வருமான வரி விதிகளின்படி, தங்க நகைகள் வீட்டில் வைத்திருப்பதற்கான வரம்பு குறித்து அறிந்து கொள்ளலாம். வீட்டில் வரம்புக்கு உட்பட்டு தங்க நகைகள் வைத்திருப்பதால் சிக்கல் எதுவும் இல்லை.
இந்தியாவில், குறிப்பாக தென்னிந்தியாவில் தங்கம் தங்க நகைகள் ஆகியவை, பெண்களுக்கு மிகவும் பிடித்த வார்த்தைகள் எனலாம். தங்க நகைகள் வாங்குவது என்பது பெண்கள் மனதிற்கு மகிழ்ச்சி அளிக்கக்கூடிய ஒரு விஷயம். வீட்டில் எந்தவித பண்டிகை அல்லது விழாவாக இருந்தாலும், தங்க நகைகள் முக்கிய இடத்தை வகிக்கின்றன. திருமணம், குழந்தை பிறப்பு என அனைத்து விதமான விழாக்களிலும், சீராக தங்க நகைகள் வழங்கும் பழக்கம் உள்ளது.
தங்க நகைகள் வீட்டில் வைத்திருப்பதற்கான வரம்பு
தங்கம் மற்றும் தங்க நகைகள் மிகவும் பாதுகாப்பான முதலீடாகவும் கருதப்படுகிறது. பண்டிகை நாட்களில் தங்கம் வாங்குவது மங்களகரமான நிகழ்வாக கருதப்படுகிறது. பாதுகாப்பு கருதி, தங்க நகைகள் பொதுவாக வங்கி லாக்கரில் வைக்கப்பட்டிருக்கும். அதோடு ஒரு குறிப்பிட்ட அளவு நகைகள் வீட்டிலும் இருக்கும். இந்நிலையில், வருமான வரி விதிகளின்படி, தங்க நகைகள் வீட்டில் வைத்திருப்பதற்கான வரம்பு குறித்து அறிந்து கொள்ளலாம். வீட்டில் வரம்புக்கு உட்பட்டு தங்க நகைகள் வைத்திருப்பதால் சிக்கல் எதுவும் இல்லை.
வீட்டில் எந்த அளவு தங்கத்தை வைத்துக் கொள்ளலாம்?
திருமணமான பெண்கள் 500 கிராம் வரை தங்கம் மற்றும் தங்க நகைகளை வைத்திருக்கலாம். திருமணம் ஆகாத பெண்கள், 250 கிராம் வரை தங்கம் மற்றும் தங்க நகைகளை வைத்திருக்கலாம். ஆண்களை பொறுத்தவரை, அவர்கள் வீட்டில் 100 கிராம் தங்கம் வைத்துக் கொள்ளலாம். இந்த வரம்பு ஒரு நபருக்கானது. அதாவது உதாரணத்திற்கு, வீட்டில் இரண்டு திருமணமான பெண்கள் இருந்தால் ஒரு கிலோ தங்கம் வைத்துக் கொள்ளலாம். அதேபோன்று வீட்டில் ஒரு திருமணமான பெண் ஒரு திருமணமான ஆண் இருந்தால் 750 கிராம் தங்கம் வைத்துக் கொள்ளலாம்.
வீட்டில் அதிக தங்க நகைகள் வைத்திருந்தால் அதற்கான ஆவணங்கள் அவசியம்
வருமான வரி விதிகளின் அடிப்படையில், நிர்ணயிக்கப்பட்ட வரம்பை விட அதிக தங்கம் வைத்திருந்தால், அதற்கான ஆதாரத்தை வருமான வரி அதிகாரிகளிடம் அளிக்க வேண்டும். உங்களிடம் இருக்கும் தங்க நகைகள் வாங்கியதற்கான ஆவணங்கள் சரியாக இருந்தால் அதைப் பற்றி கவலைப்பட வேண்டியதில்லை. ஆனால் உங்களிடம் இருக்கும் நிர்ணயிக்கப்பட்ட வரம்புக்கு மீறிய அளவில் நகைகள் வாங்கியதற்கான ரசீதுகள் மற்றும் அதற்கு செலுத்திய வரி தொடர்பான ஆவணங்கள் இல்லை என்றால் பிரச்சனையை சந்திக்க நேரிடலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)