SIP Mutual Fund: ரூ.15,000 மாத முதலீட்டில்... 60வது வயதில் ரூ.10 கோடி கார்பஸ் கையில் இருக்கும்

நீங்கள் ஓய்வு பெறும் போது, உங்கள் 60வது வயதில், ரூ.10 கோடி நிதியை உருவாக்க முடியுமா? ரூ.10 கோடி ஓய்வூதிய நிதியை உருவாக்குவது பலருக்கு தொலைதூரக் கனவாகத் தோன்றலாம். ஆனால்  SIP உத்தி மூலம் பரஸ்பர நிதியம் என்னும் மியூச்சுவல் ஃபண்டுகளில் முதலீடு செய்தால், கூட்டு வட்டி வருமானத்தின் சக்தி காரணமாக இந்த இலக்கை எளிதாக அடைய முடியும். இருப்பினும், நீங்கள் இதனை சம்பாதிக்க ஆரம்பித்த உடனே தொடங்கினால் அது எளிதாக இருக்கும்.

ஃபண்ட்ஸ் இந்தியா வெல்த் கன்வர்சேஷன்ஸின் சமீபத்திய அறிக்கையில் இது தொடர்பான கணக்கீடுகள் கொடுக்கப்பட்டுள்ளன. மியூச்சுவல் ஃபண்டுகளில் கிடைக்கும் ஆண்டு சராசரி வருமானம் ஆண்டுக்கு 12% என பொருளாதார வல்லுனர்களும் தரவுகளும் கூறும் நிலையில், ரூ.10 கோடி நிதியை உருவாக்க ஒவ்வொரு மாதமும் எவ்வளவு தொகையை SIP மூலம் முதலீடு செய்யப்பட வேண்டும் என்பதை இந்த அறிக்கை கணக்கீடு மூலம் கூறுகிறது. எடுத்துக்காட்டாக, நீங்கள் 25 வயதில் முதலீடு செய்யத் தொடங்கினால், 30 வயதில் முதலீடு செய்யத் தொடங்கினால் அல்லது 40 வயதில் முதலீடு செய்யத் தொடங்கினால் எவ்வளவு முதலீடு தேவை என்பது கணக்கிட்டு கூறப்பட்டுள்ளது.

உதாரணம் 1: 25 வயதில் முதலீடு

மாதாந்திர SIP: ரூ.15,396
ஆண்டு வருமானம்: 12%
காலம்: 35 ஆண்டுகள்
35 ஆண்டுகளுக்குப் பிறகு SIP முதலீட்டின் மதிப்பு: சுமார் ரூ.10 கோடி

உதாரணம் 2: 30 வயதில் முதலீடு

மாதாந்திர SIP: ரூ.28,329
ஆண்டு வருமானம்: 12%
காலம்: 30 ஆண்டுகள்
35 ஆண்டுகளுக்குப் பிறகு SIP முதலீட்டின் மதிப்பு: சுமார் ரூ.10 கோடி

உதாரணம் 3: 35 வயதில் முதலீடு

மாதாந்திர SIP: ரூ.52,697
ஆண்டு வருமானம்: 12%
காலம்: 25 ஆண்டுகள்
35 ஆண்டுகளுக்குப் பிறகு SIP முதலீட்டின் மதிப்பு: சுமார் ரூ. 10 கோடி

உதாரணம் 4: 40 வயதில் முதலீடு

மாதாந்திர SIP: ரூ.1,00,085
ஆண்டு வருமானம்: 12%
காலம்: 20 ஆண்டுகள்
35 ஆண்டுகளுக்குப் பிறகு SIP மதிப்பு: சுமார் ரூ.10 கோடி

(ஆதாரம்: FundsIndia Research)

இங்குள்ள கணக்கீட்டில் நீங்கள் 25 வயதில் முதலீடு செய்யத் தொடங்கினால்,  60 வயதில் ரூ.10 கோடி (ஓய்வூதிய கார்பஸ்) பெற உங்களுக்கு ரூ.15,000 மாதாந்திர SIP தேவைப்படும் என்பது தெளிவாகிறது. மறுபுறம், நீங்கள் 30 வயதில் தொடங்கினால், உங்களுக்கு ரூ.28,000 மாதாந்திர SIP தேவைப்படும், நீங்கள் 35 வயதில் தொடங்கினால், உங்களுக்கு ரூ.52000 மாதாந்திர SIP தேவைப்படும், மேலும் நீங்கள் தொடங்கினால் 40 வயதில், உங்களுக்கு மாதந்தோறும் ரூ.1 லட்சம் SIP தேவைப்படும்.

அதாவது, நீங்கள் எவ்வளவு தாமதமாகத் தொடங்குகிறீர்களோ, அவ்வளவு குறைவான நன்மையே கிடைக்கும். எனவே, முடிந்தவரை சீக்கிரமாக முதலீட்டைத் தொடங்குவது நல்லது. தாமதமாக முதலீடு செய்தால், ஆரம்பகால முதலீட்டாளர்களை விட இலக்கை அடைய பல மடங்கு அதிக தொகையை முதலீடு செய்ய வேண்டும் என்பதை SIP கணக்கீடு உணர்த்துகிறது.

(பொறுப்பு துறப்பு: இந்தக் கட்டுரையின் நோக்கம் தகவல்களை வழங்குவது மட்டுமே தவிர, முதலீட்டு ஆலோசனைகளை வழங்குவது அல்ல. பரஸ்பர நிதியம் என்னும் மியூச்சுவல் ஃபண்டின் கடந்தகால வருமானம், எதிர்காலத்திலும் தொடரும் என்பதற்கு உத்தரவாதம் இல்லை. SEBI அங்கீகரிக்கப்பட்ட முதலீட்டு ஆலோசகரை அணுகி ஆலோசித்த பின்னரே முதலீடு தொடர்பான முடிவுகள் எடுக்கப்பட வேண்டும்.)

மேலும் படிக்க | ஆகஸ்ட் மாதம் இந்த பங்குகளை கவனிங்க... லாபம் நிச்சயம்: டிப் கொடுத்த டாப் தரகு நிறுவனம்

மேலும் படிக்க | 8வது ஊதியக்குழு: லெவல் 1-6, இணையும் ஊதிய நிலைகள், மெகா ஊதிய உயர்வு கேரண்டி

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