PM Kisan Samman Nidhi Yojana: பிரதம மந்திரி கிசான் சம்மான் நிதி திட்டத்தின் 20வது தவணைக்காக காத்திருக்கும் மக்களுக்கு முக்கிய அப்டேட் உள்ளது. 20வது தவணையின் பலனைப் பெற, அனைத்து பயனாளிகளும் e-KYC செயல்முறையை முடிக்க வேண்டியது கட்டாயம் என்று மத்திய அரசு தெளிவான அறிவுறுத்தல்களை வழங்கியுள்ளது. நீங்கள் சரியான நேரத்தில் e-KYC செய்யவில்லை என்றால், அடுத்த தவணையான ரூ.2000 உங்கள் கணக்கிற்கு வராது.
பிரதம மந்திரி கிசான் சம்மான் யோஜனா
பிரதான் மந்திரி கிசான் சம்மான் நிதி (PM-Kisan) திட்டத்தின் 19வது தவணையை பிரதமர் நரேந்திர மோடி பிப்ரவரி 24, 2025 அன்று பீகாரின் பாகல்பூரில் வெளியிட்டார். இந்தத் திட்டத்தின் கீழ், தகுதியான விவசாயிகளின் வங்கிக் கணக்கிற்கு நான்கு மாதங்களுக்கு ஒரு முறை ரூ.2000 நேரடியாக வரவு வைக்கப்படுகிறது. அதாவது, ஒவ்வொரு ஆண்டும் மூன்று சம தவணைகளில் ரூ.6000 உதவித் தொகை வழங்கப்படுகிறது.
PM Kisan 20th Installment: பிஎம் கிசான் 20வது தவணை எப்போது கிடைக்கும்?
இதற்கு முந்தைய தவணையான 19வது தவணை பிப்ரவரி 2025 இல் வெளியிடப்பட்டது. நான்கு மாத கணக்கின் படி, அடுத்த தவணையான 20வது தவணை ஜூன் கடைசி வாரத்தில் வர வாய்ப்புள்ளது. இருப்பினும், இது e-KYC செயல்முறையை முடித்த விவசாயிகளுக்கு மட்டுமே கிடைக்கும்.
e-KYC ஏன் அவசியம்?
பயனாளி விவசாயி சரியாக அடையாளம் காணப்படுவதையும், இடைத்தரகர்களின் பங்கு இல்லை என்பதை உறுதி செய்யவும் அரசாங்கம் முயற்சிக்கிறது. திட்டத்தின் பலன்கள் உண்மையான மற்றும் தகுதியுள்ள விவசாயிகளுக்கு மட்டுமே வழங்கப்படுவதையும், தொகை நேரடியாக அவர்களின் ஆதார்-இணைக்கப்பட்ட வங்கிக் கணக்குகளுக்குச் செல்வதையும் e-KYC உறுதி செய்கிறது.
e-KYC -ஐ செய்து முடிக்க 4 எளிய வழிகள்
- OTP அடிப்படையிலான e-KYC (PM Kisan போர்ட்டல் மற்றும் மொபைல் செயலி மூலம் இதை செய்யலாம்).
- பயோமெட்ரிக் e-KYC (பொது சேவை மையங்கள் மற்றும் மாநில சேவை மையங்களில் இதை செய்யலாம்).
- முக அங்கீகார அடிப்படையிலான e-KYC (PM Kisan மொபைல் செயலியில் இது கிடைக்கிறது).
குறிப்பாக கைரேகை வசதி இல்லாதவர்களுக்கு PM Kisan செயலி மூலம் எளிய செயல்முறையாக உள்ளது.
OTP மூலம் e-KYC செய்வது எப்படி?
- PM Kisan இணையதளமான https://pmkisan.gov.in -க்குச் செல்லவும்.
- மேல் வலதுபுறத்தில் உள்ள 'e-KYC' விருப்பத்தைக் கிளிக் செய்யவும்.
- உங்கள் ஆதார் எண்ணை உள்ளிடவும்.
- ஆதாருடன் இணைக்கப்பட்ட மொபைல் எண்ணுக்கு OTP அனுப்பப்படும்.
- OTP சரிபார்க்கப்பட்டவுடன் E-KYC நிறைவடையும்.
முக அங்கீகாரத்துடன் e-KYC செய்வதற்கான செயல்முறை
- Google Play Store இலிருந்து PM Kisan மொபைல் செயலி மற்றும் Aadhaar Face RD செயலியைப் பதிவிறக்கவும்.
- PM Kisan செயலியைத் திறந்து பதிவுசெய்யப்பட்ட மொபைல் எண்ணுடன் லாக் இன் செய்யவும்.
- பயனாளி நிலைப் பிரிவுக்குச் செல்லவும்.
- ‘e-KYC: No’ என்று காட்டப்பட்டால், ‘e-KYC’ என்பதைக் கிளிக் செய்யவும்.
- ஆதார் எண்ணை உள்ளிட்டு முக ஸ்கேன் செய்ய அனுமதிக்கவும்.
- முக ஸ்கேன் செய்யப்பட்டவுடன் e-KYC முடிந்ததாகக் கருதப்படும்.
எந்தவொரு ஊடகம் மூலமாகவும் e-KYC வெற்றிகரமாக முடிந்த பிறகு, அதன் நிலை 24 மணி நேரத்திற்குள் போர்ட்டலில் புதுப்பிக்கப்படும்.
மேலும் படிக்க | SIP vs NPS: நீண்ட கால முதலீட்டில்...பணத்தை பன்மடங்காக பெருக்கும் சிறந்த திட்டம் எது?
மேலும் படிக்க | 8வது ஊதியக்குழு: ரூ.84,711 ஆக உயரும் லெவல் 6 ஊழியர்களின் மாத சம்பளம், கணக்கீடு இதோ
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
