உங்கள் பொழுதுபோக்குகள் எதையும் குறைத்துக் கொள்ளாமல், தற்போதைய மகிழ்ச்சி, எதிர்கால பாதுகாப்பு இரண்டையும் பெறும் வகையில், பணத்தை புத்திசாலித்தனமாக சேமிக்க உதவும் டிப்ஸ்களை அறிந்து கொள்ளலாம்.
 "சுற்றுலா, ஹோட்டல் என எதையும் விட்டுக் கொடுக்காமல்... பணத்தை சிறப்பாக சேமிக்க 5 டிப்ஸ்")
உங்கள் வாழ்க்கை முறைத் தேவைகளை நீங்கள் சரியாகத் திட்டமிட்டால், பணத்தை சிறப்பாக சேமிக்கப்படும். உங்கள் பொழுதுபோக்குகள் எதையும் குறைத்துக் கொள்ளாமல், உங்கள் தற்போதைய மகிழ்ச்சி, எதிர்கால பாதுகாப்பு இரண்டையும் பெறும் வகையில், உங்கள் கடின உழைப்பால் சம்பாதித்த பணத்தை புத்திசாலித்தனமாக சேமிக்க உதவும் 5 டிப்ஸ்களை அறிந்து கொள்ளலாம்.
வார இறுதி நாட்களில் நண்பர்களுடன் அல்லது குடும்பத்தினருட்ன விருந்து, மாதத்திற்கு ஒரு முறை நல்ல உணவகத்தில் இரவு உணவு, சமீபத்திய வெப் தொடருக்கான சந்தா மற்றும் வருடத்தில் ஒரு சுற்றுலா பயணம் என எல்லாவற்றையும் அனுபவித்துக் கொண்டே பணத்தைச் சேமிப்பது எப்படி என்பதை அறிந்து கொள்ளலாம். இவற்றைப் பின்பற்றுவதன் மூலம் உங்கள் வாழ்க்கை முறையுடன் நீங்கள் சமரசம் செய்ய வேண்டியதில்லை. மாத இறுதியில், உங்கள் பாக்கெட்டில் நிறைய பணமும் இருக்கும்.
1. 30 நாள் விதி (The 30-Day Rule)
பெரும்பாலும் ஆன்லைன் விற்பனையில் விலையுயர்ந்த தொலைபேசி அல்லது சிறந்த காலணிகளைக் கண்டால் உடனடியாக அதை வாங்காமல் காத்திருங்கள். 30 நாட்கள் மட்டும் காத்திருந்தால் போதும். பல நேரங்களில் 30 நாட்களுக்குப் பிறகு, நாம் வாங்க நினைத்த அந்த பொருள் அவ்வளவு முக்கியமானது இல்லை என்பதை உணருவீர்கள். இது பொருள் வாங்கும் ஆசையை கட்டுப்படுத்துவதற்கான மிகப்பெரிய ஆயுதம். இதனால், யோசிக்காமல் ஷாப்பிங் செய்வது பெரிதும் தவிர்க்கப்படும்.
2. 'ஒன்-ஸ்ப்ளர்ஜ்' விதி (The 'One-Splurge' Rule)
உங்கள் பொழுதுபோக்குகளை தவறாமல் தொடரவும். உங்களுக்கு மிகவும் மகிழ்ச்சியைத் தரும் ஒரு விஷயத்தில் சுதந்திரமாகச் செலவிடுங்கள். உதாரணமாக, நீங்கள் சுற்றுலா பயணம் செய்ய விரும்பினால், விடுமுறையில் தாராளமாகச் செலவிடுங்கள். ஆனால் பின்னர் தேவையில்லாத மற்ற விஷயங்களில் அதனை ஈடு கட்டலாம். இது சமரசம் செய்து கொள்கிறோம் என்ற உணர்வை ஏற்படுத்தாது. மேலும் பணத்தையும் சேமிக்கலாம்.
3. பட்ஜெட் அல்ல, 'ஆன்டி- பட்ஜெட்' தயார் செய்யுங்கள் (The Anti-Budget Method)
மக்கள் பட்ஜெட்டை உருவாக்கி அதைப் பின்பற்றுவதை விட 'ஆன்டி- பட்ஜெட்' முறையை முயற்சி செய்யலாம். மாத தொடக்கத்தில், உங்கள் வருமானத்தில் 10% அல்லது 20% (நீங்கள் சேமிக்க விரும்பும் அளவுக்கு) நேரடியாக ஒரு சேமிப்புக் கணக்கு அல்லது SIP போன்றவற்றில் முதலீடு செய்யவும். இதற்குப் பிறகு, மீதமுள்ள பணத்தை நீங்கள் விரும்பியபடி செலவிடுங்கள். இதன் மூலம் பணத்தைச் சேமிப்பீர்கள். மேலும் ஒவ்வொரு சிறிய செலவையும் யோசித்து செய்ய வேண்டியதில்லை.
4. தேவையில்லாத சந்தாக்களை நிறுத்தவும் (Declutter Your Subscriptions)
ஆன்லைன் திரைப்படத் தொடர்களைப் பார்க்க சந்தாவாக ஒவ்வொரு மாதமும் சந்தா கட்டுகிறோம். அத்தகைய சூழ்நிலையில், ஒரு நாள் உட்கார்ந்து உங்கள் வங்கி அறிக்கையைச் சரிபார்த்து, அவசியமில்லாத சந்தாக்களை உடனடியாக ரத்து செய்யுங்கள். இது ஆண்டின் இறுதியில் பார்க்கும் போது, ஒரு பெரிய தொகையாக இருக்கும்.
5. 'வீட்டில் விருந்து மூலம் மகிழ்ச்சி சேமிப்பு இரண்டும் கிடைக்கும்' (The DIY Entertainment)
வெளியில் நண்பர்களுடன் விருந்து வைப்பதற்கு ஆயிரக்கணக்கான ரூபாய்களை செலவிடுவதற்கு பதிலாக, நண்பர்களை உங்கள் வீட்டிற்கு அழைக்கவும். வீட்டிலேயே விருந்து பொருட்களை தயாரித்து மகிழ்வது உணவகத்திற்குச் செல்வதை விட சிறந்தது மற்றும் மிகவும் மலிவானது. இதைச் செய்வதன் மூலம், நீங்கள் நண்பர்களுடன் தரமான நேரத்தை செலவிட முடியும். மேலும் பணத்தை மிச்சப்படுத்தவும் முடியும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)