 "SIP: மாதம் ரூ.500 மூதலீடு... ரூ.46 லட்சமாக பெருகும்... சாத்தியமாக்கும் மியூச்சுவல் ஃபண்ட்")
சிறுதுளி பெருவெள்ளம் என்ற பழமொழியை நாம் அனைவரும் கேட்டிருப்போம். முதலீடு விஷயத்திலும் இது பொருந்தும். நீங்கள் ரூ. 500 என்ற அளவில் முதலீடு செய்யத் தொடங்கினால் கூட, நீண்ட கால முதலீட்டில் ரூ. 49 லட்சம் நிதியை சேர்க்க முடியும். நீங்கள் செய்ய வேண்டியதெல்லாம் நீண்ட காலத்திற்கு தவறாமல் முதலீடு செய்வதும், கொஞ்சம் பொறுமையாக இருப்பதும்தான். ஒரு சிறிய தொகையைக் கூட பெரிய தொகையாக மாற்றும் கூட்டு வட்டி வருமானத்தின் சக்தி தான் இதற்கு காரணம்.
SIP அதிசயங்களைச் செய்யும்
பணவீக்கத்தை வெல்லும் வருமானம் உள்ள இடத்தில் முதலீடு செய்தால் மட்டுமே, ஒவ்வொரு மாதமும் ரூ. 500 முதலீடு செய்வதன் மூலம் ரூ. 49 லட்சம் நிதியை சேர்க்க முடியும். இதற்காக, இன்றைய காலகட்டத்தில் SIP ஒரு சிறந்த தேர்வாகக் கருதப்படுகிறது. SIP மூலம் மியூச்சுவல் ஃபண்டுகளில் முதலீடுகள் செய்யப்படுகின்றன.
பாக்கெட் மணியை சேமித்து முதலீடு
இன்றைய காலகட்டத்தில், 500 ரூபாய் என்பது மிகவும் சிறிய தொகை. குழந்தைகள் கூட தங்களுக்கு கிடைக்கும் பாக்கெட் மணியை சேமித்து முதலீடு செய்யலாம். 500 ரூபாய் முதலீடு மூலம் ரூ. 49 லட்சத்தை சேர்க்க, குறைந்தது 40 ஆண்டுகளுக்கு தொடர்ந்து முதலீடு செய்ய வேண்டும்.
ஆண்டு சராசரி வருமானம்
நீங்கள் ஒவ்வொரு மாதமும் 500 ரூபாயை 40 ஆண்டுகளுக்கு தொடர்ந்து முதலீடு செய்தால், 40 ஆண்டுகளில் மொத்தம் 2,40,000 ரூபாய் முதலீடு செய்திருப்பீர்கள். SIP முதலீட்டில் ஆண்டு சராசரி வருமானம் குறைந்த பட்சம் 12% ஆகக் கருதப்படுகிறது. 12 சதவீத விகித வருமானத்தில், மூலதன ஆதாயமாக ரூ.46,56,536 (சுமார் ரூ.46 லட்சம்) கிடைக்கும். 40 ஆண்டுகளுக்குப் பிறகு, முதிர்வுத் தொகை மற்றும் முதலீடு செய்யப்பட்ட தொகையும் இணைந்து, மொத்தம் 48,96,536 ரூபாய் அதாவது சுமார் ரூ. 49 லட்சம் நிதி உங்களிடம் இருக்கும்.
SIP முதலீட்டை உடைக்கவோ அல்லது இடைநிறுத்தவோ கூடாது
SIP மூலம் ஒரு பெரிய நிதியைச் சேர்க்க விரும்பினால், ஒழுக்கமான முதலீடு அவசியம். இடையில் SIP முதலீட்டை உடைக்கவோ அல்லது இடைநிறுத்தவோ கூடாது நீண்ட காலத்திற்கு வழக்கமான முதலீட்டைப் பராமரிக்கவும். ஒரு பெரிய நிதியை உருவாக்க வழக்கமான முதலீட்டைத் தொடர்வது மிகவும் முக்கியம்.
சந்தையில் இருக்கும் மந்தநிலையைப் பற்றி பயப்பட வேண்டாம்
SIP என்பது சந்தையுடன் இணைக்கப்பட்ட திட்டம். சந்தை தொடர்ந்து ஏற்ற இறக்கமாகத்தான் இருக்கும். சந்தையில் மந்தநிலை ஏற்படும் என்ற பயத்தில் SIP முதலீட்டை நிறுத்த வேண்டாம். சந்தை வீழ்ச்சியின் போது, அதிக யூனிட்கள் கிடைக்கும், பின்னர் சந்தை உயரும்போது, அவற்றிலிருந்து அதிக வருமானம் கிடைக்கும். எனவே உங்கள் SIP முதலீட்டை தொடர்ந்து தொடரவும்.
சரியான நிதியைத் தேர்வு செய்யவும்
SIP முதலீட்டில் உள்ள அனைத்து நிதிகளும் ஒரே மாதிரியான வருமானத்தை தராது. எனவே தேவைக்கேற்ப சரியான நிதியைத் தேர்ந்தெடுப்பது மிகவும் முக்கியம். இதை நீங்கள் புரிந்து கொள்ளவில்லை என்றால், நீங்கள் ஒரு நிதி ஆலோசகரின் உதவியைப் பெறலாம்.
மனதில் கொள்ள வேண்டிய விஷயங்கள்
SIP என்பது சந்தையுடன் இணைக்கப்பட்ட திட்டம், அதில் வருமானத்திற்கு எந்த உத்தரவாதமும் இல்லை. இங்கே கணக்கீடு சராசரியாக 12% வருமானத்தின் அடிப்படையில் செய்யப்பட்டுள்ளது. நீங்கள் 14 அல்லது 15 சதவீதம் அல்லது அதைவிட சிறந்த வருமானத்தை கூட பெற்று ரூ.500 முதலீடு செய்வதன் மூலம் நீங்கள் ஒரு பெரிய நிதியை உருவாக்கலாம். ஆனால் இந்த வருமானம் சுமார் 10 அல்லது 11 சதவீதமாகக் குறைந்தால், லாபமும் சற்று குறைவாக இருக்கலாம் என்பதையும் நினைவில் கொள்ளவும். ஆனால், இதுவரையிலான தரவுகள், நீண்ட கால முதலீட்டில், வருமானம் சிறப்பாக பெற்றுள்ளதைத் தான் காட்டுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)