த அறிவிப்புகள் வெளியாகியிருக்கும் நிலையில், தமிழ்நாட்டு மக்களுக்கு அஞ்சல் துறை நான்கு முக்கிய அறிவிப்புகளை வெளியிட்டுள்ளது. அதில், அஞ்சல் அலுவலங்களில் கிடைக்கும் சேவைகள் குறித்து தெரிவிக்கப்பட்டுள்ளது. எனவே, பொதுமக்கள் இந்த சேவைகளை பெற்றுக் கொள்ளுமாறு கேட்டுக் கொள்ளப்படுகிறார்கள்.
அஞ்சல் அலுவலகங்கள் மூலம் மற்றும் ஆன்லைன் வழியாக வழங்கப்படும் முக்கிய சேவைகள் வருமாறு:
- e-KYC (மின்னணு அடையாள உறுதிப்படுத்தல்)
காகிதப் பயன்பாட்டைக் குறைக்கும் வகையில், அஞ்சலகங்களில் சேமிப்புக் கணக்கை இ-கேஒய்சி (e-KYC) முறையில் தொடங்கும் வசதி ஏற்படுத்தப்பட்டுள்ளது. வாடிக்கையாளர்கள் தங்கள் ஆதார் எண்ணைப் பயன்படுத்தி கைவிரல் ரேகை (பயோ மெட்ரிக்) பதிவு மூலம் எளிதாக சேமிப்பு கணக்கு தொடங்கலாம். இதன் மூலம் வாடிக்கையாளர்கள் தங்கள் ஆதார் எண்ணைப் பயன்படுத்தி கைவிரல் ரேகை (Aadhaar Based Biometric) பதிவு மூலம் எளிதாக சேமிப்பு கணக்கு தொடங்கவும், பண பரிவர்த்தனைகள் செய்யவும் முடியும்.
- Internet Banking (இணைய வங்கி சேவை) - Mobile Banking (மொபைல் வங்கி சேவை)
கணக்கு இருப்பு, பரிவர்த்தனை விவரங்கள், நிதி பரிமாற்றம் உள்ளிட்ட சேவைகள். கைபேசி மூலம் எளிதாக வங்கி சேவைகளை பெறும் வசதி.
ATM சேவைகள்
அஞ்சலகங்கள் /வங்கியின் யுவுஆ மையங்கள் மூலம் பணம் எடுப்புஇ இருப்புத் தொகை அறிதல், இ மினி ஸ்டேட்மெண்ட் பெறுதல், PIN மாற்றம் போன்ற பல சேவைகள் 24 மணி நேரமும் வழங்கப்பட்டு வருகின்றன. வாடிக்கையாளர்கள் தங்களது ATM கார்டுகளை பாதுகாப்பாக பயன்படுத்துமாறு கேட்டுக்கொள்ளப்படுகிறார்கள்.
தனிப்பயன் (Personalized) ATM கார்டுகள்
வாடிக்கையாளர்களின் பெயர் அச்சிடப்பட்ட தனிப்பயன் ATM கார்டுகள் தற்போது வழங்கப்பட்டு வருகின்றன. இவ்வகை கார்டுகள் அதிக பாதுகாப்பு மற்றும் எளிதான அடையாள உறுதிப்பாட்டை வழங்குகின்றன. இதுவரை தனிப்பயன் கார்டு பெறாத வாடிக்கையாளர்கள், தங்களது அருகிலுள்ள அஞ்சலகங்களை அணுகி பெற்றுக் கொள்ளலாம்.
ஆதார் இணைப்பு (Aadhaar Seeding)
அஞ்சல கணக்குடன் ஆதார் எண்ணை இணைப்பது அரசின் வழிகாட்டுதலின்படி அவசியமாக்கப்பட்டுள்ளது. இதன் மூலம் அரசு நலத்திட்டத் தொகைகள் நேரடியாக கணக்கில் செலுத்தப்படுவதோடு, கணக்கு பாதுகாப்பும் அதிகரிக்கிறது. இன்னும் ஆதார் இணைப்பு செய்யாத வாடிக்கையாளர்கள், தங்களது வங்கி கிளை அல்லது அங்கீகரிக்கப்பட்ட மையங்களை அணுகி உடனடியாக இணைப்பை மேற்கொள்ளுமாறு கேட்டுக்கொள்ளப்படுகிறார்கள்.
இந்த சேவைகள் பொதுமக்களின் நேரத்தை மிச்சப்படுத்தி, தபால் துறையின் சேவைகளை பொதுமக்கக்கு எளிமையாக சென்றடைய வைக்கிறது.
