பரஸ்பர நிதியங்களில் SIP முறை அதிக அளவில் பயன்படுத்தப்பட்டு வருகிறது என்றாலும், STP என்பது மியூச்சுவல் ஃபண்டுகளில் முதலீடு செய்வதற்கான மற்றொரு வழி என்பது உங்களுக்குத் தெரியுமா?
SIP vs STP: பணத்தை பணமடங்காக்கும் முதலீடுகள் தான் பலரை ஈர்க்கும் முதலீடாக இருக்கும். அதில் முதலில் வருவது பரஸ்பர நிதியம். ம்யூசுவல் ஃபண்ட் திட்டங்களில் முதலீடு செய்ய SIP என்பது இன்று பிரபலமான முதலீட்டு வழிமுறையாக மாறியுள்ளது. SIP மூலம் பரஸ்பர நிதிகளில் செய்யப்படும் முதலீடு, சந்தை அடிப்படையிலான திட்டம் என்றாலும், மற்ற எல்லா திட்டங்களையும் விட சிறந்த வருமானத்தை அளிக்கும் என்று பெரும்பாலான நிபுணர்கள் நம்புகின்றனர்.
பரஸ்பர நிதியங்களில் செய்யப்படும் நீண்ட கால சராசரி வருமானம் சுமார் 12% என்ற அளவில் உள்ளதாக பொருளாதார வல்லுநர்கள் கூறுகின்றனர். சந்தையில் ஏற்ற இறக்கம் காணப்பட்டாலும், நீண்ட கால முதலீடு செய்பவர்கள் இது குறித்து கவலைப்படத் தேவையில்லை. இதில் முதலீடு செய்ய SIP முறை அதிக அளவில் பயன்படுத்தப்பட்டு வருகிறது என்றாலும், STP என்பது மியூச்சுவல் ஃபண்டுகளில் முதலீடு செய்வதற்கான மற்றொரு வழி என்பது உங்களுக்குத் தெரியுமா? STP என்றால் என்ன, இது SIP இலிருந்து எந்த வகையில் வேறுபடுகிறது என்பதை விரிவாக அறிந்து கொள்ளலாம்.
SIP என்னும் சிஸ்டமேடிக் இன்வெஸ்ட்மெண்ட் பிளான்
SIP என்னும் முறையான முதலீட்டுத் திட்டத்தில், முதலீட்டாளர்கள் நிலையான கால இடைவெளியில் ஒரு நிலையான தொகையை முதலீடு செய்கிறார்கள் என்பதை நாம் அனைவரும் அறிவோம். SIP முதலீட்டில் தங்கள் வசதிக்கு ஏற்ப தினசரி, வாராந்திர, மாதாந்திர, காலாண்டு இடைவெளியில் முதலீடு செய்யலாம். நீண்ட கால SIP முதலீடுகள் மூலம் நிதியை பெரிய அளவில் சேர்த்து, மிகப்பெரிய பலன்களைப் பெறலாம். இதற்கு காரணம் இதில் கிடைக்கும் கூட்டு வட்டியின் பலன்கள்.
STP சிஸ்டமேடிக் ட்ரான்ஸ்பர் பிளான்
STP என்றால் முறையான பரிமாற்ற திட்டம். இதுவும் SIP போன்ற பரஸ்பர நிதிகளில் முதலீடு செய்வதற்கான ஒரு வழியாகும். STP முறையில், முதலீட்டாளர்கள் ஒரு மியூச்சுவல் ஃபண்ட் திட்டத்தில் (பொதுவாக ஒரு கடன் நிதி) மொத்தத் தொகையை முதலீடு செய்து, அதை வழக்கமான இடைவெளியில் ஈக்விட்டி திட்டங்களுக்கு மாற்றுவார்கள். எளிமையான வார்த்தைகளில் கூற வேண்டும் என்றால், STP என்பது ஒரு பரஸ்பர நிதியிலிருந்து மற்றொரு நிதிக்கு செய்யப்படும் SIP முதலீடு என்பதாகும்.
STP எப்படி வேலை செய்கிறது?
உங்களிடம் ரூ. 1 லட்சம் இருந்தால், சிஸ்டமேடிக் டிரான்ஸ்ஃபர் ப்ளான் மூலம் ஈக்விட்டி ஃபண்டில் முதலீடு செய்ய விரும்பினால், இதற்காக நீங்கள் லிக்விட் ஃபண்ட் அல்லது கடன் திட்டத்தை தேஎர்ந்தெடுத்து, அந்தத் திட்டத்தில் ரூ.1 லட்சத்தை முதலீடு செய்ய வேண்டும். இப்போது நீங்கள் உங்கள் பணத்தை கடன் நிதியில் முதலீடு செய்கிறீர்கள் என்று வைத்துக்கொள்வோம். அதே நேரத்தில், உங்கள் தொகை ஈக்விட்டிக்கு மாற்றப்படும் ஒரு குறிப்பிட்ட காலத்தையும் நீங்கள் முடிவு செய்து, அந்த கால இடைவெளியில், உங்கள் முதலீடு மாற்றப்படும்.
ஈக்விட்டி ஃபண்டுகளில் மொத்த முதலீடு
நீங்கள் ஒவ்வொரு மாதமும் 10,000 ரூபாய் பரிமாற்றம் செய்ய வேண்டும் என்று வைத்துக்கொள்வோம். எனவே 10 மாதங்களில் 10 ஆயிரம் ரூபாயாகப் பிரித்து உங்கள் ரூ.1 லட்சம் கடன் நிதியிலிருந்து ஈக்விட்டி ஃபண்டிற்கு மாற்றப்படும். இந்த வழியில், ஒரு பரஸ்பர நிதியிலிருந்து மற்றொரு நிதிக்கு முறையான முறையில் பணம் மாற்றப்படுகிறது. பொதுவாக, ஈக்விட்டி ஃபண்டுகளில் மொத்தத் தொகையை முதலீடு செய்ய விரும்பும்போது இந்தத் திட்டத்தைத் தேர்ந்தெடுப்பது நல்லது. இதன் மூலம் சந்தையின் ஏற்ற இறக்கங்கள் பாதிப்பில் இருந்து தப்பிக்கலாம்.
SIP அல்லது STP தேர்வு செய்வது எது சிறந்தது?
SIP மற்றும் STP இரண்டும் முறையான முதலீட்டு முறைகள். இரண்டிலும் சராசரியாக ரூபாய் செலவின் பலன் உள்ளது. இரண்டு திட்டங்களின் நோக்கங்களும் வேறுபட்டவை என்றாலும். மொத்த தொகைக்கு பதிலாக நீண்ட காலத்திற்கு சிறிய தொகையை முறையாக முதலீடு செய்து பெரிய நிதியை உருவாக்க விரும்பும் முதலீட்டாளர்களுக்கு SIP சிறந்தது. அதேசமயம், தங்கள் முழுப் பணத்தையும் ஒரே நேரத்தில் ஈக்விட்டி திட்டத்தில் முதலீடு செய்யத் தயங்கும் முதலீட்டாளர்கள் STP விருப்பத்தைத் தேர்வு செய்யலாம். மொத்தப் பணத்தை ஈக்விட்டியில் முதலீடு செய்வது ஆபத்தானது. ஒட்டுமொத்தமாக, SIP அல்லது STP முறையில் முதலீடு செய்வதா என்பது முதலீட்டாளரின் நிதி இலக்குகளைப் பொறுத்தது. இதற்கு நிதி நிபுணரிடம் ஆலோசனை பெற்று முடிவு எடுக்கலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)