Unified Pension Scheme: மத்திய அரசு ஊழியர்களுக்கான ஒருங்கிணைந்த ஓய்வூதியத் திட்டம் (UPS) ஏப்ரல் 1, 2025 முதல் செயல்படுத்தப்பட உள்ளது. இந்தத் திட்டம் தேசிய ஓய்வூதிய முறையின் (NPS) கீழ் அறிமுகப்படுத்தப்பட்டுள்ளது. NPS திட்டத்தில் சேர்க்கப்பட்டுள்ள, ஆனால் ஓய்வு பெறும்போது உறுதியான ஓய்வூதியம் பெற விரும்பக்கூடிய ஊழியர்களுக்கு இந்த புதிய ஓய்வூதியத் திட்டத்திற்கான வசதி கிடைக்கும்.
Dearness Relief: ஓய்வூதியதாரர்களுக்கு அகவிலை நிவாரணமும் கிடைக்கும்
UPS இன் கீழ் உறுதியான ஓய்வூதியம் பணவீக்க-குறியிடப்பட்டதாக இருக்கும் என நிதி அமைச்சகம் தெரிவித்துள்ளது. மேலும், இது தொழில்துறை தொழிலாளர்களுக்கான அகில இந்திய நுகர்வோர் விலைக் குறியீட்டின் அடிப்படையில் அகவிலை நிவாரணத்தையும் வழங்கும்.
"உறுதிப்படுத்தப்பட்ட ஊதியம் மற்றும் குடும்ப ஊதியத்தில் அகவிலை நிவாரணம் கிடைக்கும். இது அந்தந்த சந்தர்ப்பத்தைப் பொறுத்து. சேவை செய்யும் ஊழியர்களுக்குப் பொருந்தும் அகவிலை உதவித்தொகையைப் போலவே அகவிலை நிவாரணமும் செயல்படுத்தப்படும். அகவிலை நிவாரணம் ஓய்வூதியம் செலுத்தப்படத் தொடங்கும் போதே செலுத்தப்படும்" என்று ஜனவரி 24, 2025 தேதியிட்ட அதிகாரப்பூர்வ UPS அறிவிப்பு கூறுகிறது.
UPS: முக்கிய அம்சங்கள் என்ன?
நிதி அமைச்சகத்தின் இணை அமைச்சர் பங்கஜ் சவுத்ரி நாடாளுமன்றத்தில் பல கேள்விகளுக்கு எழுதிய எழுத்துப்பூர்வ பதில்களில் UPS இன் சில முக்கிய அம்சங்கள் பற்றி குறிப்பிடப்பட்டுள்ளது. அவற்றை பற்றி இங்கே காணலாம்:
- குறைந்தபட்சம் 25 ஆண்டுகள் பணிபுரிந்துள்ள ஊழியர்களுக்கு, முந்தைய 12 மாதங்களில் பெறப்பட்ட சராசரி அடிப்படை ஊதியத்தில் 50% என்ற விகிதத்தில் உறுதியளிக்கப்பட்ட ஓய்வூதியம் கிடைக்கும். யுபிஎஸ் ஓய்வூதியம் பெற குறைந்தபட்சம் 10 ஆண்டுகள் சேவை புரிந்திருக்க வேண்டும். 25 ஆண்டுகளுக்கு குறைவாக பணிபுரிந்துள்ளவர்களுக்கு விகிதாசார அடிப்படையில் ஓய்வூதியம் அளிக்கப்படும்.
- பணியாளர் இறந்தால், அவர் இறப்பதற்கு முன் பெற்ற ஓய்வூதியத்தில் 60% என்ற விகிதத்தில் அவரது வாழ்க்கைத் துணைக்கு உறுதியளிக்கப்பட்ட குடும்ப ஊதியம் கிடைக்கும்.
- குறைந்தபட்சம் 10 வருட சேவைக்குப் பிறகு மாதத்திற்கு ரூ.10,000 உத்தரவாதமான குறைந்தபட்ச ஊதியம் கிடைக்கும்.
- உறுதி செய்யப்பட்ட ஊதியம், உறுதி செய்யப்பட்ட குடும்ப ஊதியம் மற்றும் உறுதி செய்யப்பட்ட குறைந்தபட்ச ஊதியத்தில் பணவீக்க குறியீட்டு முறை.
- பணியாற்றும் ஊழியர்களைப் பொறுத்தவரை, தொழில்துறை தொழிலாளர்களுக்கான அகில இந்திய நுகர்வோர் விலைக் குறியீட்டின் (AICPI-IW) அடிப்படையில் அகவிலை நிவாரணம் அளிக்கப்படும்.
- ஓய்வுபெறும் போது பணிக்கொடையுடன் மொத்தத்தொகையும் கிடைக்கும். ஒவ்வொரு ஆறு மாத சேவைக்கும் பணி ஓய்வு தேதியின்படி மாதாந்திர ஊதியத்தில் (ஊதியம்+DA) 1/10 பங்கு விகிதத்தில் இந்த மொத்தத் தொகை கணக்கிடப்படும். இந்த கட்டணம் உறுதி செய்யப்பட்ட ஊதியத்தின் அளவைக் குறைக்காது.
- மத்திய சிவில் சேவைகள் (தேசிய ஓய்வூதிய முறையின் கீழ் பணிக்கொடை செலுத்துதல்) விதிகள், 2021 இன் அடிப்படையில் பணிக்கொடை செலுத்தப்படுகிறது.
- தன்னார்வ ஓய்வூதியம் ஏற்பட்டால் உறுதி செய்யப்பட்ட ஊதியங்கள் தொடங்கும் தேதி, சேவை காலம் பணிக்கொடை ஓய்வு வரை தொடர்ந்திருந்தால், அந்த ஊழியர் பணிக்கொடை பெற்றிருக்க வேண்டிய தேதியிலிருந்து இருக்கும்.
தற்போது NPS திட்டத்தில் உள்ள மத்திய அரசு ஊழியர்களுக்கு NPS இன் கீழ் UPS ஒரு விருப்பமாக கிடைக்கும். இது ஏப்ரல் 1, 2025 முதல் அமலுக்கு வரும்.
மேலும் படிக்க | SIP Mutual Fund: ஆயிரங்களை லட்சங்களாக்குவது எளிது... பெண்களே நோட் பண்ணுங்க
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
Sripriya Sambathkumar
Sripriya Sambath is the Chief Sub Editor at Zee Tamil, with over 5 years of experience in journalism. She specialises in writing stories on business, personal finance and has covered wide range of topics including Union Budgets, Central Government Employees, Pay Commissions, Government policies, pension schemes, pensioners, stock markets, income tax, banking, economy, agriculture and International affairs.
She values the interests and needs of her readers and considers her writing as a medium of connecting with readers and feels responsible to deliver news, views and analysis for them on time, everytime. For her, having a natural and loyal connect with her audience is of prime importance. Outside of work, she loves books, travel and intellectual conversations.
...Read More
