 "NPS: ரூ.5,000 மாத முதலீட்டில்... ஓய்வுக்கு பின் மாதம் ரூ.70,000 பென்ஷன் பெறலாம்")
ஓய்வூதியத் திட்டமிடல் மிகவும் முக்கியமானது. ஓய்வுக்குப் பிறகு யாரையும் சாராமல் வாழ, மாதம் தோறும் பென்ஷனைப் போல் ஒரு நிலையான தொகையை வருமானமாக பெற, தேசிய ஓய்வூதியத் திட்டம் (NPS) சிறந்த தேர்வாக இருக்கும். இதில் மாதம்தோறும் சிறிது பணத்தை முதலீடு செய்தால், ஓய்வு பெற்ற பிறகு பென்ஷன் பெறலாம். NPS திட்டத்தில் ஒவ்வொரு மாதமும் ரூ.5000 முதலீடு செய்தால், எவ்வளவு ஓய்வூதியம் கிடைக்கும் என்பதை எளிய கணக்கீட்டின் மூலம் அறிந்து கொள்ளலாம்.
NPS கணக்கில் ரூ.5000 மாத முதலீடு
உங்களுக்கு 30 வயதாகிய நிலையில், NPS கணக்கில் ஒவ்வொரு மாதமும் ரூ.5000 டெபாசிட் செய்கிறீர்கள் என்று வைத்துக்கொள்வோம். இந்த வகையில், உங்கள் ஆண்டு முதலீடு ரூ.60,000 என்ற அளவில் இருக்கும். அடுத்த 30 ஆண்டுகளில், நீங்கள் மொத்தம் ரூ.18 லட்சம் டெபாசிட் செய்திருப்பீர்கள். இதில் உங்கள் முதலீட்டில் சராசரியாக 10 சதவீத வருமானத்தைப் பெறுவீர்கள் என்றும் வைத்துக்கொள்வோம். ஏனெனில், இதில் சராசரியாக 10% வருமானம் கிடைப்பதை தரவுகள் கூறுகின்றன
ஓய்வு பெறும்போது கிடைக்கும் ரூ.1.13 கோடி கார்பஸ்
ஓய்வு பெறும் போது, உங்கள் மொத்த நிதி சுமார் ரூ.1,13,96,627 ஆக இருக்கும். இதில், வட்டியாக மட்டுமே ரூ.95,96,627 கிடைத்திருக்கும். இதுதான் கூட்டு வட்டி வருமானத்தின் சக்தி, இதன் காரணமாக பணம் தொடர்ந்து அதிகரித்து வருகிறது. இப்போது இருக்கும் கேள்வி என்னவென்றால், ஒவ்வொரு மாதமும் ரூ.5000 முதலீடு செய்தால், ஓய்வுக்குப் பிறகு உங்களுக்கு எவ்வளவு ஓய்வூதியம் கிடைக்கும்?
ஓய்வு பெறும்போது உங்களுக்கு கிடைக்கும் இரண்டு விருப்பங்கள்
நீங்கள் ஓய்வு பெறும்போது, உங்களுக்கு இரண்டு விருப்பங்கள் இருக்கும். ஒன்று உங்கள் எல்லா பணத்தையும் ஒரு வருடாந்திர திட்டத்தில் முதலீடு செய்து அதிலிருந்து ஓய்வூதியம் பெறத் தொடங்குவது. அல்லது தொகையில் 60 சதவீதத்தை எடுத்துக்கொண்டு மீதமுள்ள 40 சதவீதத்துடன் வருடாந்திர திட்டத்தில் முதலீடு செய்வது. ஓய்வு பெறும்போது, NPS திட்டத்தில் குறைந்தது 40 சதவீதத்தை வருடாந்திர திட்டத்தில் முதலீடு செய்ய வேண்டும் என்ற விதி உள்ளது.
கார்பஸில் 40 சதவீத தொகையை முதலீடு செய்தால் கிடைக்கும் ஓய்வூதியம்
உங்கள் மொத்த கார்பஸ் ரூ.1,13,96,627 என்ற நிலையில், அதன் 40 சதவீதம் அதாவது ரூ.45,58,650 வருடாந்திர திட்டத்தில் முதலீடு செய்தால், உங்கள் ஓய்வூதியம் சற்று குறைவாக இருக்கும். அதில் உங்களுக்கு சுமார் 7-8 சதவீதம் ஆண்டு வட்டி கிடைக்கும் என்று வைத்துக்கொள்வோம். அப்படிப்பட்ட சூழ்நிலையில், உங்கள் ஓய்வூதியம் ஆண்டுக்கு ரூ.3,19,105-364,692 என்ற அளவில் இருக்கும், அதாவது மாதந்தோறும் ரூ.26,592 முதல் ரூ.30,391 என்ற அளவில் பென்ஷன் கிடைக்கும். அதாவது மாதம் சுமார் ரூ.30,000 ஓய்வூதியம் பெறலாம்.
கார்பஸில் 100 சதவீத தொகையை முதலீடு செய்தால் கிடைக்கும் ஓய்வூதியம்
உங்கள் முழுத் தொகையையும் ஓய்வூதியத்திற்காக முதலீடு செய்தால், ஒவ்வொரு மாதமும் மிகச் சிறந்த ஓய்வூதியம் கிடைக்கும். மொத்தத் தொகையான ரூ.1,13,96,627 என்ற அளவிலான முதலீட்டிற்கு 7-8 சதவீத வட்டியைப் பெற்றால், உங்கள் ஆண்டு ஓய்வூதியம் ரூ.7,97,764 முதல் ரூ. 9,11,730 ஆக இருக்கும். மறுபுறம், நீங்கள் அதை மாதாந்திர அடிப்படையில் பார்த்தால், உங்கள் மாத ஓய்வூதியம் ரூ.66,480 முதல் ரூ.75,977 என்ற அளவில் இருக்கும். அதாவது மாதம் சுமார் ரூ.70,000 ஓய்வூதியம் பெறலாம்.
பொறுப்பு துறப்பு: NPS திட்டத்தில் முதலீடு செய்வது சந்தை அபாயங்களுக்கு உட்பட்டது. வருமானத்திற்கு எந்த உத்தரவாதமும் இல்லை. இதில், மதிப்பிடப்பட்ட வருமானம் மற்றும் வருடாந்திர விகிதங்கள் விளக்க நோக்கங்களுக்காக மட்டுமே. முதலீடு செய்வதற்கு முன் அனைத்து திட்ட ஆவணங்களையும் கவனமாகப் படியுங்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)