 "தனிநபர் கடன், வீட்டு கடன், வாங்கியவர்களுக்கு குட் நியூஸ்! ஆர்பிஐ அதிரடி உத்தரவு")
)
RBI New Rule 2026, No Prepayment Penalty : தனி நபர் கடன், வீட்டுக் கடன் வாங்கியவர்களுக்கு இப்போது மிகபெரிய குட் நியூஸ் வெளியாகியுள்ளது. கடன் தொகை முன்கூட்டியே செலுத்தினால் அதற்கு ப்ரீபேமெண்ட் கட்டணம் வசூலிக்கக்கூடாது என ஆர்பிஐ அதிரடி உத்தரவிட்டிருக்கிறது. நாடு முழுவதும் இது தொடர்பான கோரிக்கை பல ஆண்டுகளாக இருந்து வந்தது. கடனை முறையாக செலுத்துவதற்கும் கூடுதல் கட்டணம் செலுத்த வேண்டுமா? என பொதுமக்கள் ஆதங்கப்பட்டனர். கடனை சரியாக திருப்பிச் செலுத்துபவர்களுக்கான தண்டனையா? இது என்றும் பொதுமக்கள் கேள்வி எழுப்பி வந்தனர். ஆனால் வங்கிகள் இதற்கு செவி சாய்க்கவில்லை. அதேநேரத்தில் இந்திய ரிசர்வ் வங்கி, மத்திய அரசு என அரசு துறைகளுக்கு தொடர்ச்சியாக இது தொடர்பாக மக்கள் மனுக்களை கொடுத்து அதிருப்தியை வெளிப்படுத்தினர்.
மக்களின் தொடர்ச்சியான இந்த முயற்சிக்கு இப்போது நல்ல செய்தி கிடைத்துள்ளது. வங்கிகள் இனி வரும் நாட்களில் தனிநபர் கடன் (Personal Loan), வீட்டுக்கடன் (Housing Loan) முன்கூட்டியே செலுத்தினால் ப்ரீ பேமெண்ட் கட்டணம் (Pre-payment Charges) கட்டணம் வசூலிக்கக்கூடாது என ஆர்பிஐ அதிரடி உத்தரவு போட்டுள்ளது. ஆர்பிஐ இது தொடர்பாக வங்கிகளுக்கும் அறிவுறுத்தல்களை கொடுத்துள்ளது. அதேநேரத்தில் இந்த விதிமுறை எப்போது முதல் அமலுக்கு வருகிறது என்றால் ஜனவரி 2026 முதல் அமலுக்கு வருகிறது. அதாவது அடுத்த ஆண்டு முதல் இந்த விதியை வங்கிகள் கட்டாயம் கடைபிடிக்க வேண்டும்.
வரும் ஜனவரி 1, 2026 முதல் நீங்கள் பெறும் அனைத்துக் கடன்களுக்கும் pre-payment charges வசூலிக்கக் கூடாது என்று வங்கிகள் மற்றும் நிதி நிறுவனங்களுக்கு மத்திய ரிசர்வ் வங்கி ஆணை பிறப்பித்துள்ளது. தற்போதுள்ள நடைமுறை என்னவென்றால் நீங்கள் உங்கள் கடன்களுக்கு (பர்சனல் லோன் உட்பட), part-payment செய்ய வேண்டுமென்றால், வங்கிகள் அதனை அனுமதிப்பதில்லை. அப்படியே அனுமதித்தாலும், அதற்காக 3% முதல் 5% வரை கட்டணமாக வசூலிக்கப்பட்டது.
பெருவாரியான மக்களிடமிருந்து எதிர்ப்பு எழுப்பப்பட்டு வந்த நிலையில், கடந்த ஜூலை 2, 2025 அன்று, இந்த உத்தரவு பிறப்பிக்கப்பட்டுள்ளது. எனவே, பொதுமக்கள் இந்த விதிமுறை குறித்து தெரிந்து வைத்துக் கொள்ளுங்கள். இன்னும் 5 மாதங்களுக்குப் பிறகு தான் இந்த விதிமுறை நடைமுறைக்கு வருகிறது என்றாலும், நீண்ட நாட்களாக மக்கள் வைத்த கோரிக்கை இந்திய ரிசர்வ் வங்கியால் இப்போது ஏற்கப்பட்டிருக்கிறது என்ற அளவில், பொதுமக்களுக்கு மகிழ்ச்சியே!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
