 "நோஷனல் ஊதிய உயர்வு மூலம் இந்த அரசு ஊழியர்களுக்கு ஓய்வூதிய உயர்வு: DoPT அறிவிப்பு")
Central Government Employees Latest News: மத்திய அரசு ஊழியர்களுக்கும் ஓய்வூதியதாரர்களுக்கும் ஒரு முக்கிய செய்தி உள்ளது. உத்தியோகபூர்வ வருடாந்திர ஊதிய உயர்வுக்கு ஒரு நாள் முன்பு ஓய்வு பெறும் மத்திய அரசு ஊழியர்களுக்கு மத்திய அரசு நிவாரணம் அளிக்கும் ஒரு பெரிய செய்தியை அளித்துள்ளது. ஊழியர்களின் ஓய்வூதிய சலுகைகளை கணக்கிடுவதற்கு ஒரு அனுமான ஊதிய உயர்வு வழங்கப்படும் என்று பணியாளர் மற்றும் பயிற்சித் துறை (DoPT) தெரிவித்துள்ளது. இதை பற்றி இந்த பதிவில் விரிவாக காணலாம்.
மத்திய அரசு ஊழியர்களின் கோரிக்கை
- மத்திய அரசு ஊழியர்கள் மற்றும் ஓய்வூதியதாரர்களின் நீண்ட நாள் கோரிக்கைக்கு ஒரு நிவாரண செய்தியை அளித்துள்ளது.
- வருடாந்திர ஊதிய உயர்வுக்கு ஒரு நாள் முன்பு ஓய்வு பெறும் மத்திய அரசு ஊழியர்களுக்கு தற்போது ஒரு தெளிவு கிடைத்துள்ளது.
- இப்போது அத்தகைய ஊழியர்கள் கூடுதல் ஓய்வூதிய அதிகரிப்பின் அடிப்படையில் அதிக ஓய்வூதியம் பெறுவதற்கான வழி தெளிவுபடுத்தப்பட்டுள்ளது.
- 2025 பிப்ரவரி 20 அன்று வந்த உச்ச நீதிமன்றத்தின் உத்தரவுக்குப் பிறகு, பணியாளர் மற்றும் பயிற்சித் துறை (DoPT) அத்தகைய ஊழியர்கள், நோஷனல் இன்க்ரிமெண்ட் எனப்படும் கற்பனையான அனுமான ஊதிய உயர்வுகளின் பலனைப் பெறுவார்கள் என்று தெளிவுபடுத்தியுள்ளது.
- இது அவர்களின் ஓய்வூதியக் கணக்கீட்டை அதிகரிக்கும்.
நோஷனல் இன்க்ரிமெண்ட் என்றால் என்ன?
- ஓய்வு பெறும் நேரத்தில், ஊழியரின் உண்மையான சம்பளம் அதிகரிக்கப்படாது, ஆனால் ஓய்வூதியத்தைக் கணக்கிடும் போது சம்பள உயர்வு சேர்க்கப்படும்.
- இது நோஷனல் ஊதிய உயர்வு எனப்படுகிறது.
- ஊழியர் பணியில் இருக்கும்போது அதிக பணம் பெறமாட்டார், ஆனால் ஓய்வு பெற்ற பிறகு இந்த ஊதிய உயர்வு ஓய்வூதியத்தில் சேர்க்கப்படும்.
- இது ஓய்வூதியத் தொகையை அதிகரிக்கும்.
எந்த ஊழியர்களுக்கு இந்தப் பலன் கிடைக்கும்?
- ஜனவரி 1, 2006 அன்று அல்லது அதற்குப் பிறகு ஓய்வு பெற்றவர்கள் மற்றும் ஜூன் 30 அல்லது டிசம்பர் 31 அன்று ஓய்வு பெற்றவர்கள் இதைப் பயன்படுத்திக் கொள்ளத் தகுதியுடையவர்கள்.
- இதற்குத் தேவையான சேவையை அவர்கள் முடித்திருந்தால் மற்றும் அவர்களின் சேவைப் பதிவு நன்றாக இருந்தால் மட்டுமே இந்த வசதி அவர்க்ளுக்கு கிடைக்கும்.
- ஜூன் 30 அன்று ஓய்வு பெறுவதால் ஜூலை 1 முதல் அமலுக்கு வரும் சம்பள உயர்வு பெற முடியாதவர்கள் அல்லது டிசம்பர் 31 அன்று ஓய்வு பெறுவதால் ஜனவரி 1 ஆம் தேதி அமலுக்கு வரும் சம்பள உயர்வு பெற முடியாத அனைவருக்கும் இந்தப் பலன் வழங்கப்படும்.
அதிக ஓய்வூதியம் எப்போது கிடைக்கும்?
DoPT உத்தரவின்படி, ஏப்ரல் 30, 2023 அன்று அல்லது அதற்கு முன் ஓய்வு பெற்ற ஊழியர்கள் மே 1, 2023 முதல் அதிகரித்த ஓய்வூதியத்தின் பலனைப் பெறுவார்கள். இருப்பினும், ஏற்கனவே நீதிமன்ற உத்தரவு உள்ள வழக்குகளுக்கும் அதே வழிமுறைகள் பொருந்தும்.
நீதிமன்றத்தில் நடந்து வரும் வழக்குகளின் நிலை என்ன?
- ஓய்வு பெற்ற ஊழியர் ஏற்கனவே CAT, உயர் நீதிமன்றம் அல்லது உச்ச நீதிமன்றம் போன்ற நீதிமன்றங்களில் மனு தாக்கல் செய்திருந்தால், அவர் தனது மனுவை தாக்கல் செய்வதற்கு மூன்று ஆண்டுகளுக்கு முந்தைய தேதியிலிருந்து இந்த நன்மையைப் பெறுவார்.
- அதாவது, கடந்த மூன்று ஆண்டுகளின் நிலுவைத் தொகையின் வடிவத்தில் அதிகரித்த ஓய்வூதியத்தின் பலனைப் பெறுவார்.
பழைய முடிவுகள் மீண்டும் மாற்றப்படுமா?
- உத்தரவு ஏற்கனவே செயல்படுத்தப்பட்ட வழக்குகள் மீண்டும் திறக்கப்படாது என்றும் DoPT தெளிவுபடுத்தியுள்ளது.
- மேலும், உச்ச நீதிமன்றத்தின் உத்தரவுகளுடன் பொருந்தாத ஒரு உத்தரவை கீழ் நீதிமன்றம் வழங்கினால், அத்தகைய முடிவுகள் உயர் நீதிமன்றங்களில் மேல்முறையீடு செய்யப்படலாம்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)