 "SIP Mutual Fund: கூட்டு வட்டி வருமானத்தின் சக்தியினால்... ரூ. 3000 முதலீட்டிலும் கோடீஸ்வரன் ஆகலாம்")
SIP (முறையான முதலீட்டுத் திட்டம்) என்பது ராக்கெட் அறிவியல் அல்ல. ஒவ்வொரு மாதமும் ஒரு நிலையான தொகையை மியூச்சுவல் ஃபண்டுகளில் முதலீடு செய்வதன் மூலம் பணத்தை பன்மடங்காக்கலாம். இதில் ரூ.500 என்ற அளவில் கூட முதலீட்டை தொடங்கலாம். சந்தையின் ஏற்ற இறக்கங்களிலிருந்து உங்களைப் பாதுகாத்துக் கொள்ளலாம். சந்தை ஏறும்போதோ அல்லது இறங்கும்போதோ கவலை கொள்ளத் தேவையில்லை. உங்கள் வேலை ஒவ்வொரு மாதமும் ஒரு சிறிய தொகையை ஒதுக்கி வைப்பதுதான்.
உலகின் 8வது அதிசயமான கூட்டு வட்டி
ஆல்பர்ட் ஐன்ஸ்டீன் வட்டியின் மீது வட்டி தரும் கூட்டு வட்டியின் சக்தியை உலகின் எட்டாவது அதிசயம் என்று அழைத்தார். SIP இந்தக் கொள்கையின் அடிப்படையில் செயல்படுகிறது. இதில், நீங்கள் முதலீடு செய்த அசல் தொகைக்கு மட்டுமல்ல, அதில் ஈட்டப்பட்ட வருமானத்திற்கும் வருமானம் கிடைக்கும்.இதனால் நீண்ட கால முதலிட்டில் உங்கள் செல்வத்தை பல மடங்கு பெருக்குகிறது. அதனால்தான் 'எவ்வளவு' பணத்தை SIP-யில் முதலீடு செய்கிறீர்கள் என்பதை விட 'எவ்வளவு காலத்திற்கு' என்பதை அறிவது மிகவும் முக்கியம்.
ரூ.1000 மாதாந்திர SIP முதலீட்டில் கிடைக்கும் கார்பஸ்
ரூ.1000 என்பது இன்றைய காலகட்டத்தில் ஒரு இரவு உணவு அல்லது திரைப்படத்தின் செலவு. ஆனால் இந்தப் பணத்தை SIP மூலம் மியூச்சுவல் ஃபண்டுகளில் முதலீடு செய்தால், சராசரியாக ஆண்டுக்கு 12% வருமானத்தை பெறலாம். ஒரு நாளைக்கு ரூ.33 சேமிப்பது 20 ஆண்டுகளில் உங்களை ரூ.10 லட்சத்தின் உரிமையாளராக மாற்றும்.
ரூ.2000 மாதாந்திர SIP முதலீட்டில் கிடைக்கும் கார்பஸ்
உங்கள் சேமிப்பை மாதத்திற்கு ரூ.2000 ஆக இன்னும் கொஞ்சம் அதிகரிக்க முடிந்தால், உங்கள் செல்வம் எவ்வளவு வேகமாக வளர்கிறது என்பதைப் பாருங்கள். (மதிப்பிடப்பட்ட வருமானம்: ஆண்டுக்கு 12%). 20 வருடங்களில், நீங்கள் கிட்டத்தட்ட ரூ.20 லட்சங்களுக்கு உரிமையாளராகலாம், இது உங்கள் குழந்தையின் கல்வி அல்லது வேறு எந்த பெரிய இலக்கிற்கும் தேவைப்பௌட்ம் பெரிய தொகை.
