கோடீஸ்வர் அல்லது லட்சாதிபதி ஆகவேண்டும் என்ற ஆசை இல்லாதவர்களை பார்ப்பது மிகவும் அரிது. அதற்கு சரியான முதலீட்டுத் திட்டமிடல் அவசியம். சரியான இடத்தில் முதலீடு செய்வதன் மூலம், ஓய்வு காலத்தை பற்றிய கவலை இல்லாமல் இருக்கலாம்.
கோடீஸ்வர் அல்லது லட்சாதிபதி ஆகவேண்டும் என்ற ஆசை இல்லாதவர்களை பார்ப்பது மிகவும் அரிது. அதற்கு சரியான முதலீட்டுத் திட்டமிடல் அவசியம். சரியான இடத்தில் முதலீடு செய்வதன் மூலம், ஓய்வு காலத்தை பற்றிய கவலை இல்லாமல் இருக்கலாம். ஆயிரங்களை கோடிகளாக்கும், பல சிறந்த திட்டங்கள் உள்ளன. அவை உங்கள் எதிர்காலத்தைப் பாதுகாப்பதோடு மட்டுமல்லாமல், பணப் பற்றாக்குறை என்பதே ஏற்படாத நிலையை உண்டாக்கும். அதற்கான 10 சிறந்த முதலீட்டு விருப்பங்கள் எவை என்பதை இந்த பதிவில் அறிந்து கொள்ளலாம்.
PPF திட்டத்தில் முதலீடு
நீண்ட கால முதலீடு மற்றும் வரி இல்லாத வருமானத்தை நீங்கள் விரும்பினால், பொது வருங்கால வைப்பு நிதி (PPF) திட்டம் ஒரு சிறந்த தேர்வாக இருக்கும். இது ஆண்டுக்கு 7.1% கூட்டு வட்டியை வழங்குகிறது. ஒரு நிதியாண்டில் PPF திட்டத்தில் குறைந்தபட்சம் ரூ.500 முதல் அதிகபட்சம் ரூ.1.5 லட்சம் வரை முதலீடு செய்யலாம்.
SIP முதலீடு
இன்றைய இளைஞர்களுக்கு, வியக்கத்த்தக்க வகையில் வருமானத்தை கொடுக்கும் மியூச்சுவல் ஃபண்டுகள் ஒரு ஸ்மார்ட் மற்றும் வசதியான முதலீட்டு விருப்பமாக மாறி வருகின்றன. உங்கள் வசதிக்கேற்ப அதில் முதலீடு செய்யலாம். SIP (முறையான முதலீட்டுத் திட்டம்) மூலம், நீங்கள் ஒவ்வொரு மாதமும் சிறிய தொகைகளுடன் தொடங்கலாம். நீண்ட காலத்திற்கு SIP மூலம் வலுவான வருமானத்தைப் பெறுவதற்கான வாய்ப்பு உள்ளது, இது நிதி சுதந்திரத்தின் கனவை நனவாக்கும்.
NPS முதலீடு
தேசிய ஓய்வூதியத் திட்டம் (NPS) ஓய்வூதிய நோக்கம் கொண்ட திட்டமாகும். இதில், 60வது வயதில், நீங்கள் டெபாசிட் செய்த நிதியின் ஒரு பகுதியை மொத்தமாகத் திரும்பப் பெறலாம் மற்றும் மீதமுள்ள தொகையை வருடாந்திர திட்டத்தில் முதலீடு செய்து ஓய்வூதியம் பெறலாம். 18 முதல் 70 வயதுக்குட்பட்ட குடிமக்கள் இதில் முதலீடு செய்யலாம். இதன் சிறப்பு என்னவென்றால், இது ரூ.50,000 வரை கூடுதல் வரி விலக்கையும் வழங்குகிறது.
