Mutual Fund SWP: ரூ.4 லட்ச முதலீட்டில்... ஓய்வுக்கு பின் மாதம் ரூ.65,000 வருமானம் பெறலாம்

சிறிய அளவிலான முதலீட்டின் மூலமும் பெரிய அளவிலான கார்பஸை உருவாக்கி, ஓய்வு காலத்தை நிம்மதியாக வாழலாம். இதற்கு தேவை சரியான திட்டமிடல் மட்டுமே. ரூ. 3,99,999 அதாவது மியூச்சுவல் ஃபண்டுகளில் ரூ.4 லட்சம் என்ற அளவில் மொத்த முதலீடு செய்தால், 30 ஆண்டுகளுக்கு பிறகு, முதுமை காலத்தில் அதன் முலம் ரூ.65,000 என்ற அளவில் மாத வருமானத்தைப் பெற்று நிம்மதியாக இருக்கலாம். இளம் வயதில் முதலீடு செய்து, பொறுமையாக அதனை பல ஆண்டுகளாக வளர விட்டால், ஆயிரங்களை கோடிகளாக்குது எளிது தான்.

முறையான திரும்பப் பெறும் திட்டம் (SWP) மூலம் வழக்கமான வருமானம்

பரஸ்பர நிதி மொத்த முதலீடு மற்றும் முறையான திரும்பப் பெறும் திட்டம் (SWP) மூலம் ஓய்வு காலத்தில் வளமான வாழ்க்கையை பெறலாம். முதலில், கோடிகளில் கார்பஸை உருவாக்க மியூச்சுவல் ஃபண்ட் திட்டத்தில் மொத்த முதலீடு செய்ய வேண்டும். கூட்டு வட்டி வருமானத்தின் பலனாலும், குறைந்த பட்சம் 12% என்ற வருமானத்தினாலும், உங்கள் சிறிய அளவிலான முதலீடும் ஒரு பெரிய கார்பஸாக மாற்றும். சந்தை ஏற்ற இறக்கங்களின் போது, பதற்றப்படாமல் நீங்கள் பொறுமையாக இருந்து உங்கள் முதலீட்டை வளர விட வேண்டும்.

சம்பாதிக்க தொடங்கிய ஆரம்பத்திலேயே ஓய்வூதிய கார்பஸை உருவாக்குவதற்கான உங்கள் முதலீட்டு பயணத்தைத் தொடங்கினால் நீங்கள் அதிக நன்மைகளைப் பெறலாம்.25 அல்லது 30 முற்பகுதியிலோ இதைத் தொடங்குவது அதிக லாபத்தைத் தரும். தனஹ்டு 30வது வயதில் ஒரு முதலீட்டாளர் ரூ.3,99,999 என்ற அளவிலான மொத்த முதலீட்டின் மூலம், 30 ஆண்டுகளில்,12 சதவீத வருடாந்திர வருமானத்தில் ரூ.1,19,83,939 மதிப்பிடப்பட்ட கார்பஸை எவ்வாறு உருவாக்க முடியும். 

ஒரு முதலீட்டாளர் 30 வயதில் முதலீடு செய்தால், 60 வயதிற்குள் ரூ.1,19,83,939 மதிப்பிடப்பட்ட கார்பஸை உருவாக்கலாம். அதே கார்பஸிலிருந்து, அவர்கள் 90 வயது வரை சுமார் ரூ.65,000 க்கும் அதிகமான மாத வருமானத்தை ஈட்டலாம்.

ரூ.3,99,999 முதலீட்டிலிருந்து 30 ஆண்டுகளில் கிடைக்கும் ஓய்வூதிய கார்பஸ்

12 சதவீத வருடாந்திர வருமானத்தில், முதலீட்டிலிருந்து உருவாக்கப்படும் மதிப்பிடப்பட்ட மூலதன ஆதாயங்கள் ரூ.1,15,83,940 ஆகவும், மதிப்பிடப்பட்ட கார்பஸ் ரூ.1,19,83,939 ஆகவும் இருக்கும்.

