 "UPS vs NPS vs OPS: எதில் அதிக மாத ஓய்வூதியம், குடும்ப ஓய்வூதியம் கிடைக்கும்? கணக்கீடு இதோ")
UPS vs NPS vs OPS: ஏப்ரல் 1 முதல் மத்திய அரசு ஓய்வூதியதாரர்களுக்கு ஒருங்கிணைந்த ஓய்வூதியத் திட்டம் அமலுக்கு வந்துள்ளது. ஓய்வூதியம் என்பது மாநில மற்றும் மத்திய அரசு ஊழியர்களுக்கான உரிமை. ஊழியர்கள் தங்கள் ஓய்வூதியத்தை பழைய ஓய்வூதியத் திட்டம் (OPS) அல்லது தேசிய ஓய்வூதிய முறை (NPS) மூலம் பெறுகிறார்கள். இப்போது இதனுடன் ஒருங்கிணைந்த ஓய்வூதியத் திட்டமும் சேர்க்கப்பட்டுள்ளது.
Central Government Employees: மத்திய அரசு ஊழியர்களுக்கான ஊதியம்
இவற்றின் கீழ் கிடைக்கும் தொகைகள் மாறுபடக்கூடும். ஓய்வூதியதாரர்களின் மாதாந்திர செலவுகள் இந்தத் தொகையை பெரிய அளவில் சார்ந்து இருக்கின்றன. ஏப்ரல் 1, 2025 முதல், மத்திய அரசு ஊழியர்களுக்கு ஒருங்கிணைந்த ஓய்வூதியத் திட்டத்தை (UPS) தேர்வு செய்யும் வசதி அளிக்கப்பட்டுள்ளது.
பழைய ஓய்வூதியத் திட்டம், தேசிய ஓய்வூதிய அமைப்பு மற்றும் ஒருங்கிணைந்த ஓய்வூதியத் திட்டம் ஆகிவற்றுக்கு இடையில் உள்ள வேறுபாடுகள் என்ன? பணி ஓய்வின் போது சராசரியாக ரூ.94,000 அடிப்படை ஊதியம் மற்றும் 29 ஆண்டுகள் சேவைகாலம் உள்ள ஒரு ஊழியர் எந்த ஓய்வூதிய முறையில் அதிக ஓய்வூதியம் பெற முடியும்? இதற்கான கணக்கிட்டை இங்கே காணலாம்.
Old Pension Scheme: பழைய ஓய்வூதியத் திட்டம் (OPS)
இதுதான் தற்போதுள்ள பழமையான ஓய்வூதிய முறை. ஜனவரி 1, 2004 க்கு முன்பு பணியில் சேர்ந்த பல மாநில அரசு ஊழியர்கள் மற்றும் மத்திய அரசு ஊழியர்களுக்கு இது இன்னும் கிடைக்கிறது. OPS ஓய்வூதியத்திற்குத் தகுதி பெற ஊழியர் குறைந்தபட்சம் 10 ஆண்டுகள் சேவையை முடிக்க வேண்டும். இந்த ஓய்வூதியத்தைப் பெற ஊழியர்கள் எந்த ஓய்வூதிய நிதியிலும் பங்களிக்க வேண்டியதில்லை.
ஓய்வூதியத் தொகையானது கடைசியாக பணிபுரிந்த 10 மாத ஊதியங்களின் சராசரி (அடிப்படை சம்பளம் மற்றும் அகவிலைப்படி) கூட்டுத்தொகை அல்லது கடைசி பணி மாத அடிப்படை ஊதியம் மற்றும் அகவிலைப்படி ஆகியவற்றின் கூட்டுத்தொகை, எது அதிகமோ அதைப் பொறுத்தது. இந்த முறையில் குடும்ப ஓய்வூதியமும் வழங்கப்படுகின்றது.
New Pension System: புதிய ஓய்வூதிய முறை (NPS)
ஓய்வூதிய நிதிக்கு எந்த பங்களிப்பும் செய்யாமல் ஓய்வூதியதாரர் மாதாந்திர ஓய்வூதியத்தைப் பெறும் OPS போலல்லாமல், NPS ஓய்வூதியம் ஊழியரின் NPS கணக்கில் செய்யப்படும் பங்களிப்புகள் மூலம் உருவாக்கப்படுகிறது.
ஊழியரும் அரசாங்கமும் ஊழியரின் NPS கணக்கில் பங்களிப்புகளைச் செய்கின்றன. அரசாங்கத்தின் பங்களிப்பு அதிகபட்சம் 14 சதவீதமாகவும், ஊழியரின் பங்களிப்பு குறைந்தபட்சம் 10 சதவீதமாகவும் இருக்கும். ஊழியர் 60 வயதில் தங்கள் நிதியில் 60 சதவீதம் வரை திரும்பப் பெறலாம், மீதமுள்ள 40 சதவீதத்திலிருந்து, மாதாந்திர ஓய்வூதியத்தைப் பெற அவர்கள் ஒரு வருடாந்திர திட்டத்தை வாங்க வேண்டும். கார்பஸ் மற்றும் ஓய்வூதியத் தொகை NPS முதலீட்டு செயல்திறனைப் பொறுத்தது.
