 "மாதம் ரூ.12,000, அரசு போக்குவரத்து கழகத்தில் தொழில் பழகுநர் பயிற்சி - முக்கிய அறிவிப்பு")
TN Govt Apprenticeship: தமிழ்நாடு அரசு போக்குவரத்து கழகத்தில் மாதாந்திர உதவித் தொகையுடன் தொழில் பழகுநர் பயிற்சி பெற தகுதியானவர்கள் விண்ணப்பிக்கலாம். இது தொடர்பாக கள்ளக்குறிச்சி மாவட்ட நிர்வாகம் அறிவிப்பு வெளியிட்டுள்ளது. அதில், கள்ளக்குறிச்சி மாவட்டத்தில் மாவட்ட அளவிலான தொழிற்பழகுநர் பயிற்சி சேர்க்கை முகாம் 11.08.2025 அன்று நடைபெறவுள்ளது என தெரிவிக்கப்பட்டுள்ளது.
தேசிய தொழிற்பழகுநர் பயிற்சி அபிவிருத்தி திட்டத்தின் கீழ் தொழிற்பழகுநராக சேர்க்கை செய்திட மாவட்ட அளவிலான தொழிற்பழகுநர் பயிற்சி சேர்க்கை முகாம், கள்ளக்குறிச்சி மாவட்டத்திலுள்ள சங்கராபுரம் அரசு தொழிற்பயிற்சி நிலையத்தில் 11.08.2025 திங்கள் கிழமை காலை 9.00 மணி முதல் 4.00 மணி வரை நடைபெறவுள்ளது.
இம்முகாமில், கள்ளக்குறிச்சி மாவட்டத்தில் உள்ள தமிழ்நாடு அரசு போக்குவரத்துக் கழகம், (TNSTC) போன்ற அரசு பொதுத்துறை நிறுவனங்கள், TNEB, சர்க்கரை உற்பத்தி நிறுவனங்கள் மற்றும் சிறு, குறு மற்றும் நடுத்தர தொழில் முன்னனி நிறுவனங்கள் ஒரே இடத்தில் கலந்து கொண்டு தொழிற்பழகுநர் பயிற்சிக்கு ஆயிரத்திற்கும் மேற்பட்ட இடங்களை நிரப்ப உள்ளனர்.
என்சிவிடி (NCVT) மற்றும் நேரடியாக தொழிற்சாலைகளில் பிரஸ்ஸர் அப்ரண்டிஸ்ஸாக சேர்ந்து 3 முதல் 6 மாத கால அடிப்படை பயிற்சியும், ஓராண்டு முதல் இரண்டு ஆண்டுகள் வரை அப்ரண்டிஸ் பயிற்சியும் பெற்று தேசிய தொழிற்பழகுநர் சான்றிதழ் பெறலாம். இப்பயிற்சிக்கு மாதாந்திர உதவித்தொகை ரூ.8,500 முதல் ரூ.12,000 வரை நிறுவனத்தால் வழங்கப்படும். எனவே இந்த அரிய வாய்ப்பினை பயன்படுத்திக்கொள்ள வேண்டும்.
மேலும் விவரங்களுக்கு உதவி இயக்குநர், மாவட்ட திறன் பயிற்சி அலுவலகம், விழுப்புரம் மற்றும் கள்ளக்குறிச்சி, 04146-294989 என்ற தொலைபேசி எண்ணிலும் மற்றும் மண்டல பயிற்சி இணை இயக்குநர், விழுப்புரம், 04146-290673 என்ற தொலைபேசி எண்ணிலும் தொடர்பு கொண்டு பயன்பெற வேண்டும் என கேட்டுக்கொள்ளப்பட்டுள்ளது.
தேசிய தொழில் பழகுநர் பயிற்சி நடக்கும் விவரம்
தேசிய தொழில் பழகுநர் பயிற்சி நடக்கும் இடம் - சங்கராபுரம் அரசு தொழிற்பயிற்சி நிலையம், கள்ளக்குறிச்சி
நடக்கும் தேதி - 11.08.2025 திங்கள் கிழமை
நேரம் - காலை 9.00 மணி முதல் 4.00 மணி வரை
பயிற்சி காலம் - 3 முதல் 6 மாத காலம் அடிப்படை பயிற்சி, ஓராண்டு முதல் இரண்டு ஆண்டுகள் வரை அப்ரண்டிஸ் பயிற்சி
மாதாந்திர உதவித்தொகை ரூ.8,500 முதல் ரூ.12,000 வரை
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)