குடும்ப தலைவிகள் தங்களுக்கெனவும், குழந்தைகளுக்காகவும் ஒரு சிறு பகுதியை இன்று சேமித்து வைத்தால் எதிர்கால வாழ்க்கை வளமடையும்.
பெண்களுக்கென மத்திய அரசு மற்றும் வங்கிகள் தரும் சிறப்பான சிறு சேமிப்பு திட்டங்கள் குறித்த விபரங்களை அறிந்து கொள்ளலாம்.
மத்திய அரசின், பெண்களுக்கான பிரத்தியேக சிறுசேமிப்பு திட்டமான 'மகிளா சம்மான் சேமிப்பு பத்திரம்' திட்டத்தில் அதிகபட்சம் ரூ.2 லட்சம் வரை சேமிக்கலாம்.
மகிளா சம்மான் சேமிப்பு திட்ட முதலீட்டிற்கு 7.5% நிலையான வட்டி கிடைக்கும். மேலும், இதில் முதலீடு செய்த பணத்தில் பகுதியளவு தேவைக்கு எடுக்கும் சலுகையும் உண்டு.
பெண் குழந்தைகளின் எதிர்காலத்துக்கான மத்திய அரசின் செல்வமகள் சேமிப்பு திட்டத்தில், மாதம் குறைந்த பட்சம் ரூ.50 முதலீட்டில் கணக்கை தொடங்கலாம். பெண் குழந்தைகளின் 9 வயதுக்குள் கணக்கை தொடங்கிவிட வேண்டும்.
கணக்கு தொடங்கப்படும் நாளில் இருந்து 15 ஆண்டுகள் பணம் செலுத்த வேண்டும். செல்வமகள் சேமிப்பு திட்டத்துக்கான வட்டி விகிதம் 7.6 % திலிருந்து 8% ஆக உயர்த்தப்பட்டுள்ளது.
இல்லத்தரசிகள் சிறு தொகையை நம்பிக்கையான நகைக்கடைகளில் செலுத்தி குறிப்பிட்ட மாத முடிவில் செய்கூலி, சேதாரமின்றி நகைகளை பெற்றுக்கொள்ளலாம்.
தபால் அலுவலகத்திலும், அனைத்து வங்கிகளிலும் தொடர் வைப்பு கணக்கு (RD) சேமிப்பு திட்டத்தில், 6 மாதம் முதல் 5 ஆண்டுகள் வரை குறைந்த பட்சம் மாதம் 500ரூ முதல் சேமித்து வரலாம்.