SIP vs PPF: ரூ.5,000 மாத முதலீட்டில்... உங்களை லட்சாதிபதியாக ஆக்கும் திட்டம் எது?

SIP vs PPF: ஆயிரங்களை லட்சங்கள் ஆக்குவது எளிது தான். அதற்கு தேவை திட்டமிடல் மட்டுமே. மாதம்தோறும் ரூ.5000 முதலீடு செய்ய திட்டமிட்டுள்ள நிலையில், SIP சிறந்ததா அல்லது PPF சிறந்ததா என்ற கேள்வி கிட்டத்தட்ட ஒவ்வொரு நடுத்தரக் குடும்பத்திலும் எழுக் கூடும். ஒருபுறம் உத்தரவாதமான வருமானத்தையும் முழுமையான வரி விலக்கையும் வழங்கும் PPF திட்டம் உள்ளது, மறுபுறம் SIP அதாவது மியூச்சுவல் ஃபண்டின் ஈக்விட்டி இணைக்கப்பட்ட முதலீடு. இது நீண்ட காலத்திற்கு அதிக வருமானத்தைத் தரும் சிறந்த திட்டம். 15 ஆண்டுகளில் மாதத்திற்கு ரூ.5000 முதலீட்டில், இரண்டு திட்டங்களிலும் கிடைக்கும் வருமானத்தை எளிய கணக்கீடு மூலம் இந்த பதிவில் புரிந்துகொள்வோம்.

Add Zee News as a Preferred Source

PPF திட்டத்தில் மாதம் ரூ.5000 முதலீட்டில் கிடைக்கும் கார்பஸ்

PPF (பொது வருங்கால வைப்பு நிதி), மத்திய அரசின் ஒரு பாதுகாப்பான மற்றும் வரி இல்லாத முதலீட்டு விருப்பமாகும். தற்போது, ​​PPF மீதான வட்டி விகிதம் ஆண்டுக்கு 7.1% (மே 2025 வரை). அதன் லாக்-இன் காலம் 15 ஆண்டுகள்.

மாதம்: ₹5000
ஆண்டு முதலீடு: ₹60,000
மொத்த முதலீடு (15 ஆண்டுகள்): ₹9,00,000
வட்டி விகிதம்: ஆண்டுதோறும் 7.1% கூட்டு வட்டி
முதிர்வுத் தொகை: தோராயமாக ₹16,27,284
மொத்த வருமானம்: ₹7,27,284

SIP மூலம் பரஸ்பர நிதிய திட்டத்தில் மாதம் ரூ.5000 முதலீட்டில் கிடைக்கும் கார்பஸ்

SIP (முறையான முதலீட்டுத் திட்டம்) என்பது மியூச்சுவல் ஃபண்டுகளில் முதலீடு செய்வதற்கான ஒரு எளிய வழியாகும். நீங்கள் ஈக்விட்டி மியூச்சுவல் ஃபண்டுகளில் SIP உத்தி மூலம் முதலீடு செய்தால், சராசரியாக 12% வரை ஆண்டு வருமானத்தைப் பெறலாம் என பொருளாதார வல்லுநர்கள் கூறுகின்றனர்.

மாதம்: ₹5000
ஆண்டு முதலீடு: ₹60,000
மொத்த முதலீடு (15 ஆண்டுகள்): ₹9,00,000
சராசரி வருமானம்: ஆண்டுதோறும் 12% கூட்டு வட்டி வருமானத்தின் அடிப்படையில் கிடைக்கும் மூலதன ஆதாயம்
முதிர்வுத் தொகை: தோராயமாக ₹23,79,657
மூலதன ஆதாயம்: ₹14,79,657

SIP vs PPF: ரூ.5000 மாதாந்திர முதலீட்டில் கிடைக்கும் வருமான ஒப்பீடு

PPF: ₹9 லட்சம் முதலீட்டில் ₹7.27 லட்சம் வட்டி வருமானத்துடன் ₹16.27 லட்சம் கார்பஸ் கிடைக்கும்.

SIP: ₹9 லட்சம் முதலீட்டில் ₹14.79 லட்சம் மூலதன ஆதாயத்துடன் ₹23.79 லட்சம் கார்பஸ் கிடைக்கும்.

வரி சலுகை எதில் அதிகம்?

PPF

EEE பிரிவின் கீழ் வருகிறது - முதலீடு, வட்டி மற்றும் முதிர்ச்சித் தொகை என அனைத்திருக்கும் வரி விலக்கு. பிரிவு 80C இன் கீழ், ₹1.5 லட்சம் வரை விலக்கு அளிக்கப்படுகிறது. 

SIP 

ELSS (ஈக்விட்டி இணைக்கப்பட்ட சேமிப்புத் திட்டம்) SIP முதலீட்டிற்கு மட்டுமே வரி விலக்கு கிடைக்கிறது - பிரிவு 80C இன் கீழ் ₹1.5 லட்சம் வரை வரி விலக்கு கிடைக்கும். மற்ற SIPகளுக்கு வரி விலக்கு இல்லை. மூலதன ஆதாயத்தை பொருத்தவரை ஒரு வருடத்திற்கும் மேலான முதலீடுகளுக்கு நீண்ட கால மூலதன ஆதாயங்கள் (LTCG) வரி பொருந்தும். ₹1 லட்சம் வரையிலான LTCG வரி விலக்கு அளிக்கப்படுகிறது. அதன் பிறகு 10% வரி செலுத்த வேண்டும்.

குறைந்த ஆபத்துடன் பாதுகாப்பான முதலீட்டை நீங்கள் விரும்பினால் மற்றும் வரியைச் சேமிக்க விரும்பினால், PPF ஒரு சிறந்த வழி. ஆனால் உங்களுக்கு ரிஸ்க் எடுக்கும் திறன் சற்று அதிகமாக இருந்தால், நீங்கள் அதிக வருமானத்தைப் பெற விரும்பினால், SIP ஒரு சிறந்த தேர்வாக நிரூபிக்க முடியும். நீண்ட காலத்திற்கு (10–15 ஆண்டுகள்), SIP, குறிப்பாக ஈக்விட்டி மியூச்சுவல் ஃபண்டுகளில், பொதுவாக PPF ஐ விட அதிக வருமானத்தைத் தருகிறது. 

பொறுப்பு துறப்பு: இந்தக் கட்டுரையின் நோக்கம் தகவல்களை வழங்குவது மட்டுமே தவிர, முதலீட்டு ஆலோசனைகளை வழங்குவது அல்ல. பரஸ்பர நிதியம் என்னும் மியூச்சுவல் ஃபண்டின் கடந்தகால வருமானம், எதிர்காலத்திலும் தொடரும் என்பதற்கு உத்தரவாதம் இல்லை. SEBI அங்கீகரிக்கப்பட்ட முதலீட்டு ஆலோசகரை அணுகி ஆலோசித்த பின்னரே முதலீடு தொடர்பான முடிவுகள் எடுக்கப்பட வேண்டும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!