EPF Withdrawal Rules: டிஜிட்டல் முறையை அதிகமாக பயன்படுத்தத் தொடங்கியுள்ள EPFO, UPI அடிப்படையிலான க்ளெய்ம் செயலாக்கத்தை அறிமுகப்படுத்தத் தயாராகி வருகிறது.
)
EPFO Update: ஊழியர் வருங்கால வைப்பு நிதி அமைப்பான EPFO, அவ்வப்போது தனது செயல்பாடுகளில் பல மாற்றங்களை செய்கிறது. இபிஎஃப் உறுப்பினர்களின் வசதிகளை அதிகரிக்க, பல புதிய விதிகள் அறிமுகம் செய்யப்படுகின்றன. பழைய விதிகளில் மாற்றங்கள் செய்யப்படுகின்றன. அடுத்த நிதியாண்டு, அதாவது ஏப்ரல் 2025 முதல் அப்படி பல மாற்றங்களை செய்ய இபிஎஃப்ஓ தயாராகி வருகின்றது.
EPF Members: இபிஎஃப் உறுப்பினர்களுக்கு அதிகரிக்கும் நன்மைகள்
டிஜிட்டல் முறையை அதிகமாக பயன்படுத்தத் தொடங்கியுள்ள EPFO, UPI அடிப்படையிலான க்ளெய்ம் செயலாக்கத்தை அறிமுகப்படுத்தத் தயாராகி வருகிறது. இதன் மூலம் உறுப்பினர்கள் தங்கள் வருங்கால வைப்பு நிதி கணக்கில் உள்ள தொகையை உடனடியாக எடுக்க முடியும். செயல்திறனை மேம்படுத்துதல் மற்றும் பரிவர்த்தனை நேரத்தைக் குறைத்தல் ஆகியவற்றை நோக்கமாகக் கொண்ட இந்த நடவடிக்கையை பற்றி தொழிலாளர் மற்றும் வேலைவாய்ப்பு செயலாளர் சுமிதா தாவ்ரா செவ்வாயன்று அறிவித்தார்.
EPF Subscribers: இபிஎஃப் சந்தாதாரர்களுக்கு விரைவில் புதிய வசதிகள்
ANI உடனான ஒரு நேர்காணலில், இந்த அம்சம் மே-இறுதி அல்லது ஜூன் மாதத்திற்குள் செயல்பாட்டுக்கு வரும் என்று சுமிதா தாவ்ரா உறுதிப்படுத்தினார். இந்த நடவடிக்கை EPFO உறுப்பினர்கள் தங்கள் சேமிப்புகளை அணுகும் விதத்தில் ஒரு பெரிய மாற்றத்தைக் குறிக்கிறது. “தேவையான சோதனைகளை நடத்திய பிறகு, மே மாத இறுதிக்குள் EPFO கோரிக்கைகளுக்கான UPI ஃப்ரெண்ட்எண்டை வெளியிட முடியும் என நம்புகிறோம். இது அனைத்து உறுப்பினர்களுக்கும் பயனளிக்கும். ஏனெனில் இதன் மூலம் உறுப்பினர்கள் தங்கள் EPFO கணக்குகளை UPI இடைமுகத்தில் நேரடியாகப் பார்த்து ஆட்டோ-கிளெய்ம்களை செய்ய முடியும். நுகர்வோர் தகுதியுடையவராக இருந்தால் ஒப்புதல் செயல்முறை உடனடியாக நடக்கும். இது அவர்களின் கணக்குகளில் தொகை விரைவாக வரவு வைக்கப்படுவதை உறுதி செய்கிறது, ” என்று அவர் கூறினார்.
தானியங்கி அமைப்பு மூலம் உறுப்பினர்கள் உடனடியாக ரூ. 1 லட்சம் வரை பணம் எடுக்க முடியும் என்றும், பரிமாற்றங்களுக்கு தங்களுக்கு விருப்பமான வங்கிக் கணக்கைத் தேர்ந்தெடுக்க முடியும் என்றும் தாவ்ரா ANI இடம் கூறினார்.
EPF Claim Settlement: இபிஎஃப் க்ளெய்ம்
தற்போது, EPFO உறுப்பினர்களுக்கான இபிஎஃப் க்ளெய்ம் செயல்முறை 2-3 நாட்களுக்கான நேரத்தை எடுத்துக்கொள்கிறது. UPI ஒருங்கிணைப்பு அறிமுகப்படுத்தப்பட்டவுடன், பணம் எடுப்பது சில மணிநேரங்களுக்குள் அல்லது நிமிடங்களுக்குள் நிறைவடையும் என்று எதிர்பார்க்கப்படுகிறது. இந்தியாவில் டிஜிட்டல் கொடுப்பனவுகளுக்கு UPI செய்ததைப் போலவே, இந்த அம்சமும் வருங்கால வைப்பு நிதி அமைப்பில் புரட்சியை ஏற்படுத்தும் என்று எதிர்பார்க்கப்படுகிறது.
விரைவாக பணம் எடுப்பதைத் தாண்டி, EPFO நிதி பயன்பாட்டின் நோக்கத்தையும் விரிவுபடுத்தியுள்ளது. தற்போதுள்ள நோய் சிகிச்சைக்கு விதிமுறைகளுக்கு கூடுதலாக, உறுப்பினர்கள் இப்போது வீட்டுவசதி, கல்வி மற்றும் திருமணத்திற்கான நிதியையும் எடுக்கலாம் என்று தாவ்ரா மேலும் கூறினார்.
இந்த மாற்றத்தை சாத்தியமாக்க, EPFO ஒரு குறிப்பிடத்தக்க டிஜிட்டல் மாற்றத்திற்கு உட்பட்டுள்ளது. க்ளெய்ம் செயலாக்கத்தை ஒழுங்குபடுத்த 120 க்கும் மேற்பட்ட தரவுத்தளங்கள் ஒருங்கிணைக்கப்பட்டுள்ளன. மேலும் 95% கிளெய்ம்கள் ஏற்கனவே தானியங்கி முறையில், அதாவது ஆட்டோமேடடாக உள்ளன. செயல்முறையை மேலும் எளிதாக்குவது, காகிதப்பணி மற்றும் தாமதங்களைக் குறைப்பதே இதன் நோக்கமாகும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