ரூ.3000 மாதாந்திர SIP முதலீட்டில் கிடைக்கும் கார்பஸ்
மாதத்திற்கு ரூ.3000 முதலீடு செய்வது உங்களை கோடீஸ்வரராக மாறுவதற்கு ஒப்பீட்டளவில் குறைந்த காலமே ஆகும் (மதிப்பிடப்பட்ட வருமானம்: ஆண்டுக்கு 12%). ஆம், 20 வருடங்களில் ரூ.20 லட்சம் கார்பஸ் உங்களிடம் இருக்கலாம். ஆனால், இந்த முதலீடு 30 வருடங்களுக்கானது என்றால், நீங்கள் கோடீஸ்வரராகலாம். உங்கள் மொத்த முதலீடு வெறும் ரூ.10.80 லட்சமாக இருக்கும், ஆனால் கூட்டு வட்டி வருமானத்தின் மூலம் ரூ.1 கோடிக்கு மேல் பெறலாம்.
ரூ.4000 மாதாந்திர SIP முதலீட்டில் கிடைக்கும் கார்பஸ்
நீங்கள் மாதத்திற்கு ரூ.4000 முதலீடு செய்ய முடிந்தால், உங்கள் நிதி இலக்குகளை இன்னும் வேகமாக அடையலாம். (மதிப்பிடப்பட்ட வருமானம்: ஆண்டுக்கு 12%). இங்கே நீங்கள் 20 வருடங்களில் சுமார் ரூ.40 லட்சம் நிதியை உருவாக்குகிறீர்கள்.
ரூ.5000 மாதாந்திர SIP முதலீட்டில் கிடைக்கும் கார்பஸ்
மாதத்திற்கு ரூ.5000 சேமிப்பது, அதாவது ஒரு நாளைக்கு சுமார் ரூ.167 சேமிப்பது உங்களை எங்கு அழைத்துச் செல்லும் என்பதை நீங்களே பாருங்கள். (மதிப்பிடப்பட்ட வருமானம்: ஆண்டுக்கு 12%). நீங்கள் மொத்தம் ரூ.18 லட்சம் முதலீடு செய்திருப்பீர்கள். கூட்டு வட்டி வருமானத்தின் மாயாஜாலம் அதை கிட்டத்தட்ட 50 லட்சமாக உயர்த்தியிருக்கும். அதுவும் வெறும் 20 ஆண்டுகளில். சிறிய ஆனால் வழக்கமான சேமிப்பின் உண்மையான சக்தி இதுதான்.
எதற்காகவும் காத்திருக்க வேண்டாம், இன்றே தொடங்குங்கள்.
இந்தக் கணக்கீடுகளிலிருந்து ஒன்று தெளிவாகிறது - SIP-யின் மிகப்பெரிய ரகசியம் 'இளமையிலேயே தொடங்குவது'. உங்கள் முதலீட்டிற்கு நீங்கள் எவ்வளவு நேரம் கொடுக்கிறீர்களோ, அவ்வளவுக்கு கூட்டு வட்டி வருமானத்தின் அதிகபட்ச பலனை பெறலாம். அது ரூ.1000 ஆக இருந்தாலும் தொடங்குங்கள். இன்று நீங்கள் எடுக்கும் சிறிய முயற்சி நாளை உங்களுக்கு நிதிப் பாதுகாப்பின் ஒரு பெரிய மரத்தை உருவாக்கும்.
(பொறுப்பு துறப்பு: இந்தக் கட்டுரையின் நோக்கம் தகவல்களை வழங்குவது மட்டுமே தவிர, முதலீட்டு ஆலோசனைகளை வழங்குவது அல்ல. பரஸ்பர நிதியம் என்னும் மியூச்சுவல் ஃபண்டின் கடந்தகால வருமானம், எதிர்காலத்திலும் தொடரும் என்பதற்கு உத்தரவாதம் இல்லை. SEBI அங்கீகரிக்கப்பட்ட முதலீட்டு ஆலோசகரை அணுகி ஆலோசித்த பின்னரே முதலீடு தொடர்பான முடிவுகள் எடுக்கப்பட வேண்டும்.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)