ஜூலை 23 ஆம் தேதி நிதி அமைச்சர் நிர்மலா சீதாராமன் இந்த நிதியாண்டுக்கான பட்ஜெட்டை தாக்கல் செய்வார்.
இந்த பட்ஜெட் குறித்து பலதரப்பட்ட மக்களுக்கு உள்ள முக்கிய எதிர்பார்ப்புகள் பற்றி இங்கே காணலாம்.
புதிய வரி விதிப்பின் கீழ் கிடைக்கும் ரூ.50,000 நிலையான விலக்கு வரம்பை ரூ.75,000 ஆக உயர்த்துவது குறித்து அரசு பரிசீலித்து வருகிறது.
வருமான வரிச் சட்டம், 1961 இன் பிரிவு 80C இன் கீழ் வரி விலக்கு வரம்பை ஆண்டுக்கு ரூ. 1.5 லட்சத்திலிருந்து ஆண்டுக்கு குறைந்தபட்சம் ரூ.2 லட்சமாக உயர்த்த வேண்டும் என கோரிக்கை உள்ளது.
மத்திய அரசு ஊழியர்கள், 8வது ஊதியக்குழு, டிஏ அரியர், டிஏ உயர்வு, பழைய ஓய்வூதியத் திட்டத்தை மீண்டும் கொண்டு வருவது உட்பட 6 கோரிக்கைகளை முன்வைத்துள்ளனர்.
PM KISAN திட்டத்தின் மூலம் விவசாயிகளுக்கு அளிக்கப்படும் உதவித்தொகை ரூ.6000 -இலிருந்து ரூ.12,000 ஆக அதிகரிக்கப்படும் என கூறப்படுகின்றது.
அடல் ஓய்வூதியத் திட்டத்தின் அதிகபட்ச தொகையை ரூ.5,000 -இலிருந்து அரசு ரூ.10,000 ஆக அதிகரிக்கலாம்.
கொரோனா தொற்றுக்கு முன்னர் மூத்த குடிமக்களுக்கு ரயில் டிக்கெட் கட்டணத்தில் சலுகை அளிக்கப்பட்டு வந்தது. அதை இந்த பட்ஜெட்டில் அரசு மீண்டும் கொண்டு வரக்கூடும் என நம்பப்படுகின்றது,
வருமான வரிச் சட்டத்தின் பிரிவு 24 -இன் கீழ் வீட்டுக்கடனுக்கான வரி விலக்கு 2 லட்சம் ரூபாயிலிருந்து 5 லட்சம் ரூபாயாக அதிகரிக்கப்பட வேண்டும் என்று கோரிக்கை விடுக்கப்பட்டுள்ளது.