DA Arrears Latest News: 18 மாத டிஏ அரியர் குறித்து தற்போது மீண்டும் பேசப்படுவது ஏன்? இது தொடர்பான சமீபத்திய அப்டேட் என்ன? இவற்றை பற்றி இந்த பதிவில் காணலாம்.
7th Pay Commission DA Arrears: கோவிட்-19 பெருந்தொற்று காலத்தில் முடக்கப்பட்ட 10 மாத டிஏ அரியர் தொகை கிடைக்குமா? இது குறித்து தற்போது மீண்டும் பேசப்படுவது ஏன்? இது தொடர்பான சமீபத்திய அப்டேட் என்ன? இவற்றை பற்றி இந்த பதிவில் காணலாம்.
National Council - Joint Consultative Mechanism
தேசிய கவுன்சிலின் (கூட்டு ஆலோசனை வழிமுறை) நிலைக்குழுவின் (JCM) 63வது கூட்டம் டெல்லியின் கே.ஜி. மார்க்கில் உள்ள சிவில் சர்வீசஸ் அதிகாரிகள் நிறுவனத்தில் (சிஎஸ்ஓஐ) நடைபெற்றது. இந்தக் கூட்டத்தில், மத்திய அரசு ஊழியர்கள் தொடர்பான பல முக்கியமான பிரச்சினைகள் விவாதிக்கப்பட்டன. அவற்றில் ஒன்று கோவிட் காலத்தில் நிறுத்தி வைக்கப்பட்ட 18 மாதங்களுக்கான அகவிலைப்படி/டிஆர் நிலுவைத் தொகையை வழங்குவது.
இந்த கூட்டம் செயலாளர் தலைமையில் நடைபெற்றது. ஊழியர்கள் தரப்பில் சிவகோபால் மிஸ்ரா மற்றும் எம். ராகவையா போன்ற மூத்த தலைவர்கள் தலைமை தாங்கினர்.
18 Months DA Arrears: ஊழியர்கள் தரப்பில் 18 மாத டிஏ அரியர் தொகை குறித்த பழைய கோரிக்கைகள் மீண்டும் வலியுறுத்தப்பட்டன
கூட்டத்தில், மார்ச் 2020 முதல் ஜூன் 2021 வரையிலான 18 மாதங்களுக்கு மத்திய அரசு ஊழியர்களின் அகவிலைப்படி மற்றும் ஓய்வூதியதாரர்களின் அகவிலை நிவாரண தொகையை ஊழியர்களுக்குத் திருப்பித் தர வேண்டும் என்று ஊழியர்கள் தரப்பில் மீண்டும் திட்டவட்டமாகக் கூறப்பட்டது. நாட்டில் ஊரடங்கு அமலில் இருந்தபோதும், அந்த கடினமான நேரத்தில் ஊழியர்கள் மற்றும் ஓய்வூதியதாரர்கள் தங்கள் முழு சேவை மனப்பான்மையுடன் பணியாற்றியதால், இந்த நிவாரணத்திற்கு தகுதியானவர்கள் என்று அவர்கள் வாதிட்டனர்.
Central Government Employees: மத்திய அரசு ஊழியர்களுக்கான 18 மாத டிஏ நிலுவைத் தொகை குறித்த அரசாங்க நிலைப்பாடு என்ன?
இருப்பினும், நிதி அமைச்சகம் தனது பழைய கருத்தை மீண்டும் வலியுறுத்தியுள்ளது. கோவிட்-19 தொற்றுநோய் காரணமாக பொருளாதார நிலைமை மோசமடைந்துள்ளதாகவும், அரசாங்கத்தால் நடத்தப்படும் நலத்திட்டங்களின் சுமை 2020-21 நிதியாண்டிற்கு அப்பாலும் உணரப்பட்டதாகவும் அமைச்சகம் கூறியது. இதுபோன்ற சூழ்நிலையில், DA / DR நிலுவைத் தொகையை செலுத்துவது சாத்தியமில்லை என அரசு தரப்பில் கூறப்பட்டுள்ளது. மேலும் ஊழியர்கள் மற்றும் ஓய்வூதியதாரர்களுக்கு முடக்கப்பட்ட 18 மாத நிலுவைத் தொகை அப்போது அதிக பாதிப்பை எதிர்கொண்ட நலிந்த பிரிவு மக்களுக்காக பயன்படுத்தப்பட்டது என்றும் அமைச்சகம் தெரிவித்துள்ளது.
8th Pay Commission: 8வது ஊதியக்குழு குறித்தும் விவாதிக்கப்பட்டது
8வது ஊதியக் குழுவை உருவாக்குவது மற்றும் அதன் குறிப்பு விதிமுறைகள் குறித்தும் கூட்டத்தில் விவாதிக்கப்பட்டது. அரசாங்கம் விரைவில் ஆணையத்தின் தலைவர் மற்றும் உறுப்பினர்களை நியமித்து ToR ஐ வெளியிட வேண்டும் என்று ஊழியர்கள் தரப்பில் வலியுறுத்தப்பட்டது.
சில உறுப்பினர்களை நியமிப்பதற்கான அறிவிப்பு வெளியிடப்பட்டுள்ளதாகவும், மீதமுள்ள செயல்முறை நடந்து வருவதாகவும் அரசாங்கம் கூறியது. 8வது ஊதியக் குழுவின் பரிந்துரைகள் ஜனவரி 1, 2026 முதல் செயல்படுத்தப்படும் என்றும், தாமதம் ஏற்பட்டால், நிலுவைத் தொகையுடன் பணம் செலுத்தப்பட வேண்டும் என்றும் ஊழியர்கள் நம்புகின்றனர்.
Employee Insurance Scheme: பணியாளர் காப்பீட்டுத் திட்டத்தின் முன்மொழிவும் முன்வைக்கப்பட்டது
கூட்டத்தில் விவாதிக்கப்பட்ட மற்றொரு பெரிய பிரச்சினை, மத்திய அரசு ஊழியர் குழு காப்பீட்டுத் திட்டம் (CGEGIS). இந்த காப்பீட்டுத் திட்டம் தொடர்பாக ஒரு புதிய திட்டத்தைத் தயாரித்துள்ளதாகவும், அது விரைவில் ஊழியர் தரப்புடன் பகிர்ந்து கொள்ளப்படும் என்றும் செலவினத் துறை தெரிவித்துள்ளது.
பல பிரச்சினைகள் விவாதிக்கப்பட்டாலும், 18 மாத கால டிஏ / டிஆர் நிலுவைத் தொகை தொடர்பான மிகப்பெரிய விஷயத்திற்கு அரசாங்கம் இன்னும் பச்சைக்கொடி காட்டாதது ஊழியர்களை வருத்தமடையச் செய்துள்ளது. அரசாங்கம் மீண்டும் ஒரு மனிதாபிமான அணுகுமுறையைக் கடைப்பிடித்து, நேர்மையாக சம்பாதித்த தொகையை ஊழியர்களுக்குத் திருப்பித் தர வேண்டும் என்று ஊழியர் அமைப்புகள் கூறுகின்றன.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)