 "ரேஷன் கார்டில் உடனே e-KYC செய்ஞ்சிடுங்க.. கோதுமை, அரிசி, சர்க்கரை கிடைக்காமல் போகலாம்")
Ration Card New Update : இன்னுமும் ரேஷன் கார்டின் e-KYC-ஐ முடிக்கலையா? அப்படியானால் இந்த முக்கியமான பணியை உடனடியாக முடிததுக்கொள்ளவும், இல்லையெனில் இனி வரும் மாதங்களில் கோதுமை, சர்க்கரை மற்றும் அரிசி பெற முடியாமல் போகலாம். முன்னதாக eKYC முடிக்க பல காலக்கெடு கொடுக்கப்பட்டது தற்போது மீண்டும் இதற்கான காலக்கெடு நீடிக்கப்பட்டுள்ளது. ஏனெனில் இந்த செயல்முறையை தற்போது 27 சதவீத மக்கள் மட்டுமே செய்துள்ளதால் தற்போது காலக்கெடு நீடிக்கப்பட்டுள்ளது. அத்தகைய சூழ்நிலையில், மக்களுக்கு அரசு கடைசி வாய்ப்பு தந்துள்ளது.
ரேஷன் கார்டு e-KYC-க்கான கடைசி தேதி ஜூன் 30 ஆகும்:
ரேஷன் கார்டு வைத்திருக்கும் அனைவரும் e-KYC செய்து முடிப்பதற்கான கடைசி தேதி ஜூன் 30 ஆகும். eKYC செய்யப்படாத உறுப்பினரின் ரேஷன் பங்கு குறைக்கப்படும். இதுபோன்ற சூழ்நிலையில், உடனடியாக இந்த வேலையைச் செய்து முடியுங்கள், இல்லையெனில் ரேஷன் பெறுவதில் சிக்கல் ஏற்படலாம். அதனுடன் பல அரசாங்கத் திட்டங்களின் பலனையும் பெற முடியாமல் போகலாம். இதனிடையே eKYC-க்கான கடைசி தேதி பலமுறை நீட்டிக்கப்பட்டுள்ளது என்பது குறிப்பிடத்தக்கது.
ரேஷன் கார்டு e-KYC-ஐ எப்படி செய்வது?
ரேஷன் கார்டுன் e-KYC முடிப்பது கடினமான காரியம் அல்ல. வீட்டில் அமர்ந்தபடியே இந்த வேலையை செய்து முடிக்கலாம். இதற்கு நீங்கள் என்ன செய்ய வேண்டும் என்பதை இங்கே தெரிந்துக்கொள்ளுங்கள்.
- முதலில் உங்கள் ஸ்மார்ட்போனில் 'MERA KYC' மற்றும் AadhaarFaceRD செயலியை பதிவிறக்கம் செய்ய வேண்டும்.
- இதற்குப் பிறகு 'MERA KYC'-ஐத் திறக்கவும். உங்கள் மாநிலத்தைத் தேர்ந்தெடுத்த பிறகு, மொபைலில் லோகேஷனை ஆன் செய்துக் கொள்ளவும் .
- இப்போது நீங்கள் ஆதார் எண்ணை உள்ளிட வேண்டும், அதன் பிறகு உங்கள் பதிவு செய்யப்பட்ட மொபைல் எண்ணில் ஒரு OTP வரும்.
- இப்போது உங்களுக்கு முன்னால் Face eKYC பொத்தானைக் காண்பீர்கள். அதை கிளிக் செய்யவும்.
- உங்கள் மொபைலின் கேமரா திறக்கும். இப்போது உங்கள் முகத்தை வட்டத்திற்குள் கொண்டு வந்து கண் சிமிட்டுங்கள்.
- இந்த வட்டம் பச்சை நிறமாக மாறியவுடன் வேலை முடிந்துவிட்டது என்பதைப் புரிந்து கொள்ளுங்கள். முடிந்தது eKYC.
முக்கிய குறிப்புகள்:
- ஜூன் 30, 2025க்குள் e-KYC முடிக்கவும்.
- ஆதார்-ரேஷன் கார்டு இணைப்பு இலவசம், எந்தவொரு கட்டணமும் செலுத்த வேண்டாம்.
- OTP/ஆதார் விவரங்களை யாருக்கும் வெளிப்படுத்த வேண்டாம் (Fraud Alert!).
உதவிக்கு உங்கள் மாநிலத்தின் தொலைபேசி எண் (Toll-Free No.) அல்லது ஹெல்ப்லைன் எண்ணை தொடர்பு கொள்ளவும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)