E-Shram Card: தொழிலாளர்களுக்கான அரசாங்க ஓய்வூதிய திட்டம்... ரூ.3,000 மாத ஓய்வூதியம்

E-Shram Card: இ-ஷ்ரம் அட்டைகளை ஆன்லைனிலும் ஆஃப்லைனிலும் உருவாக்கலாம். ஆன்லைன் முறையில் இ-ஷ்ரம் அட்டையைப் பெறுவதற்கான எளிதான செயல்முறையை இங்கே காணலாம்.

E-Shram Card:  இந்திய அரசு, அமைப்புசாரா துறையில் பணிபுரியும் கோடிக்கணக்கான தொழிலாளர்களின் எதிர்காலத்தைப் பாதுகாக்க இ-ஷ்ரம் கார்ட் திட்டம் என்ற ஒரு சிறந்த ஓய்வூதியத் திட்டத்தைத் தொடங்கியுள்ளது. இ-ஷ்ரம் கார்டு திட்டம், அமைப்புசாரா துறையில் உள்ள தொழிலாளர்களின் தேசிய தரவுத்தளத்தை உருவாக்குவதை நோக்கமாகக் கொண்டுள்ள இந்திய அரசின் ஒரு முயற்சி ஆகும். 

E-Shram Card Pension Yojna: இ-ஷ்ரம் கார்டு ஓய்வூதிய திட்டம்

இந்த திட்டத்தின் கீழ், இந்திய அரசும் மாநில அரசும் தரவுகளைத் தயாராக வைத்திருப்பார்கள். இது எதிர்காலத்தில் தொழிலாளர்களுக்கு நன்மையையும் வழங்குவதில் பெரிதும் உதவும்.

இந்த திட்டம் கோவிட் தொற்றுநோய்க்குப் பிறகு தொடங்கப்பட்டது. தேசிய பேரிடர் ஏற்பட்டால் அவர்களுக்கு நிதி உதவி வழங்க இது உதவும். கொரோனாவால் அதிகம் பாதிக்கப்பட்டது அமைப்புசாரா துறையைச் சேர்ந்த தொழிலாளர்கள்தான். ஆனால் அந்த நேரத்தில் மத்திய அரசிடம் எந்த தரவுகளும் இருக்கவில்லை. இதன் காரணமாக, அந்த மக்களுக்கு உதவுவதில் பெரும் சிரமம் ஏற்பட்டது.

Unorganised Sector: அமைப்புசாரா துறை தொழிலாளர்கள்

அமைப்புசாரா துறையில் பணிபுரிபவர்களை அடையாளம் கண்டு, அவர்களுக்கு காப்பீட்டுத் திட்டத்துடன் மாதாந்திர ஓய்வூதிய வசதியை வழங்குவதற்காக இ-ஷ்ரம் அட்டை உருவாக்கப்பட்டுள்ளது. இதன் கீழ், அனைத்து தொழிலாளர்களுக்கும் ஒரு தனித்துவமான டிஜிட்டல் அட்டை வழங்கப்படுகிறது. அதில் தொழிலாளர்களின் அடையாளம் மற்றும் தொழில் தொடர்பான தகவல்கள் உள்ளன. இந்த அட்டை தொழிலாளர்கள் அரசாங்கத் திட்டங்களின் பலன்களைப் பெற உதவுவது மட்டுமல்லாமல், அவர்களுக்கு சமூகப் பாதுகாப்பையும் வழங்குகிறது. இந்தத் திட்டத்தின் கீழ், தகுதியுள்ள அனைத்து தொழிலாளிக்கும் 60 வயதுக்குப் பிறகு, மாதந்தோறும் ரூ.3,000 ஓய்வூதியம் வழங்கப்படும். இந்தத் திட்டத்தின் நன்மைகளைப் பெற, பயனாளிகள் இ-ஷ்ரம் யோஜனாவின் கீழ் விண்ணப்பிக்க வேண்டும்.

இந்தியாவில் உள்ள எந்தவொரு தொழிலாளியும் இ-ஷ்ரம் அட்டைக்கு விண்ணப்பிக்கலாம். இதற்கான விண்ணப்ப வயது வரம்பு 16 முதல் 59 வயது வரையாகும். இந்தத் திட்டம் அமைப்புசாரா துறையில் உள்ள தொழிலாளர்களுக்கானது. இதன் கீழ் தொழிலாளர்கள் தங்களைப் பதிவு செய்ய வேண்டும். இதில் ஓலா-உபர், அமேசான் மற்றும் பிளிப்கார்ட் போன்ற தளத் தொழிலாளர்களும் அடங்குவர். கூலித் தொழிலாளர்கள், ஒழுங்கமைக்கப்படாத துறையில் பணிபுரிந்தவர்கள் ஆகியோருக்கும் இந்த திட்டம் நன்மை பயக்கும்.

E Shram Card: இ-ஆஷ்ரம் அட்டையை பெறுவது எப்படி?

இ-ஷ்ரம் அட்டைகளை ஆன்லைனிலும் ஆஃப்லைனிலும் உருவாக்கலாம். ஆன்லைன் முறையில் இ-ஷ்ரம் அட்டையைப் பெறுவதற்கான எளிதான செயல்முறையை இங்கே காணலாம்:

இ-ஷ்ரம் அட்டையைப் பெறுவதற்கான ஆன்லைன் செயல்முறை

- முதலில் இ-ஷ்ரம் போர்ட்டலுக்குச் செல்லவும் (https://eshram.gov.in/).
- முகப்புப் பக்கத்தில் உள்ள “இஷ்ரமில் பதிவு செய்” விருப்பத்தைக் கிளிக் செய்யவும்.
- இதற்குப் பிறகு ஒரு புதிய பக்கம் திறக்கும், அங்கு நீங்கள் ஆதாருடன் இணைக்கப்பட்ட மொபைல் எண்ணையும் கேப்ட்சா குறியீட்டையும் உள்ளிட வேண்டும்.
- EPFO, ESIC இன் செயலில் உள்ள உறுப்பினர்களின் தகவல்களில் ஆம் அல்லது இல்லை என்று பதிலளிக்கவும்.
- இதற்குப் பிறகு OTP சரிபார்ப்பு செயல்முறை முடிக்கப்பட வேண்டும்.
- இதன் பின்னர் முகவரி மற்றும் கல்வி தொடர்பான தகவல்களை வழங்க வேண்டும்.
- திறன், வணிக வகை மற்றும் வேலை வகையின் பெயரைத் தேர்ந்தெடுக்கவும்.
- வங்கி விவரங்களை உள்ளிட்டு சுய அறிவிப்பு விருப்பத்தைத் தேர்ந்தெடுக்கவும்.
- இதற்குப் பிறகு 'சமர்ப்பி' பொத்தானைக் கிளிக் செய்யவும்.

மொபைல் எண்ணுக்கு ஒரு OTP அனுப்பப்படும். OTP ஐ உள்ளிட்டு 'சரிபார்க்கவும்' பொத்தானைக் கிளிக் செய்யவும். இதற்குப் பிறகு, e-Shram அட்டை உருவாக்கப்படும், அதை பதிவிறக்கம் செய்துகொள்ளலாம்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!