 "FD வட்டியை குறைத்து... வாடிக்கையாளர்களுக்கு ஷாக் கொடுத்துள்ள சில முக்கிய வங்கிகள்")
கடந்த ஐந்து ஆண்டுகளாக, வங்கிகள் மற்றும் NBFC என்னும் வங்கிகள் அல்லாத நிதி நிறுவனங்களில் செய்யும் நிலையான வைப்புத்தொகை (FDs) முதலீடுகளுக்கு நல்ல வட்டி விகிதங்கள் கிடைத்து வந்தன. ஆனால் இப்போது, குறிப்பாக 2025 பிப்ரவரி மாதம் முதல், ரிசர்வ் வங்கி (RBI) அதன் ரெப்போ விகிதத்தைக் குறைத்து வரும் நிலையில், பெரும்பாலான வங்கிகள் மற்றும் NBFC நிறுவனங்கள் FD முதலீடுகளுக்கான வட்டி விகிதங்களைக் குறைத்துள்ளன. கடந்த மூன்று பண மதிப்பாய்வு கூட்டங்களில், ரெப்போ விகிதத்தை RBI மொத்தம் 100 அடிப்படை புள்ளிகள் அதாவது 1% குறைத்துள்ளது. இப்போது ரெப்போ விகிதம் 5.5% என்ற அளவில் உள்ளது. இது சமீபத்தில் 0.50% குறைக்கப்பட்டது.
அரசு வங்கிகள் பொதுவான FD முதலீகளுக்கான வட்டியைக் குறைப்பது மட்டுமல்லாமல், அதிக சலுகை அல்லது அதிக வட்டி கொண்ட சிறப்பு FD திட்டங்களுக்கான வட்டியையும் குறைத்துள்ளன. ரெப்போ விகிதம் குறைக்கப்பட்ட உடனேயே, நாட்டின் முக்கிய பொதுத்துறை வங்கிகள் தங்கள் சிறப்பு நிலையான வைப்புத்தொகை (FD) திட்டங்களுக்கான வட்டி விகிதங்களைக் குறைத்துள்ளன. SBI, PNB, இந்தியன் வங்கி, பாங்க் ஆஃப் பரோடா மற்றும் கனரா வங்கி ஆகியவை குறைத்துள்ளன. இந்த வங்கிகள் தற்போது தங்கள் சிறப்பு FD திட்டங்களுக்கு எவ்வளவு வட்டி வழங்குகின்றன என்பதை இந்த பதிவில் அறிந்து கொள்வோம்.
சிறப்பு FD திட்டங்களில் ஏற்பட்டுள்ள மாற்றங்கள்
இந்தியன் வங்கி
இந்தியன் வங்கியின் INDESCURE முதலீட்டு திட்டத்தில், பொது வாடிக்கையாளர்கள் இப்போது 6.90% வட்டியையும், மூத்த குடிமக்கள் 7.40% வட்டியையும், சூப்பர் சீனியர் சிட்டிசன்கள் 7.65% வட்டியையும் பெறுவார்கள். முன்னதாக இந்த வட்டி விகிதங்கள் 7.25% முதல் 7.90% வரை இருந்தன. இந்தியன் வங்கியின் INDESCURE FD திட்டம் 444 நாட்களில் முதிர்ச்சியடையும். முதலீட்டாளர்கள் செப்டம்பர் 30, 2025 வரை முதலீடு செய்ய வாய்ப்பு உள்ளது.
கனரா வங்கி
கனரா வங்கியின் 444 நாள் FD திட்டத்திற்கு, பொது வாடிக்கையாளர்கள் இப்போது 6.60% மற்றும் மூத்த குடிமக்கள் 7.10% பெறுகிறார்கள். முன்பு இந்த வட்டி விகிதம் 6.9%–7.4% என்ற அளவில் இருந்தது.
BOB, PNB, SBI
BOB, PNB, SBI போன்ற பெரிய வங்கிகளும் 390 நாட்கள் – 444 நாட்கள் FD திட்டங்களுக்கான விகிதங்களை 10 முதல் 25 அடிப்படை புள்ளிகள் வரை குறைத்துள்ளன.
வட்டி விகிதங்கள் மேலும் குறையுமா?
பணவீக்கம் (CPI) சுமார் 4% ஆக இருந்தால், இந்த ஆண்டு RBI மீண்டும் விகிதங்களைக் குறைக்க கூடும் என்று நிபுணர்கள் நம்புகின்றனர். இது வங்கிகள் மீது அதிக அழுத்தத்தை ஏற்படுத்தும். மேலும் FD முதலீடுகள் மீதான வட்டி விகிதங்கள் மேலும் குறையக்கூடும்.
FD முதலீட்டிற்கு மாற்றான சில முதலீடுகள்
FD திட்டத்தில் வருமானம் குறைவாக இருப்பதாக நீங்கள் உணர்ந்தால், இந்த வெறு முதலீட்டு விருப்பங்களை நீங்கள் பரிசீலிக்கலாம்:
கடன் பரஸ்பர நிதிகள் - சாத்தியமான வருமானம் 7%–8%
RBI ப்ளோட்டிங்க் விகித பத்திரங்கள் - 7.15% வட்டி
மூத்த குடிமக்கள் சேமிப்புத் திட்டம் (SCSS) - 8.2% வட்டி (மத்திய அரசுத் திட்டம்)
நீங்கள் பாதுகாப்பான மற்றும் நிலையான வருமானம் கொடுக்கும் முதலீட்டை விரும்பினால், FD முதலீடுகள் எப்போதுமே பாதுகாப்பான முதலீடுகள் தான். ஆனால் வருமான எதிர்பார்ப்பு சற்று குறைவாகவே இருக்க வேண்டும். தற்போதைய சூழ்நிலையைப் பார்க்கும்போது, வரும் காலங்களில் வட்டி விகிதங்கள் மேலும் குறையலாம் என கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)