பணி ஒய்வுக்காக திட்டமிடும் நபராக நீங்கள் இருந்து, நீண்ட கால முதலீட்டில் நல்ல வருமானம் பெற விரும்பினால், பொது வருங்கால வைப்பு நிதி உங்களுக்கு ஏற்றதாக இருக்கும்.
பிபிஎஃப் -இல் டெபாசிட் செய்யப்படும் தொகை மற்றும் மெச்யூரிட்டியில் கிடைக்கும் வட்டி என அனைத்துக்கும் வரி விலக்கும் உண்டு.
இதில், நீங்கள் ஒவ்வொரு ஆண்டும் ரூ.500 முதல் ரூ.1.5 லட்சம் வரை முதலீடு செய்யலாம், அதற்கு 7.1% வட்டி விகிதத்தில் கிடைக்கும், இது ஒவ்வொரு 3 மாதங்களுக்கும் திருத்தப்படும்.
பொது வருங்கால வைப்பு நிதியின் வட்டி மற்றும் முதிர்வு காலம் 15 ஆண்டுகள். 15 ஆண்டுகளுக்குப் பிறகு, இதை 5 ஆண்டுகள் நீட்டிக்க முடியும்.
தபால் நிலையங்கள் மற்றும் பல தனியார் வங்கிகள் PPF கணக்கின் வசதியை வழங்குகின்றன. நீங்கள் ஆன்லைன் நெட் பேங்கிங் தளம் அல்லது வங்கி செயலி மூலமும் PPF கணக்கைத் திறக்கலாம்.
முதலில் நெட் பேங்கிங் செயலி அல்லது அதிகாரப்பூர்வ இணையதளத்திற்கு சென்று பிபிஎஃப் கணக்கிற்கான லிங்கில் கிளிக் செய்யவும்
இதில் லாக் இன் செய்து தனிப்பட்ட விவரங்கள், நாமினி விவரங்கள் மற்றும் வங்கி விவரங்களை உள்ளிட்டு வெரிஃபை செய்யவும்.
அடுத்ததாக ஒவ்வொரு மாதமும் முதலீடு செய்யவுள்ள முதலீட்டு தொகையை தேர்ந்தெடுக்கவும்.
சில வங்கிகளில் ஓடிபி, ட்ரான்ஸாக்ஷன் பாஸ்வர்ட், ட்ரான்ஸாக்ஷன் வெரிஃபிகேஷன் ஆகியவற்றுக்கான ஆப்ஷனும் இருக்கும். இவற்றை பூர்த்திசெய்தால் பிபிஎஃப் கணக்கு திறக்கப்படும்.