NPS Vatsalya Scheme: உங்கள் வருமானம் குறைவாக இருந்தாலும் உங்கள் குழந்தையின் எதிர்காலத்தை பாதுகாப்பாக ஆக்க அரசின் என்பிஎஸ் வாதசல்யா திட்டம்பயனுள்ளதாக இருக்கும். இதில் ஒவ்வொரு மாதமும் ரூ.834 முதலீடு செய்வதன் மூலம், குழந்தைகளுக்காக ரூ.11 கோடி கார்பஸை உருவாக்க முடியும். மத்திய அரசு 2024 செப்டம்பர் மாதத்தில் NPS வாத்சல்யா திட்டத்தை அறிமுகப்படுத்தியது. இது சிறிய முதலீடுகளை கோடிகளாக பெருக்கும். இந்தத் திட்டத்தின் நோக்கம் நடுத்தர மற்றும் குறைந்த வருமானக் குடும்பங்கள் தங்கள் குழந்தைகளின் பெயரில் முதலீடு செய்வதற்கான எளிதான வழியை வழங்குவதாகும், இதனால் அவர்கள் ஓய்வு பெறும் நேரத்தில் ஒரு வலுவான நிதியை உருவாக்க முடியும்.
என்பிஎஸ் வாதசல்யா திட்டம் எவ்வாறு செயல்படுகிறது?
வாதசல்யா திட்டத்தின் கீழ், எந்தவொரு பெற்றோரும் 18 வயதுக்குட்பட்ட தங்கள் குழந்தையின் பெயரில் மாதம் ரூ.834 அதாவது ஆண்டுக்கு சுமார் ரூ.10,000 முதலீடு செய்யலாம். இந்த திட்டத்தில் இடைவிடாமல் செய்யும் முதலீடு மூலம் கோடிகளில் கார்பஸ் உருவாக்கலாம். உங்கள் குழந்தை 60 வயது வரை தொடர்ந்து முதலீடு செய்தால், நிதி சுமார் ரூ.11 கோடியை எட்டும்.
என்பிஎஸ் வாதசல்யா திட்டத்தில் யாரெல்லாம் இணையலாம்?
கணக்கு தொடங்கும் உங்கள் குழந்தையின் 18 வயதுக்குக் குறைவாக இருக்க வேண்டும்.
அவரிடம் பான் கார்டு மற்றும் ஆதார் அட்டை இருக்க வேண்டும்.
குழந்தை 18 வயதை எட்டியவுடன், அவரது கணக்கு NPS Tier-1 கணக்காக மாற்றப்படும்.
திட்டத்தில் செய்யப்படும் குறைந்த பட்சம் மற்றும் அதிகபட்ச முதலீடு
நீங்கள் ஆண்டுதோறும் 1,000 ரூபாயுடன் தொடங்கலாம். அதிகபட்ச முதலீட்டிற்கு வரம்பு இல்லை, அதாவது, வருமானம் அதிகரிக்கும் போது, நீங்கள் முதலீட்டையும் அதிகரிக்கலாம்.
முதலீட்டு விருப்பங்கள் - ரிஸ்க் எடுக்கும் விருப்பத்திற்கு ஏற்ப தேர்வு செய்யலாம்
Aggressive Mode - பங்குச் சந்தையில் 75% (அதிக ரிஸ்க், அதிக லாபம்)
Moderate Mode - பங்குச் சந்தையில் 50% (மிதமான ரிஸ்க், சீரான லாபம்)
Conservative Mode - பங்குச் சந்தையில் 25% (குறைந்த ரிஸ்க், நிலையான வருமானம்)
இது தவிர, ஆக்டிவ் சாய்ஸும் உள்ளது, அங்கு பங்குச் சந்தையில் எவ்வளவு பணம் செல்கிறது மற்றும் கடனில் எவ்வளவு பணம் செல்கிறது என்பதை நீங்களே தீர்மானிக்கலாம்.
சிறிய முதலீடு, பெரிய லாபம்
ஒரு குழந்தை பிறந்த பிறகு ஒரு பெற்றோர் ஆண்டுதோறும் ரூ. 10,000 முதலீடு செய்யத் தொடங்கினால், கீழே கொடுக்கப்பட்டுள்ள தொகையை கார்பஸாக பெறலாம்
12.86% வருமானம் - ரூ. 11 கோடி ( இது Aggressive Mode ஆப்ஷனில் கிடைக்கும் வருமான மதிப்பீடு)
11.59% வருமானம் - ரூ. 5.97 கோடி ( இது Moderate Mode ஆப்ஷனில் கிடைக்கும் வருமான மதிப்பீடு)
10% வருமானம் - ரூ. 2.75 கோடி ( இது Conservative Mode ஆப்ஷனில் கிடைக்கும் வருமான மதிப்பீடு)
இவை மதிப்பீடுகள் என்றாலும், உண்மையான வருமானம் சந்தை நகர்வு மற்றும் உங்கள் முதலீட்டு உத்தியைப் பொறுத்தது.
தேவைப்படும் நேரத்தில் பணத்தை எடுக்கும் வசதி
மொத்த முதலீட்டில் 25% வரை 3 ஆண்டுகளுக்குப் பிறகு திரும்பப் பெறலாம். கல்வி, சிகிச்சை அல்லது பிற அவசர தேவை போன்ற தேவையான செலவுகளுக்கு இந்தப் பணத்தைப் பயன்படுத்தலாம். இந்த வசதி மொத்தம் 3 முறை வழங்கப்படுகிறது.
என்பிஎஸ் வாதசல்யா திட்டம் ஏன் சிறப்பு வாய்ந்ததாக கருதப்படுகிறது?
பெரும்பாலான முதலீட்டுத் திட்டங்கள் பெரிய தொகையுடன் தொடங்கும் இன்றைய காலகட்டத்தில், ஏழை மற்றும் நடுத்தர குடும்பங்களுக்கு NPS வாத்சல்ய யோஜனா ஒரு நல்ல முதலீட்டு விருப்பமாகும். இதில், ஒரு சிறிய சேமிப்பின் மூலம் உங்கள் குழந்தைக்கு ஒரு பெரிய மற்றும் பாதுகாப்பான எதிர்காலத்தை உருவாக்கலாம். நீங்களும் உங்கள் குழந்தைகளை நிதி ரீதியாக தன்னிறைவு பெறச் செய்ய விரும்பினால், இந்தத் திட்டம் உங்களுக்கு ஒரு சிறந்த தேர்வாக இருக்கும்.
பொறுப்பு துறப்பு: எங்கள் கணக்கீடுகள் கணிப்புகள் மட்டுமே, முதலீட்டு ஆலோசனை அல்ல. பங்குச் சந்தை மற்றும் மியூச்சுவல் ஃபண்டில் கிடைக்கும் கடந்தகால வருமானம், எதிர்காலத்திலும் தொடரும் என்பதற்கு உத்தரவாதம் இல்லை. SEBI அங்கீகரிக்கப்பட்ட முதலீட்டு ஆலோசகரை அணுகி ஆலோசித்த பின்னரே முதலீடு தொடர்பான முடிவுகள் எடுக்கப்பட வேண்டும்.
மேலும் படிக்க | குழந்தைகளின் உயர்கல்வி செலவு கவலையை போக்கும்... சில சிறந்த முதலீட்டு திட்டங்கள்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
