உலக கேம்கள் எல்லாம் இந்தியாவில் களமிறங்கப்போகுது! ஏன் தெரியுமா?

ரோபஸ்ட் ஃபண்டமெண்டல் டூ பவர் கன்டினியூட் குரோத்” (Robust Fundamentals to Power Continued Growth) என்ற தலைப்பில் சமீபத்திய அறிக்கையானது உலகளாவிய கேமிங் அரங்கில் இந்தியாவை தற்போதைய சாம்பியனாக வெளிப்படுத்தியுள்ளது.

2023 ஆம் ஆண்டில் 568 மில்லியன் கேமர்கள் மற்றும் 9.5 பில்லியனுக்கும் அதிகமான கேமிங் ஆப் பதிவிறக்கங்களுடன், இந்தியா உலகளவில் மிகப்பெரிய கேமிங் சந்தையாக மாறியிருக்கிறது.

மொபைல் கேமிங் சந்தையில் 90% பங்களிப்பு செய்வதால், மொபைல் கேம் பதிவிறக்கங்களின் அடிப்படையில் அமெரிக்கா மற்றும் சீனா போன்ற கேமிங் ஜாம்பவான்களை இந்தியா மிஞ்சிகிறது. இது உலகின் மொத்தத்தில் சுமார் 20 சதவீதம் ஆகும்.

உள்ளூர் மொழிகள் மூலம், கேமிங் தளங்கள் அறிமுகப்படுத்துவதால் கிராமப்புறங்களில் தங்கள் லிமிட்டை வெற்றிகரமாக விரிவுபடுத்தியுள்ளன.

மேலும், இந்தியாவில் கேமிங் மக்கள்தொகையில் சுமார் 40% பெண்களைக் கொண்டுள்ளது என்று அறிக்கை தெரியப்படுத்துகிறது. மக்கள்தொகையில் குறிப்பிடத்தக்க மாற்றத்தை அறிக்கை எடுத்துக்காட்டுகிறது.

பெண் விளையாட்டாளர்களின் இந்த எழுச்சி, சாதாரண மற்றும் ஹைபர்கேஷுவல் கேமிங் அனுபவங்களுக்கான ஆர்வத்தை வெளிப்படுத்துகிறது என்றும் கூறலாம்.

மூன்று ஆண்டுகளுக்கு முன்பு, இந்தியாவில் ஐந்து கேமிங் விளையாட்டாளர்களில் ஒருவர் மட்டுமே பெண் மட்டுமே. இந்தியாவில் உள்ள கேமிங் மக்கள் தொகையில் சுமார் 20% பேர் பணம் செலுத்தும் பயனர்கள் என்ற விவரம் வெளியாகி உள்ளது.

இந்திய விளையாட்டாளர்களின் வளரும் விருப்பங்களையும், செலவுப் பழக்கத்தையும் பிரதிபலிக்கிறது. உலகளாவிய கேமிங் அதிகார மையமாக, சந்தையாக இந்தியா முன்னேறி வருவதை இந்த அறிக்கை உறுதி செய்கிறது.

கேமிங் புரட்சியின் முன்னணியில் இந்தியா நிற்கிறது. வரும் ஆண்டுகளில் தொடர்ச்சியான வளர்ச்சி மற்றும் விரிவாக்கத்திற்கு தயாராக உள்ளது.