EPS Pension: இபிஎஃப் உறுப்பினர்களுக்கு வசதிகளை அதிகமாக்கவும், செயல்முறைகளை எளிதக்கவும், ஊழியர் வருங்கால வைப்பு நிதி அமைப்பான EPFO, பல புதிய விதிகளை அறிமுகம் செய்கிறது, சில பழைய விதிகளில் மாற்றங்களை செய்கிறது. இந்த விதிகளை பற்றிய முழுமையான தகவல் இபிஎஃப் உறுப்பினர்களுக்கு இருக்க வேண்டியது மிக அவசியமாகும்.
EPF Members: இபிஎஃப் உறுப்பினர்களுக்கு முக்கிய அப்டேட்
இபிஎஃப் கணக்கின் ஒரு முக்கிய அம்சமான இபிஎஸ் ஈ-நாமினேஷன் பற்றி இந்த பதிவில் காணலாம். EPS e-Nomination உறுப்பினர்கள் தங்கள் குடும்பத்தின் நிதி ஸ்திரத்தன்மையை உறுதி செய்ய செய்யவேண்டிய ஒரு முக்கிய நடவடிக்கையாகும். EPFO வழங்கும் இந்த செயல்முறை, உங்கள் குடும்ப உறுப்பினர்களை உங்கள் ஓய்வூதிய நிதி சலுகைகளைப் பெற நியமிக்க உங்களை அனுமதிக்கிறது. EPS e-Nomination ஐப் பயன்படுத்தி, உங்கள் அன்புக்குரியவர்களுக்கு நிலையான நிதி எதிர்காலத்தை உருவாக்க நீங்கள் உதவலாம்.
EPS e-Nomination: இபிஎஸ் நாமினேஷன் செய்வது எப்படி?
இதில் சிறப்பான விஷயம் என்னவென்றால், இபிஎஃப் உறுப்பினர்கள் EPS e-Nomination செயல்முறையை தங்கள் வீட்டிலிருந்தே ஆன்லைனில் செய்து முடிக்கலாம். இதற்கு உங்கள் UAN (யுனிவர்சல் கணக்கு எண்) மற்றும் ஆதார் மட்டுமே. தேவைப்படும். ஒரு நேரடியான செயல்முறையாக இருக்கும் இதன் மூலம் செயல்முறையை எளிதாக்குவது மட்டுமல்லாமல் உங்கள் குடும்பத்திற்கு மன அமைதியையும் வழங்கலாம்.
EPF Subscriber
EPS e-நாமினேஷன் மூலம், இபிஎஃப் சந்தாதாரர்கள், தங்கள் மறைவுக்கு பிறகு, தங்கள் ஓய்வூதிய நிதியின் மூலம் பயனடைய வேண்டும் என அவர்கள் விரும்பும் குடும்ப உறுப்பினர்களை அதிகாரப்பூர்வமாக பெயரிடலாம். EPFO ஆன்லைன் போர்டல் மூலம் இதை எளிதாகச் செய்யலாம், இது உங்கள் குடும்பத்தை எதிர்காலத்தில் எந்தவொரு நிதி நெருக்கடியும் இல்லாமல் பாதுகாக்க உதவுகிறது.
EPS e-Nomination செய்ய இவை எல்லாம் தேவை:
- உங்கள் யுனிவர்சல் கணக்கு எண்.
- ஆதார் அட்டை மற்றும் அதனுடன் இணைக்கப்பட்ட மொபைல் எண்.
- பதிவு படிவம் ஆன்லைனில் கிடைக்கிறது.
- JPG வடிவத்தில் ஒரு புகைப்படம்.
-. நாமினியாக பரிந்துரைக்கப்பட்டவரின் ஆதார் எண் மற்றும் வங்கிக் கணக்கு விவரங்கள்.
- நாமினியாக பரிந்துரைக்கப்பட்டவரின் முகவரிச் சான்று.
- நாமினியாக பரிந்துரைக்கப்பட்டவரின் பிறந்த தேதி சான்றிதழ்.
EPS e-நாமினேஷன் என்றால் என்ன?
இபிஎஃப் உறுப்பினர்கள் தங்கள் ஓய்வூதிய நிதி சலுகைகளைப் பெற தனிநபர்களை பரிந்துரைக்கும் செயல்முறை இபிஎஸ் ஈ-நாமினேஷன் எனப்படும். உறுப்பினர் இறந்த பிறகு, அவரது கணக்கில் இருக்கும் தொகை நாமினிக்கு செல்வதை இந்த ஈ-நாமினேஷன் உறுதி செய்கிறது. EPFO போர்டல் மூலம் உறுப்பினர்கள் எளிதாக மற்றொருவரை நாமினியாக நியமிக்கலாம்.
EPS e-Nomination: இதன் நன்மைகள் என்ன?
- நிதி பாதுகாப்பு: இது உங்கள் குடும்பத்தின் நிதிநிலையைப் பாதுகாக்கிறது.
- ஆன்லைன் வசதி: உங்கள் வீட்டில் இருந்தபடியே இதில் பதிவு செய்யலாம்.
- ஓய்வூதிய சலுகைகள்: உறுப்பினரின் மரணத்திற்குப் பிறகு அவரது நாமினி ஓய்வூதிய சலுகைகளைப் பெறுவார்.
- சட்டப்பூர்வ உத்தரவாதம்: இந்த நியமனம் சட்டப்பூர்வமாக செல்லுபடியாகும்.
Step-by-step guide for EPS e-Nomination: EPS e-Nomination செய்வது எப்படி?
- EPFO போர்ட்டலில், உங்கள் UAN மற்றும் கடவுச்சொல்லைப் பயன்படுத்தி லாக் இன் செய்யவும்.
- ‘Manage’ பிரிவில் உள்ள ‘E-nomination’ -ஐக் கிளிக் செய்யவும்.
- உங்கள் குடும்ப உறுப்பினர்கள் பற்றிய விவரங்களை வழங்கவும்.
- நாமினியாக பரிந்துரைக்கப்பட்டவரின் தனிப்பட்ட தகவல் மற்றும் அவரது வங்கிக் கணக்குத் தகவலை உள்ளிடவும்.
- உங்கள் விண்ணப்பத்தை மின்-கையொப்பமிட (E-Sign) ஆதார் அடிப்படையிலான OTP ஐப் பயன்படுத்தவும்.
- அனைத்தையும் ஒரு முறை சரிபார்த்த பின்னர் பதிவை முடிக்கவும்.
EPS e-Nomination: இதற்கு யாரையெல்லாம் பரிந்துரைக்க முடியும்?
EPS ஈ-நாமினேஷன் மூலம் உறுப்பினர் தனது மனைவி / கணவன், குழந்தைகள் மற்றும் சார்ந்திருக்கும் பெற்றோர் போன்ற குடும்ப உறுப்பினர்களை நாமினியாக பரிந்துரைக்கலாம். உறுப்பினருக்கு குடும்பம் இல்லையென்றால், மற்றவர்களையும் நாமினியாகத் தேர்வுசெய்யலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
