 "பென்ஷன் இல்லாதவர்களுக்கு கை கொடுக்கும் PPF... வாழ்நாள் முழுவதும் மாதம் ரூ.60,000 வரி இல்லா வருமானம்...")
ஓய்வூதியத்தை மனதில் கொண்டு வடிவமைக்கப்பட்ட பல திட்டங்களில் பொது வருங்கால வைப்பு நிதியும் (PPF) ஒன்றாகும். இந்தத் திட்டம் நீண்ட கால மூதலீட்டின் மூலம் பெரிய அளவில் பணத்தைச் சேர்ப்பதற்கு மிகவும் சிறந்த திட்டம். PPF திட்டத்தில் ஒவ்வொரு ஆண்டும் குறைந்தபட்சம் ரூ.500 முதல் அதிகபட்சம் ரூ.1.5 லட்சம் வரை டெபாசிட் செய்யலாம். முதிர்ச்சிக்கு பின் கணக்கை நீட்டிப்பதன் மூலம் PPF திட்டத்தில் பங்களிப்பு இல்லாமலேயே வட்டி சம்பாதிக்கலாம்; அதுவும் லட்சங்களில்.
கூட்டு வட்டி வருமானம்
ஒரு வருடத்தில் அதிகபட்சமாக ரூ.1.5 லட்சம் வரை PPF திட்டத்தில் டெபாசிட் செய்யலாம். தற்போது, இந்தத் திட்டம் 7.1% வட்டியை வழங்குகிறது. மேலும் இந்த வட்டி கூட்டு வட்டி வருமானம் அடிப்படையில் வருமானம் அதிகரிக்கிறது. PPF திட்டத்தின் முதிர்வு காலம் 15 ஆண்டுகள். நீங்கள் அதை 5 ஆண்டுகள் கொண்ட தொகுதிகளாக இரண்டு முறை நீட்டித்து முதலீட்டைத் தொடரந்தால், ஒரு கோடி சேர்க்கலாம். அதாவது 25 ஆண்டுகளுக்கு ஆண்டுக்கு ரூ.1.5 லட்சம் டெபாசிட் செய்ய வேண்டும்.
25 ஆண்டுகளில் ரூ.1 கோடி நிதி
நீங்கள் PPF திட்டத்தில் ஆண்டுதோறும் ரூ.1.5 லட்சத்தை 25 ஆண்டுகளுக்கு முதலீடு செய்யும்போது, உங்கள் மொத்த முதலீடு ரூ.37,50,000 ஆக இருக்கும், மேலும் 7.1 சதவீத விகிதத்தில் வட்டியாக மட்டுமே, ரூ.65,58,015 கிடைக்கும். இந்த வழியில், உங்கள் PPF கணக்கில் மொத்தம் ரூ.1,03,08,015 இருக்கும். 25 ஆண்டுகளுக்குப் பிறகும், நீங்கள் இந்தப் பணத்தை கணக்கிலிருந்து எடுக்க வேண்டியதில்லை. நீங்கள் இதைச் செய்தால், உங்கள் PPF கணக்கில் இருந்து உங்களுக்கு வட்டி தொடர்ந்து கிடைக்கும். உங்கள் கணக்கு முதிர்ச்சியடைந்ததால், இந்தக் கணக்கிலிருந்து முழுப் பணத்தையும் எந்த நேரத்திலும் எடுக்கலாம் அல்லது அதை அப்படியே நீட்டித்து வைப்புத்தொகைக்கு வட்டி பெறலாம்.
வட்டியாக ஆண்டிற்கு ரூ.7 லட்சத்துக்கும் அதிகமான வட்டியில்லா வருமானம்
நீங்கள் ரூ.1,03,08,015 முழுத் தொகையையும் கணக்கில் வைத்திருந்தால், 7.1% விகிதத்தில், உங்களுக்கு ரூ.7,31,869 வட்டி கிடைக்கும். இந்த வழியில், நீங்கள் எந்த பங்களிப்பும் இல்லாமல் வட்டியிலிருந்து ஒவ்வொரு ஆண்டும் லட்சக்கணக்கான ரூபாய் சம்பாதிக்கலாம். இந்த கணக்கை எவ்வளவு காலம் தொடருகிறீர்களோ, வட்டி தொடர்ந்து கிடைக்கும். இதன் மூலம் வாழ்நாள் முழுவதும் ரூ.60,989 என்ற அளவில் வரியில்லா வருமானம் பெறலாம். எ ஏனெனில் பிபிஎஃப் கணக்கில் செய்யப்படும் முதலீடு, முதிர்ச்சித் தொகை, வட்டி என அனைத்திற்கு வரி விலக்கு உண்டு.
PPF கணக்கை நீட்டிப்பதற்கான விதிகள்
PPF கணக்கை 5-5 ஆண்டுகளுக்கு பங்களிப்புடன் நீட்டிக்க, நீங்கள் கணக்கு வைத்திருக்கும் வங்கி அல்லது தபால் நிலையத்திற்கு ஒரு விண்ணப்பத்தை சமர்ப்பிக்க வேண்டும். முதிர்வு தேதியிலிருந்து 1 வருடம் நிறைவடைவதற்கு முன்பு இந்த விண்ணப்பத்தை நீங்கள் சமர்ப்பிக்க வேண்டும். 25 ஆண்டுகளுக்கு PPF கணக்கில் தொடர்ந்து பங்களிக்க இதில் முக்கிய கவனம் செலுத்துங்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)