Accor and InterGlobe: இந்திய சந்தையில் Accor பிராண்டுகளுக்கான அனைத்துத் தளங்களையும் நிர்வகிக்கும் புதிய ஹாஸ்பிடாலிட்டி நிறுவனம் உருவாக்கப்படும். இதில் Accor-ன் Ennismore போன்ற பிரீமியம் பிராண்டுகளும் அடங்கும்.
மும்பை/பாரிஸ்: இந்தியாவின் ஹோட்டல் துறையில் புரட்சியை உருவாக்கும் வகையில், உலகப்புகழ் பெற்ற ஹோட்டல் நிறுவனமான Accor மற்றும் இந்தியாவின் முன்னணி பயண மற்றும் ஹாஸ்பிடாலிட்டி கம்பெனியான InterGlobe Enterprises, புதிய மூலதன மற்றும் நிர்வாக கூட்டணியை அறிவித்துள்ளன.
இந்த ஒத்துழைப்பு மூலம், 2030க்குள் 300 ஹோட்டல்களை இந்தியாவில் இயக்கும் இலக்கை நிறுவன்கள் நோக்குகின்றன. தற்போது இந்தியாவில் 71 ஹோட்டல்களை இயக்கும் Accor, மேலும் 40 ஹோட்டல்களை மேம்படுத்தி வருகிறது. InterGlobe நிறுவனத்தின் பாரிய சந்தை அனுபவமும், IndiGo போன்ற வெற்றிகரமான பிராண்டுகளும் இந்த கூட்டணிக்குப் பின்னணி ஆகின்றன.
இந்திய சந்தையில் Accor பிராண்டுகளுக்கான அனைத்துத் தளங்களையும் நிர்வகிக்கும் புதிய ஹாஸ்பிடாலிட்டி நிறுவனம் உருவாக்கப்படும். இதில் Accor-ன் Ennismore போன்ற பிரீமியம் பிராண்டுகளும் அடங்கும். மேலும், குறைந்த விலை ஹோட்டல் பிரிவை வலுப்படுத்த, Treebo Hotels நிறுவனத்தில் முதலீடு செய்யப்படும். தற்போது Treebo நிறுவனம் 120 நகரங்களில் 800 ஹோட்டல்களை இயக்குகிறது.
இந்திய மக்கள் தொகை மற்றும் வேகமாக வளரும் பொருளாதாரத்தை கருத்தில் கொண்டு, இந்தியா விரைவில் உலகின் முன்னணி பயண சந்தைகளில் ஒன்றாக மாறும் என எதிர்பார்க்கப்படுகிறது.
Accor நிறுவனத்தின் தலைவர் செபாஸ்தியான் பாசின், “இந்தியாவில் Accor நிறுவனத்திற்கான இது ஒரு திருப்புமுனை” எனக் கூறினார். InterGlobe நிறுவனத்தின் நிர்வாக இயக்குநர் ராகுல் பாதியா, “இந்த கூட்டணி இந்த துறையில் புதிய தரநிலைகளை உருவாக்கும்” எனத் தெரிவித்தார்.
இந்த முன்னேற்றத்தால் இந்திய ஹாஸ்பிடாலிட்டி துறையில் ஒரு புதிய அத்தியாயம் தொடங்கவிருக்கிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)