மார்ச் மாதம் பிறந்துள்ள நிலையில், பல விதிகளில் மாற்றங்கள் ஏற்படுத்தப்பட்டுள்ளன. இதனை பற்றி அறிந்து வைத்திருப்பது, பல சிக்கல்களில் சிக்காமல் இருக்க உதவும். மார்ச் 2025 முதல், எல்பிஜி சிலிண்டரின் விலையில் இருந்து வங்கி FD மீதான வட்டி விகிதங்கள் வரை அனைத்திலும் மாற்றம் உள்ளன. மார்ட் மாதம் என்ன மாற்றங்களை கொண்டு வந்துள்ளது; அவை உங்களுக்கு என்ன விதமான பாதிப்ப ஏற்படுத்தும் என்பதை அறிந்து கொள்ளலாம்.
எல்பிஜி விலை
வீட்டு உபயோகம் மற்றும் வணிக ரீதியிலான எல்பிஜி சிலிண்டர்களின் புதிய விலை அதிகரித்துள்ளது. கடந்த மாதம், பிப்ரவரி 1ம் தேதி, 19 கிலோ வணிக எல்பிஜி சிலிண்டரின் விலை ₹7 குறைக்கப்பட்ட நிலையில், அரசு எண்ணெய் நிறுவனங்கள் மார்ச் 1, 2025 முதல் 19 கிலோ வணிக சிலிண்டரின் விலையை சிலிண்டருக்கு ரூ.6 என்ற அளவில் அதிகரித்துள்ளது. இனி, 19 கிலோ வணிக எரிவாயு சிலிண்டரின் விலை சென்னையில் ரூ.1959.50 என்ற விலையில் இருந்து ரூ.1965 ஆக அதிகரித்துள்ளது.
CNG, PNG, ATF விலை
சிலிண்டர் விலை உயர்வுடன், எண்ணெய் நிறுவனங்களால் விமான நிறுவனங்களுக்கு நிவாரணம் வழங்கப்பட்டுள்ளது. விமான எரிபொருளின் விலையை குறைப்பதாக நிறுவனங்கள் அறிவித்துள்ளன. உள்நாட்டு விமான நிறுவனங்களுக்கு ஏர் டர்பைன் எரிபொருளின் (ஏடிஎஃப்) விலை கிலோ லிட்டருக்கு ரூ.222 குறைக்கப்பட்டுள்ளது. ஏடிஎஃப் விலை குறைக்கப்பட்டதன் விளைவை வரும் காலங்களில் உள்நாட்டு விமான டிக்கெட்டுகளில் பார்க்கலாம். இந்த திருத்தத்தின் மூலம், டெல்லியில் ஏடிஎஃப்-ன் புதிய விலை கிலோலிட்டருக்கு ₹95,311.72 ஆக உள்ளது, இது ₹95,533.72 இலிருந்து குறைந்துள்ளது.
UPI மூலம் காப்பீட்டு பிரீமியத்தைச் செலுத்துவது எளிதாக இருக்கும்
மார்ச் 1, 2025 முதல் யூனிஃபைட் பேமென்ட் இன்டர்ஃபேஸ் (யுபிஐ) பரிவர்த்தனைகளில் பெரிய மாற்றம் ஏற்படப் போகிறது. IRDAI ஏற்படுத்தியுள்ள புதிய விதிகளின்படி, இப்போது UPI மூலம் காப்பீட்டு பிரீமியத்தைச் செலுத்துவது இன்னும் எளிதாகிவிடும். காப்பீட்டு ஒழுங்குமுறை மற்றும் மேம்பாட்டு ஆணையம் (IRDAI) UPI மூலம் Insurance-ASBA என்ற புதிய அம்சத்தை அறிமுகப்படுத்தியுள்ளது.
மியூச்சுவல் ஃபண்ட் மற்றும் டீமேட் கணக்கில் 10 நாமினிகளை சேர்க்க முடியும்
மார்ச் 1 முதல், முதலீட்டாளர்கள் தங்கள் மியூச்சுவல் ஃபண்ட் போர்ட்ஃபோலியோ மற்றும் டிமேட் கணக்கில் அதிகபட்சம் 10 நாமினிகளை சேர்க்க முடியும். தற்போது ஒன்று அல்லது இரண்டு நாமினிகளின் பெயர்களைச் சேர்க்கும் வசதி உள்ளது. அவர்கள் அனைவரையும் கூட்டுக் கணக்கு வைத்திருப்பவர்களாகக் காணலாம் அல்லது வெவ்வேறு ஒற்றைக் கணக்குகள் அல்லது ஃபோலியோக்களுக்கு வெவ்வேறு நாமினிகளைத் தேர்ந்தெடுக்கலாம். இந்த மாற்றம் தொடர்பான சுற்றறிக்கையை ஜனவரி 10 ஆம் தேதி செபி வெளியிட்டது, இந்த மாற்றம் மார்ச் 1 முதல் அமல்படுத்தப்படும்.
மேலும் படிக்க - ஓய்வு காலத்தில் ஹேப்பியாக இருக்க... இந்த 4 திட்டங்கள் கைக்கொடுக்கும்!
நிலையான வைப்பு வட்டி விகிதங்களில் மாற்றம்
அடுத்த மாதம் முதல் அதாவது மார்ச் 2025 முதல், வங்கிகள் நிலையான வைப்புகளின் வட்டி விகிதங்களை மாற்றலாம் (புதிய FD விகிதங்கள் 2025). அதாவது FD மீதான வட்டி விகிதங்கள் அதிகரிக்கலாம் அல்லது குறையலாம். வங்கிகள் அவற்றின் பணப்புழக்கம் மற்றும் நிதித் தேவைகளுக்கு ஏற்ப வட்டி விகிதங்களை மாற்றிக்கொள்ளலாம்.
மார்ச் மாதத்தில் 14 நாட்கள் வங்கிகளுக்கு விடுமுறை அளிக்கப்படும்.
மற்றொரு சிறப்பு என்னவென்றால், மார்ச் மாதத்தில் வங்கிகள் 14 நாட்களுக்கு மூடப்பட்டிருக்கும் (மார்ச் 2025 இல் வங்கி விடுமுறை), எனவே ரிசர்வ் வங்கியின் வங்கி விடுமுறை பட்டியலைப் பார்த்த பிறகே வங்கிக்குச் செல்லவும். இந்த 14 நாட்களில் ஹோலி, ஈத்-உல்-பித்ர் மற்றும் பிற பண்டிகைகள் உட்பட இரண்டாவது-நான்காவது சனி மற்றும் ஞாயிறு வார விடுமுறைகளும் அடங்கும்.
யுனிவர்சல் கணக்கு எண்ணை செயல்படுத்துவதற்கான காலக்கெடு
நீங்கள் EPFO உறுப்பினராக இருந்து, ELI திட்டத்தைப் பயன்படுத்திக் கொள்ள விரும்பினால், மார்ச் 15க்குள் UAN ஆக்டிவேட் செய்யும் பணியை முடிக்க வேண்டும். EPFO (ஊழியர் வருங்கால வைப்பு நிதி அமைப்பு) உலகளாவிய கணக்கு எண்ணை (UAN) ஆக்டிவேட் செய்வதற்கான காலக்கெடுவை மார்ச் 15 வரை நீட்டித்துள்ளது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