Unified Pension Scheme: ஒருங்கிணைந்த ஓய்வூதியத் திட்டம்
இது NPS மற்றும் OPS ஆகியவற்றின் கலவையாகும். குறைந்தபட்சம் 10 வருட சேவையை முடித்தவர்களுக்கு UPS குறைந்தபட்சம் ரூ.10,000 ஓய்வூதியத்தை வழங்குகிறது. அதிகபட்ச ஓய்வூதியம் அடிப்படை ஊதியம் மற்றும் அகவிலைப்படியில் 50 சதவீதம் ஆகும்.
உறுதி செய்யப்பட்ட ஓய்வூதியம் கடந்த 12 மாத சராசரி அடிப்படை ஊதியம் மற்றும் அகவிலைப்படியின் அடிப்படையில் நிர்ணயிக்கப்படுகிறது. ஊழியரின் UPS கணக்கில் அரசாங்கத்தின் பங்களிப்பு 18.5 சதவீதம் ஆகும். ஊழியரின் குறைந்தபட்ச பங்களிப்பு 10 சதவீதம். UPS முதலீடுகள் சிறப்பாகச் செயல்பட்டால் ஓய்வூதியம் உறுதி செய்யப்பட்ட ஓய்வூதியத்தை விட அதிகமாக கிடைக்கலாம். UPS கணக்கு வைத்திருப்பவருக்கு ஓய்வு பெறும்போது ஒரு பெரிய மொத்தத் தொகையும் கிடைக்கும். இதில் குடும்ப ஓய்வூதியமும் கிடைக்கிறது.
Pension Calculator:
OPS: ரூ.94,000 அடிப்படை ஊதியம் மற்றும் 29 ஆண்டுகள் சேவையில் கிடைக்கும் ஓய்வூதியம் (53 சதவீத அகவிலைப்படி விகிதத்தில் கணக்கிடப்பட்டுள்ளது)
ஓய்வூதியம்: ரூ.71,910
OPS: ரூ.94,000 அடிப்படை ஊதியம் மற்றும் 29 ஆண்டுகள் சேவைக் காலத்திற்கான குடும்ப ஓய்வூதியம்
குடும்ப ஓய்வூதியம்: ரூ.43,146
UPS: ரூ.94,000 அடிப்படை ஊதியம் மற்றும் 29 ஆண்டுகள் சேவைக் காலத்திற்கான ஓய்வூதியம்
ஓய்வூதியம்: ரூ.71,910
UPS: ரூ.94,000 அடிப்படை ஊதியம் மற்றும் 29 ஆண்டுகள் சேவைக் காலத்திற்கான மொத்த தொகை
மொத்த தொகை: ரூ.8,34,156
UPS: ரூ.94,000 அடிப்படை ஊதியம் மற்றும் 29 ஆண்டுகள் சேவைக் காலத்திற்கான குடும்ப ஓய்வூதியம்
குடும்ப ஓய்வூதியம்: ரூ.43,146
NPS: ரூ.94,000 அடிப்படை ஊதியம் மற்றும் 29 ஆண்டுகள் சேவைக் காலத்திற்கான ஓய்வூதியம்
என்பிஎஸ் ஓய்வூதியம் பங்களிப்பைப் பொறுத்தது. இது கடைசியாகப் பெற்ற அடிப்படை ஊதியம் மற்றும் சேவைக் காலத்திற்கான ஓய்வூதியத்தைப் பொறுத்தது அல்ல.
எனினும், ஒரு நபர் மாதந்தோறும் ரூ.5,000 NPS பங்களிப்பில் தொடங்கி ஒவ்வொரு ஆண்டும் தனது தொகையை 5 சதவீதம் அதிகரிப்பதாகக் கருதும் ஒரு சூழ்நிலையை உருவாக்குவோம். அவர்களது மதிப்பிடப்பட்ட கார்பஸ் என்னவாக இருக்கும்? அவர்களின் மதிப்பிடப்பட்ட மாதாந்திர ஓய்வூதியம் என்னவாக இருக்கும்?
NPS முதலீட்டிலிருந்து மதிப்பிடப்பட்ட வருமானம் 9.18 சதவீதம், மற்றும் வருடாந்திர வருமானம் 6.75 சதவீதம்.
29 ஆண்டுகளில் மொத்த மதிப்பிடப்பட்ட கார்பஸ் ரூ.1,30,35,099.
இந்த கார்பஸிலிருந்து அவர்கள் பெறக்கூடிய அதிகபட்ச மதிப்பிடப்பட்ட மாதாந்திர ஓய்வூதியம் ரூ.73,322 ஆக இருக்கும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)