மேலும் நீலகிரி கோட்டத்திற்க்குட்பட்ட உதகமண்டலம் தலைமை அஞ்சலகத்தில் பொதுமக்களின் வசதியை மேம்படுத்தும் நோக்கில், காலை 8.00 மணி முதல் இரவு 8.00 மணி வரை நீட்டிக்கப்பட்ட அலுவலக நேரம் அறிமுகப்படுத்தப்பட்டுள்ளது.
பொதுமக்கள் அனைவரும் இந்த நீட்டிக்கப்பட்ட அலுவலக நேர சேவைகளை முழுமையாக பயன்படுத்திக் கொள்ளுமாறு கேட்டுக் கொள்ளப்படுகிறார்கள்.மேலும் விபரங்களுக்கு தங்கள் அருகிலுள்ள அஞ்சலகங்களைத் தொடர்பு கொள்ளலாம் மற்றும் www.indiapost.gov.in என்ற இணையதள முகவரியிலும் தகவல்களை பெறலாம் என்று நீலகிரி கோட்டம் உதகமண்டலம் அஞ்சல்கோட்டகண்காணிப்பாளர் தெரிவித்துள்ளார். மற்ற மாவட்டத்தினர் அந்தந்த மாவட்ட அஞ்சல் அலுவலகங்களை இந்த சேவைக்கு நாடவும்.
இந்திய அஞ்சல் துறை மற்றொரு முக்கிய அறிவிப்பு
நீலகிரி கோட்டத்தில் உள்ளூர் மற்றும் வெளிநாடுகளுக்கு ஏற்றுமதி செய்யும் வணிகர்களை ஊக்குவிக்கும் விதமாகவும் வாடிக்கையாளர்களின் வேண்டுகோளின்படியும் பொதுமக்களின் சேவையைக்கருதியும் கடிதம்/பார்சல் புக்கிங்சேவை காலை 8 மணி முதல் இரவு 8 மணி வரை செயல்படுகிறது என்பதை தெரிவித்து கொள்கிறோம். மேலும் இதனை தொடர்ந்து இந்த சேவையை விரிவுபடுத்தும் விதமாக வாடிக்கையாளர்களின் நலன்கருதி நீலகிரி கோட்டத்தில் உள்ள தலைமை அஞ்சல் அலுவலகம் மற்றும் துணை அஞ்சலகங்களிலும் நடைமுறைப்படுத்தப்பட்டுள்ளது. தலைமை அஞ்சலகத்தில் காலை 8 மணி முதல் மாலை 8 மணிவரையிலும் துணை அஞ்சலகத்தில் காலை 9 மணி முதல் மாலை 4 மணி வரை புக்கிங் சேவை நீட்டிக்கப்பட்டுள்ளது.
இந்திய அஞ்சல்துறை மூலமாக வெளிநாடுகளுக்கான ஸ்பீட்போஸ்ட், பதிவுதபால், பார்சல் மற்றும் ITPS சேவைகளின் வழியாக குறைந்த கட்டணத்தில் அனுப்பக்கூடிய வசதி உள்ளது. இதில் ஸ்பீட்போஸ்ட் சேவையில் 35 கிலோவரையிலும், பார்சல் சேவையில் 20 கிலோ வரையிலும் மற்றும் குறிப்பிட்ட நாடுகளுக்கு ITPS சேவையில் 5 கிலோ வரையிலும் அனுப்ப முடியும். சிறுகுறு ஏற்றுமதியாளர்களுக்கு ITPS சேவை மிகவும் பயனுள்ளதாக உள்ளது. மேலும் வாடிக்கையாளர்கள் அனுப்பும் அனைத்து தபால்களையும் track செய்யும் வசதி உள்ளது. பதிவு செய்யப்பட்ட ஏற்றுமதியாளர்களுக்கு கட்டண சலுகையும் வழங்கப்படுகிறது.
பொதுமக்கள் மற்றும் வணிகர்கள் தங்களுடைய பொருட்களை உள்ளுர் மற்றும் வெளிநாடுகளுக்கு அனுப்புவதை எளிமைப்படுத்தும் விதமாக பார்சல் packing பொருட்களை குறைந்த விலையில் தலைமை அஞ்சலகத்தில் விற்பனைக்கு வைக்கப்பட்டுள்ளது என்பதை இதன்மூலம் தெரிவித்து கொள்கிறோம். மேற்கண்ட அனைத்து சேவைகளையும் பயன்படுத்தி வாடிக்கையாளர்கள் பயன்பெறுமாறு நீலகிரி மாவட்டம், உதகமண்டலம் அஞ்சல் கோட்ட கண்காணிப்பாளர் கேட்டுக்கொண்டுள்ளார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)