 "ITR 2025: யாரெல்லாம் வருமான வரி தாக்கல் செய்ய வேண்டும்... தேவையான ஆவணங்கள் எவை?")
வருமான வரி அறிக்கையை (ITR) தாக்கல் செய்வது ஒவ்வொரு தகுதியுள்ள இந்திய வரி செலுத்துபவரின் கடமையாகும். ஆண்டுதோறும் தவறாமல் தாக்கல் செய்வதன் மூலம், சட்டத்திற்கு இணங்குவதை உறுதி செய்வதோடு மட்டுமல்லாமல், கடன்கள், விசா பெறுதல் மற்றும் கிரெடிட் கார்டுகள் போன்ற பல்வேறு நிதி சேவைகளுக்கான அணுகலையும் எளிதாக்குகிறது. ஒரு ITR என்பது அடிப்படையில் உங்கள் வருமானம், வரி விலக்குகள் மற்றும் இந்திய வருமான வரித் துறைக்கு செலுத்தப்படும் வரிகளின் அறிவிப்பாகும். நீங்கள் சம்பளம் வாங்கும் ஊழியராக இருந்தாலும் சரி, வணிகம் அல்லது தொழில் செய்பவராக இருந்தாலும் சரி, அல்லது ஃப்ரீலான்ஸராக பணி புரிந்தாலும் சரி, சரியான நேரத்தில் ITR தாக்கல் செய்வது மிக முக்கியம்.
யாரெல்லாம் ITR தாக்கல் செய்ய வேண்டும்?
2024-25 நிதியாண்டுக்கு (AY 2025-26), புதிய வரி முறையின் கீழ் விலக்கு வரம்புகள் வருமான வரித் துறையின் இணையதளத்தில் குறிப்பிடப்பட்டுள்ளபடி, மொத்த வருமானம் அடிப்படை விலக்கு வரம்பை மீறும் தனிநபர்கள் அல்லது நிறுவனங்கள் அனைவரும் ITR தாக்கல் செய்ய வேண்டும்.
வருமான வரி வலக்கு வரம்பு விபரம்:
தனிநபர்களுக்கு ரூ.3 லட்சம்
மூத்த குடிமக்களுக்கு ரூ.3 லட்சம் (60-79 வயது)
சூப்பர் மூத்த குடிமக்களுக்கு ரூ.5 லட்சம் (80 வயது மற்றும் அதற்கு மேற்பட்டவர்கள்)
2025-26 மத்திய பட்ஜெட்டில், ரூ.12 லட்சம் வரையிலான வருமானத்திற்கு பூஜ்ஜிய வரியை அரசாங்கம் அறிவித்தது. புதிய வரி முறையை தேர்ந்தெடுக்கும் தனிநபர்களுக்கு மட்டுமே பூஜ்ஜிய வரி பொருந்தும். இருப்பினும், உங்கள் வரி விதிக்கக்கூடிய சம்பளம் ரூ.12 லட்சத்திற்கும் குறைவாக இருந்தாலும், நீங்கள் வருமான வரி அறிக்கையை (ITR) தாக்கல் செய்ய வேண்டும். வருமான வரிச் சட்டம், 1961 இன் பிரிவு 87A இன் கீழ் கிடைக்கும் வரிச் சலுகையின் காரணமாக பூஜ்ஜிய வரி செலுத்த வேண்டும்.
பிரிவு 87A இன் கீழ் வரிச் சலுகையைப் பெற தனிநபர்கள் ITR தாக்கல் செய்யப்பட வேண்டும். 2024-25 நிதியாண்டுக்கான முக்கிய ஐடிஆர் தாக்கல் காலக்கெடு (AY 2025-26)
1. தனிப்பட்ட சம்பளம் பெறும் ஊழியர்கள் / தணிக்கை அல்லாத வருமானம் பெறும் பிரிவினருக்கு ஜூலை 31, 2025 காலக்கெடு ஆகும். இதில் சம்பளம் பெறும் தனிநபர்கள், ஃப்ரீலான்ஸர்கள் மற்றும் வரி தணிக்கைக்கு உட்பட்ட நிபுணர்கள் ஆகியோர் அடங்குவர்.
2. தணிக்கை தேவைப்படும் வணிகங்கள் பிரிவினருக்கான, அக்டோபர் 31, 2025. வணிக வருவாய் ரூ. 1 கோடியை (அல்லது சில டிஜிட்டல் பரிவர்த்தனை வழக்குகளில் ரூ. 10 கோடி) தாண்டினால், வரி தணிக்கை கட்டாயமாகும்.
