SIP vs PPF: நீண்ட கால இலக்குகளுக்காக முதலீடு செய்யும்போது, சிலர் பொது வருங்கால வைப்பு நிதி (PPF) போன்ற ஆபத்து இல்லாத திட்டங்களை விரும்பக்கூடும். சிலர் ரிஸ்க் பற்றி அதிகம் கவலைப்படாமல், தங்கள் பணத்தை முதலீட்டுக்கு நல்ல ரிட்டன் கொடுக்கும் பரஸ்பர நிதியத்தை தேர்ந்தெடுக்கிறார்கள். ம்யூசுவல் பண்டுகளில் முதலீடு செய்ய SIP மூலம் முதலீடு செய்வது பெரும்பானோர் பயன்படுத்தும் எளிய முறை.
SIP மற்றும் PPF
SIP மற்றும் PPF இரண்டும் இயற்கையில் வேறுபட்டவை. ஆனால் ஓய்வுக்குப் பிந்தைய வாழ்க்கைக்கு கணிசமான கார்பஸை உருவாக்க இரண்டுமே உதவுகின்றன. இவை இரண்டிலும் மாதம் ரூ. 5500 அல்லது ஆண்டுக்கு ரூ.65,000 முதலீட்டில் 15 ஆண்டு தொடர் முதலீட்டில் அதிக ரிட்டன் கொடுக்கும் திட்டம் எது என்பதை அறிந்து கொள்வோம்.
SIP என்னும் பரஸ்பர நிதிய முதலீட்டின் முக்கிய அம்சங்கள்
பங்கு சந்தையுடன் இணைக்கப்பட்ட முதலீட்டு முறை என்பதால், பரஸ்பர நிதிகளில் முதலீடு அதிக வருமானம் கொடுக்கும் அதே வேளையில், ரிஸ்கும் உள்ளது. நிதித் திறனை அடிப்படையாகக் கொண்டு, ரூ.500 முதல், உங்களால் முடிந்த பணத்தை முதலீடு செய்யலாம். நீண்ட கால முதலீட்டில் கிடைக்கும் சராசரி கால வருமானம் 12% என பொருளாதார வல்லுநர்கள் கூறுகின்றனர். இதில் லாக்-இன் காலம் இல்லை, முதலீட்டாளர் முதிர்ச்சியைத் தேர்வு செய்யலாம்
PPF என்னும் பொது வருங்கால வைப்பு நிதியின் முக்கிய அம்சங்கள்
பொது வருங்கால வைப்பு நிதி அரசு ஆதரவு சேமிப்புத் திட்டம் என்பதால், உங்கள் முதலீடு பாதுகாப்பாக இருக்கும். ரிஸ்க் இல்லை. ஆண்டுக்கு அதிகபட்சம் ரூ.1.5 லட்சம் வரை முதலீடு செய்யலாம். இதில் 7.1% வட்டி கிடைக்கும். இதில் லாக்-இன் காலம் 15 ஆண்டுகள் ஆகும்
SIP vs PPF: 15 ஆண்டுகளில் கிடைக்கும் கார்பஸ்
நீங்கள் SIP மற்றும் PPF இரண்டிலும் ஆண்டுதோறும் ரூ.65,000 முதலீடு செய்கிறீர்கள் என்று வைத்துக்கொள்வோம். இப்போது, 15 ஆண்டுகளில் நீங்கள் எவ்வளவு கார்பஸை உருவாக்க முடியும் என்று கணக்கிடுவோம்.
SIP முதலீட்டு கணக்கீடு: ரூ.65,000 வருடாந்திர முதலீட்டில் 15 ஆண்டுகளில் எவ்வளவு கார்பஸை உருவாக்கலாம்?
SIP-யில் ஆண்டுக்கு ரூ.65,000 (மாதத்திற்கு ரூ.5,416) முதலீடு செய்தால், உங்கள் மொத்த முதலீடு 15 ஆண்டுகளில் ரூ.9,74,880 ஆக இருக்கும். சராசரியாக ஆண்டுக்கு 12 சதவீத வருமானம் கிடைக்கும் என்று வைத்துக் கொண்டால், 15 ஆண்டுகளின் முடிவில் உருவாக்கப்படும் மொத்த கார்பஸ் தோராயமாக ரூ.27,32,784 ஆக இருக்கும், இதில் ரூ.17,57,904 மூலதன ஆதாயங்கள் அடங்கும்.
SIP வருமானம் (12% வருடாந்திர வட்டி விகிதத்துடன்):
மாதாந்திர முதலீடு: ரூ.5,416
மொத்த முதலீடு (15 ஆண்டுகள்): ரூ.9,74,880
மதிப்பிடப்பட்ட வருமானம்: ரூ.17,57,904
மொத்த கார்பஸ்: ரூ.27,32,784
PPF முதலீட்டு கணக்கீடு: ரூ.65,000 வருடாந்திர முதலீட்டில் உங்கள் கார்பஸ் 15 ஆண்டுகளில் எவ்வளவு வளரும்?
நீங்கள் ஒரு PPF-ல் ஆண்டுக்கு ரூ.65,000 முதலீடு செய்தால், 15 ஆண்டுகளில் உங்கள் மொத்த முதலீடும் ரூ.9,75,000 ஆகும். இருப்பினும், 7.1 சதவீத வருடாந்திர வருமானத்துடன், ஈட்டப்படும் வட்டி ரூ.7,87,891 ஆக இருக்கும். இதன் மூலம், இறுதி நிதி ரூ.17,62,891 (அசல் + வட்டி) ஆக இருக்கும்.
பிபிஎஃப் வருமானம் (7.1% ஆண்டு வட்டி விகிதத்துடன்):
ஆண்டு முதலீடு: ரூ.65,000
மொத்த முதலீடு (15 ஆண்டுகள்): ரூ.9,75,000
மதிப்பிடப்பட்ட வருமானம்: ரூ.7,87,891
மொத்த நிதி: ரூ.17,62,891
பொறுப்பு துறப்பு: எங்கள் கணக்கீடுகள் கணிப்புகள் மட்டுமே, முதலீட்டு ஆலோசனை அல்ல. பரஸ்பர நிதியம் என்னும் மியூச்சுவல் ஃபண்டின் கடந்தகால வருமானம், எதிர்காலத்திலும் தொடரும் என்பதற்கு உத்தரவாதம் இல்லை. SEBI அங்கீகரிக்கப்பட்ட முதலீட்டு ஆலோசகரை அணுகி ஆலோசித்த பின்னரே முதலீடு தொடர்பான முடிவுகள் எடுக்கப்பட வேண்டும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