கார்பஸின் மீதான வருமான வரி

முதலீட்டு காலம் 12 மாதங்களுக்கும் மேலாக இருப்பதால், இந்த மூலதன ஆதாயங்களுக்கு நீண்ட கால மூலதன ஆதாய (LTCG) வரி பொருந்தும். முதலீட்டாளருக்கு மதிப்பிடப்பட்ட மூலதன ஆதாயங்களில் ரூ.1,25,000 விலக்கு கிடைக்கும். அதன் பிறகு, கிடைக்கும் மூலதன ஆதாயங்களுக்கு 12.5 சதவீத விகிதத்தில் வரி விதிக்கப்படும்.

முதலீடு: ரூ.3,99,999

மதிப்பிடப்பட்ட மூலதன ஆதாயங்கள்: ரூ.1,15,83,940

மதிப்பிடப்பட்ட கார்பஸ்- ரூ.1,19,83,939

ரூ.1,25,000 விலக்குக்குப் பிறகு கிடைக்கும் லாபம்- ரூ.1,14,58,940

மீதமுள்ள மூலதன ஆதாயங்களுக்கு மதிப்பிடப்பட்ட வரி (12.5%)- ரூ.14,32,367.5

வரிக்குப் பிந்தைய மதிப்பிடப்பட்ட கார்பஸ்- ரூ.1,01,51.572.5

ஓய்வூதியத் திட்டமிடலுக்கான SWP

SWP என்பது பரஸ்பர நிதி முதலீட்டிலிருந்து அவ்வப்போது தொகைகளைத் திரும்பப் பெறுவதற்கான ஒரு முறையாகும்.
ஓய்வூதிய நிதியை திரும்பப் பெறுவதற்கு இந்த செயல்முறை பெரும்பாலும் பயன்படுத்தப்படுகிறது. SWP திட்டத்தில், ஒரு முதலீட்டாளர் ஒரு பரஸ்பர நிதியில் ஒரு தொகையை முதலீடு செய்து, ஒரு நிலையான தொகையின் நிகர சொத்து மதிப்பை (NAVs) விற்று முதலீட்டாளர் கணக்கில் டெபாசிட் செய்ய நிதி நிறுவனத்திற்கு அறிவுறுத்துகிறார்.

மாதாந்திர ஓய்வூதியத்திற்கான SWP முதலீடு

மதிப்பிடப்பட்ட SWP முதலீட்டுத் தொகை ரூ.1,01,51.572.5 ஆக இருக்கும். ஓய்வூதியத்டீற்கான் அகார்பஸ் என்பதால், இதனை கடன் நிதியில் முதலீடு செய்வது பாதுகாப்பானதாக இருக்கும். இதில் வருடாந்திர வருமானம் குறைந்த பட்சம் 7 சதவீதமாக இருக்கும்.

SWP முதலீட்டிலிருந்து மாதாந்திர வருமானம்

சுமார் 7 சதவீத வருடாந்திர வருமானத்தில், ரூ.65000 என்ற அளவிலான மாத வருமானத்தைப் பெறலாம். 30 வருடங்களுக்கு தொடர்ந்து பணத்தை எடுத்தும் கூட ரூ.12,61,936 என்ற அளவில் உங்களிடம் மீதம் இருக்கும். உங்கள் மாத வருமானத்தை சிறிது குறைத்துக் கொண்டால், இன்னும் கூடுதலாக 10 வருடம் கூட பணத்தை எடுக்கலாம்.

SWP முதலீட்டுத் தொகை - ரூ.1,01,51.572.5

வருவாய் விகிதம் - 7 சதவீதம்

மதிப்பிடப்பட்ட மாதாந்திர ஓய்வூதியம் - ரூ.65,000

30 ஆண்டுகளில் மதிப்பிடப்பட்ட திரும்பப் பெறப்படும் மொத்த தொகை - ரூ.2,34,00,000

மதிப்பிடப்பட்ட இருப்பு - ரூ.12,61,936

மேலும் படிக்க | கனரா வங்கி, எஸ்பிஐ, எச்டிஎப்சி மற்றும் ஐசிஐசிஐ வங்கிகளின் மினிமம் பேலன்ஸ் எவ்வளவு இருக்க வேண்டும்?

மேலும் படிக்க | SIP Mutual Fund: கூட்டு வட்டி வருமானத்தின் பலனால்... ரூ.10,000 முதலீட்டிலும் லட்சாதிபதியாகலாம்

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