3. பரிமாற்ற விலை நிர்ணய பிரிவில் (சர்வதேச/குறிப்பிட்ட உள்நாட்டு பரிவர்த்தனைகள்) காலக்கெடு நவம்பர் 30, 2025. எல்லை தாண்டிய அல்லது குறிப்பிட்ட உள்நாட்டு பரிவர்த்தனைகளில் ஈடுபட்டுள்ள நிறுவனங்களுக்கு பரிமாற்ற விலை நிர்ணய அறிக்கை தேவைப்படும் நிறுவனங்களுக்கு இது பொருந்தும் (படிவம் 3CEB). தாமதமான அல்லது திருத்தப்பட்ட வருமான வரி தாக்கல் செய்வதற்கான காலக்கெடு டிசம்பர் 31, 2025.
உங்கள் ஐடிஆரை சரியான நேரத்தில் தாக்கல் செய்வது தாமதக் கட்டணங்கள், வட்டி மற்றும் ஆய்வு அறிவிப்புகளிலிருந்து உங்களைக் காப்பாற்றுகிறது. வருமான வரித் துறையின் மின்ணனு-தாக்கல் போர்டல் மூலம், செயல்முறை முன்னெப்போதையும் விட எளிமையாகிவிட்டது. கடைசி நேர தொந்தரவுகளைத் தவிர்க்க, காலகெடுவிற்கு பல நாட்கள் முன்னதாக தாக்கல் செய்வதால் பல சிக்கல்களை தவிர்க்கலாம். வருமான வரியை எளிதாக தாக்கல் செய்ய அதற்கு தேவையான ஆவணங்க்களையும் விபரங்களையும் தயார் நிலையில் வைத்திருக்க வேண்டும். எனவே, ஐடிஆர் தாக்கல் செய்யும் முன், உங்கள் பான், ஆதார், வங்கி அறிக்கைகள், படிவம் 16 மற்றும் முதலீட்டுச் சான்றுகளைத் தயாராக வைத்திருங்கள்.
உங்களுக்கான ஐடிஆர் படிவத்தை தேர்வு செய்வது எப்படி!
ஒவ்வொரு வகை வரி செலுத்துவோருக்கும், வெவ்வேறு ஐடிஆர் படிவங்கள் உள்ளன. சம்பளம் வாங்கும் தனிநபர்கள், வணிகங்கள், அறக்கட்டளை, அரசு சாரா நிறுவனங்களுக்கு தனித்தனியாக படிவங்கள் உள்ளன. நீங்கள் சரியான வருமான வரி படிவத்தை தேர்ந்தெடுக்காவிட்டால், அது உங்கள் ஐடிஆர் நிகாரிப்பதற்கான வாய்ப்புகளை உருவாக்கிவிடும் அல்லது தவறாக பதிவு செய்ததற்காக சில நேரங்களில் அபராதமும் செலுத்த வேண்டியியிருக்கும்.
Form 16 என்றால் என்ன? அது எப்போது கிடைக்கும்
படிவம் 26AS இல் TDS விவரங்கள் உள்ளிடப்பட்டவுடன், சம்பளம் பெறும் நபர்களுக்கு பணியில் அமர்த்தியுள்ள நிறுவனம் படிவம் 16 ( Form 16) வழங்கும். பொதுவாக ஜூன் 15 ஆம் தேதிக்குள் இந்த படிவம் கிடைக்கும். அப்படி கிடைக்காவிட்டாலும் கூட, படிவம் 26AS மற்றும் பிற ஆவணங்களின் உதவியுடன் எளிதாக தாக்கல் செய்யலாம்.
சரியான நேரத்தில் ஐடிஆர் தாக்கல் செய்யவில்லை என்றால் ஏற்படும் சிக்கல்கள்
உரிய நேரத்தில் வருமான வரியை தாக்கல் செய்யவில்லை என்றால், தாமதமாக தாக்கல் செய்ததற்காக வட்டி மற்றும் அபராதம் செலுத்த வேண்டியிருக்கும். நிலுவையில் உள்ள வரிக்கு மாதந்தோறும் 1% வட்டி செலுத்த வேண்டும்.உங்கள் மொத்த வருமானம் ரூ.5 லட்சத்திற்கும் குறைவாக இருந்தால், தாமதமாக தாக்கல் செய்தால் அதற்கு ரூ.1000 அபராதம் செலுத்த வேண்டும். உங்கள் மொத்த வருமானம் ரூ.5 லட்சத்திற்கு அதிகமாக இருக்கும் நிலையில், 2025 டிசம்பர் 31ம் தேதிக்குள் ஐடிஆர் தாக்கல் செய்தால் அபராதமாக ரூ.5000 செலுத்த வேண்டியிருக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)