உங்கள் EPF கணக்கில் எவ்வளவு பணம் உள்ளது? தெரிந்துகொள்ள ஈசியான 5 வழிகள் இதோ

EPFO Balance Check: இபிஎஃப் கணக்கில் உள்ள தொகையை எப்படி செக் செய்வது? கணக்கில் எவ்வளவு தொகை உள்ளது என்பதை எப்படி தெரிந்துகொள்வது? இந்த விவரங்களை பற்றி இந்த பதிவில் தெரிந்துகொள்ளலாம்.

EPFO Balance Check: இபிஎஃப் உறுப்பினரா நீங்கள்? உங்கள் ஊதியத்திலிருந்து மாதா மாதம் ஒரு குறிப்பிட்ட தொகை கழிக்கப்படுகின்றதா? அப்படியென்றால் இந்த செய்தி உங்களுக்கு மிக உதவியாக இருக்கும். 

ஊழியர் வருங்கால வைப்பு நிதி அமைப்பான EPFO மூலம் நடத்தப்படும் இபிஎஃப் கணக்கு ஒரு ஓய்வூதிய சேமிப்புக் கணக்காகும். இதில் ஊழியர்கள் மாதா மாதம் தங்கள் ஊதியத்தில் ஒரு குறிப்பிட்ட தொகையை டெபாசிட் செய்கிறார்கள். அதே அளவு தொகையை முதலாளி / நிறுவனமும் டெபாசிட் செய்யும். 

இந்த கணக்கில் சேர்க்கப்படும் தொகையை ஊழியர்கள் பொதுவாக ஓய்வு பெறும்போது அல்லது வேலையை மாற்றும்போது எடுக்கிறார்கள். மாத சம்பளம் பெறும் அனைத்து ஊழியர்களும் இந்த இபிஎஃப் திட்டத்தை பயன்படுத்திக்கொள்ளலாம்.

EPF Members: இபிஎஃப் உறுப்பினர்களுக்கு முக்கிய செய்தி

இபிஎஃப் உறுப்பினர்கள் அனைவரும் சில முக்கிய விஷயங்களை மனதில் கொள்ள வேண்டும். இபிஎஃப் கணக்கில் உள்ள தொகையை எடுப்பதற்கான வழிகள் பற்றி உறுப்பினர்கள் தெரிந்துவைத்திருப்பது மிக அவசியமாகும். இபிஎஃப் கணக்கில் உள்ள தொகையை எப்படி செக் செய்வது? கணக்கில் எவ்வளவு தொகை உள்ளது என்பதை எப்படி தெரிந்துகொள்வது? இந்த விவரங்களை பற்றி இந்த பதிவில் காணலாம். 

EPF Amount: இபிஎஃப் தொகை

இபிஎஃப் உறுப்பினர்கள் தங்கள் கணக்கில் உள்ள இபிஎஃப் இருப்பைச் சரிபார்க்க பல வழிகள் உள்ளன. எஸ்எம்எஸ்,  மிஸ்டு கால், உமங் செயலி அல்லது EPFO ​​வலைத்தளம் மூலம் இபிஎஃப் கணக்கை செக் செய்து, இருப்பை தெரிந்துகொள்ளலாம். இதற்கு உங்களிடம் UAN (உலகளாவிய கணக்கு எண்), தொலைபேசி எண் மற்றும் இணைய இணைப்பு இருந்தால் போதும்.

EPFO Website: இபிஎஃப்ஓ ​வலைத்தளத்தின் மூலம் இபிஎஃப் இருப்பை செக் செய்வது எப்படி?

- முதலில் www.epfindia.gov.in என்ற இபிஎஃப்ஓ இணையதளத்திற்குச் செல்லவும்.
- 'Our Services' பிரிவின் கீழ்  'For Employees' என்பதைக் கிளிக் செய்யவும்.
-  'Services' மெனுவிலிருந்து 'Member Passbook' விருப்பத்தைத் தேர்வு செய்யவும்.
- லாக் இன் திரையில், உங்கள் UAN, கடவுச்சொல் மற்றும் கேப்ட்சா குறியீட்டை உள்ளிடவும்.
- லாக் இன் செய்ததும், உங்கள் PF இருப்பு மற்றும் பரிவர்த்தனை விவரங்களைக் காணலாம்.

2. Missed Call: மிஸ்டு கால் மூலம் இபிஎஃப் இருப்பை செக் செய்வது எப்படி?

- உங்கள் பதிவுசெய்யப்பட்ட மொபைல் எண்ணிலிருந்து 9966044425 என்ற எண்ணை டயல் செய்யவும்.
- அழைப்பு தானாகவே முடிவடையும். அதன் பிறகு உங்கள் PF விவரங்களுடன் ஒரு SMS பெறுவீர்கள்.

3. SMS: SMS மூலம் இபிஎஃப் இருப்பை செக் செய்வது எப்படி?

- இந்த வடிவத்தில் ஒரு SMS அனுப்பவும்: EPFOHO UAN ENG.

- ‘ENG’ என்பது ஆங்கிலத்தை குறிக்கும். பல்வேறு மொழிகளுக்கு அந்த மொழியின் முதல் 3 எழுத்துகளை டைப் செய்ய வேண்டும். உதாரணமாக தமிழுக்கு TAM என அனுப்ப வேண்டும்.

- 7738299899 என்ற எண்ணுக்கு SMS அனுப்பவும்.

4. UMANG Website: உமங் இணையதளத்தின் மூலம் இபிஎஃப் இருப்பை செக் செய்வது எப்படி?

- UMANG இணையதளத்தைத் திறக்கவும்.
- EPFO ​​சேவைகளைத் தேடி உங்கள் UAN மற்றும் கடவுச்சொல் ஆகியவற்றை உள்ளிட்டு லாக் இன் செய்யவும்.
- உங்கள் PF பாஸ்புக் மற்றும் பரிவர்த்தனை விவரங்களைப் பார்க்கவும்.

5. UMANG App: உமங் செயலி மூலம் இபிஎஃப் இருப்பை செக் செய்வது எப்படி?

- Play Store அல்லது App Store -இலிருந்து UMANG செயலியைப் பதிவிறக்கவும்.
- உங்கள் மொபைல் எண்ணுடன் பதிவு செய்யவும்.
- OTP ஐப் பயன்படுத்தி உங்கள் மொபைல் எண்ணை உறுதிப்படுத்தவும்.
- செயலியைத் திறந்து மேல் இடது மூலையில் உள்ள 3 கிடைமட்ட கோடுகளைத் தட்டவும்.
- சேவை கோப்பகத்திற்குச் சென்று EPFO ​​ஐத் தேடவும்.
- View Passbook என்பதைத் தேர்ந்தெடுத்து உங்கள் சான்றுகளைப் பயன்படுத்தி லாக் இன் செய்யவும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!