 "அரசு திட்ட பணிகளுக்கான டெண்டர்களுக்கு விண்ணப்பிப்பது எப்படி? தமிழ்நாடு அரசு கொடுக்கும் பயிற்சி")
Tamil Nadu Government Tender Training Program : பலருக்கும் அரசு திட்ட பணிகளுக்கு விண்ணப்பிக்க விருப்பம் இருக்கும். ஆனால், எப்படி விண்ணப்பிப்பது, யாரை சந்திப்பது, அதற்கான விதிமுறைகள் என்ன என்பது குறித்து தெரிந்திருக்காது. யாரிடமாவது நேரில்சென்று கேட்டால் கூட சொல்லவும் மாட்டார்கள். ஆனால், இனி அந்த ஏமாற்றம் உங்களுக்கு வேண்டாம். அரசு திட்ட பணிகளுக்கு விண்ணப்பிக்க விரும்புபவர்களுக்கு இப்போது ஒரு குட் நியூஸ் வெளியாகியுள்ளது. தமிழ்நாடு அரசு சார்பில் அரசின் டெண்டர்களுக்கு விண்ணப்பிப்பது எப்படி, அதற்கான விதிமுறைகள் என்ன? என்பது குறித்த வழிகாட்டுதல்கள் வழங்கப்பட உள்ளன.
இதுதொடர்பாக தமிழ்நாட்டு தொழில்முனைவோர் மேம்பாட்டு நிறுவனம் முக்கிய அறிவிப்பு வெளியிடப்பட்டுள்ளது. பல தொழில்முனைவோர்களை உருவாக்குவதற்காக பல்வேறு பயிற்சிகளை கொடுத்து வரும் அந்த நிறுவனம் தான் இப்போது அரசு டெண்டர்களுக்கு விண்ணப்பிப்பது எப்படி? (How to Apply for Government Tenders) என்பது குறித்த பயிற்சியையும் வழங்க இருக்கிறது. தொழில்முனைவோருக்கான 1 நாள் டெண்டர் நடைமுறை (GeM போர்டல்) பயிற்சி நடக்க உள்ளது.
தமிழக அரசின் தொழில் முனைவோர் மேம்பாடு மற்றும் புத்தாக்க நிறுவனத்தின் தொழில்முனைவோருக்கான ஒரு நாள் டெண்டர் நடைமுறை (GeM போர்டல்) பயிற்சி, வரும் 11.072025 (காலை 10.00 மணி முதல் மாலை 05.00 மணி வரை) நடைபெற உள்ளது. பயிற்சி நடைபெறும் இடம்: EDII-TN வளாகம், ஈக்காட்டுத்தாங்கல், கிண்டி, சென்னை - 600 032. புதிய தொழில்முனைவோர் (ஆரம்பநிலை) மற்றும் அனுபவம் வாய்ந்த வணிகர்கள் தேசிய மின்வணிக GeM தளத்தின் மூலம் மத்திய அரசு உற்பத்தி நிறுவனங்கள், வர்த்தகர்கள் மற்றும் சேவை வழங்குநர்களுடன் இணைந்து விண்ணப்பிப்பதற்கான பயிற்சி கொடுக்கப்படுகிறது.
இந்த ஒருநாள் என்னவெல்லாம் கற்றுக் கொள்ளலாம்?
- பொது கொள்முதல்
- பொது கொள்முதல் பயன்பாமை
- GeM அறிமுகம்
- விற்பனையாளர்களுக்கான GeM நன்மைகள்
- விற்பனையாளர்களுக்கான GeM ஆன்போர்டிங் நடைமுறை
- GeM கொள்முதல் முறைகள்
- GeM ஏல நடைமுறை
- GeM ஒப்பந்தம் பங்கெடுப்பதற்கான நடைமுறை
இப்பயிற்சியில் ஆர்வமுள்ள தொழில்முனைவோர் (ஆண்/பெண்) 18 வயதுக்கு மேற்பட்ட குறைந்தபட்ச கல்வித் தகுதி 10வது வகுப்புடன் விண்ணப்பிக்கலாம்..
மேலும் கூடுதல் விவரங்களை பெற விரும்புவோர் Webelts: www.editn.in என்ற வலைத்தளத்தில் தெரிந்து கொள்ளலாம். மேலும் விவரங்களுக்கு அலுவலக வேலை நாட்களில் (திங்கள் முதல் வெள்ளி வரை) காலை 10 மணி முதல் மாலை 5.45 மணி வரை தொடர்பு கொள்ள வேண்டிய முகவரி மற்றும் தொலைபேசி / கைபேசி எண்கள் கொடுக்கப்பட்டுள்ளது: 9543773337/9360221280. முன்பதிவு அவசியம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)