தபால் அலுவலகத் திட்ட முதலீடு
நீங்கள் ஒரு சிறிய அளவிலான தொகையை பாதுகாப்பான முறையில் முதலீடு செய்யத் திட்டமிட்டால், நீங்கள் தபால் அலுவலக தொடர் வைப்பு (RD) திட்டத்தில் முதலீடு செய்யலாம். இந்தத் திட்டத்தில் ஏப்ரல் முதல் முதலீடு செய்யத் தொடங்கலாம். இந்த 5 ஆண்டு காலத் திட்டம் தற்போது ஆண்டுக்கு சுமார் 6.7% வட்டியை வழங்குகிறது.
டிஜிட்டல் தங்க முதலீடு
நீங்கள் ஒரு சிறிய தொகையுடன் தங்கத்தில் முதலீடு செய்ய விரும்பினால், டிஜிட்டல் தங்கம் உங்களுக்கு ஒரு சிறந்த தேர்வாக இருக்கும். டிஜிட்டல் தங்கத்தின் மிகப்பெரிய அம்சம் என்னவென்றால், மொபைல் செயலி மூலம் வெறும் ரூ.1 என்ற அளவில் கூட முதலீடு செய்யத் தொடங்கலாம். இது 100% தூய்மையான தங்கத்தின் மதிப்பை தருகிறது. நீண்ட கால முதலீட்டிற்கு பாதுகாப்பான விருப்பமாக நிரூபிக்கப்படுகிறது.
அடல் ஓய்வூதிய திட்ட முதலீடு
குறைந்த முதலீட்டில் நிலையான மற்றும் உத்தரவாதமான ஓய்வூதியத்தைப் பெற விரும்புவோருக்கு அடல் ஓய்வூதிய யோஜனா (APY) ஒரு நல்ல திட்டமாகும். வங்கிக் கணக்கு வைத்திருக்கும் 18 முதல் 40 வயதுக்குட்பட்ட எவரும் இதில் சேரலாம். இதில், வயதுக்கு ஏற்ப ஒரு சிறிய மாதாந்திரத் தொகை (எ.கா. ₹ 210) டெபாசிட் செய்யப்பட வேண்டும். இத்ன மூலம் 60 வயதிற்குப் பிறகு, வாழ்நாள் முழுவதும் ரூ.1000 முதல் ரூ.5000 வரை ஓய்வூதியம் பெறலாம்.
பங்குச் சந்தை முதலீடு
நல்ல வருமானத்தை ஈட்ட விரும்பினால், நீங்கள் பங்குச் சந்தையில் முதலீடு செய்யலாம். இதில் நேரடி வரி விலக்கு இல்லை என்றாலும், நீண்ட காலத்திற்கு ஒரு பெரிய நிதியை உருவாக்கும் சாத்தியம் நிச்சயமாக உள்ளது. சந்தை உயரும் போது, பங்குகளை விற்பதன் மூலம் நீங்கள் அதிக லாபம் ஈட்டலாம். இருப்பினும், அதில் ரிஸ்க் அதிகம் என்பதால், முதலீடு செய்வதற்கு முன் ஒரு நிதி நிபுணரை அணுகவும்.
கிசான் விகாஸ் பத்திரம் முதலீடு
எதிர்காலத்திற்கான பாதுகாப்பான மற்றும் நிலையான வருமானத் திட்டத்தை நீங்கள் தேடுகிறீர்கள் என்றால், தபால் அலுவலக கிசான் விகாஸ் பத்ரா (KVP) சிறந்த தேர்வாக இருக்கும். கிராமங்களில் வசிக்கும் விவசாயிகள் இதன் மூலம் சிறப்புப் பலன்களைப் பெறலாம். இந்தத் திட்டத்தின் தற்போதைய வட்டி விகிதம் ஆண்டுக்கு சுமார் 7.5% ஆகும், இது உங்கள் முதலீட்டை 115 மாதங்களில் (சுமார் 9 ஆண்டுகள் 7 மாதங்கள்) இரட்டிப்பாக்குகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)