 "இதய தமனிகளில் அடைப்பு உள்ளதை உணர்த்தும்... 3 எச்சரிக்கை அறிகுறிகள்... அலட்சியம் செய்யாதீங்க")
இதயத்திற்கு இரத்தத்தை சப்ளை செய்யும் தமனிகளில் அடைப்பு ஏற்படுவது, மருத்துவ மொழியில் கரோனரி தமனி நோய் (CAD) என்று அழைக்கப்படுகிறது. இது இன்றைய காலத்தில் ஒரு பொதுவான பிரச்சனையாக மாறி வருகிறது. இந்த அடைப்பு தமனிகளின் சுவர்களில் கெட்ட கொலஸ்ட்ரால் மற்றும் கொழுப்பு படிவதால் அடைப்பு ஏற்படுகிறது. இது மாரடைப்பு ஏற்பட முக்கிய காரணமாகிறது.
இதயத்திற்கு செல்லும், இரத்த ஓட்டம் பாதிக்கப்படும் போது, இதயத்திற்கு போதுமான ஆக்ஸிஜன் கிடைப்பது தடைபடுகிறது. இதயத்திற்கான இரத்த ஓட்டத்தில் தடை ஏற்பட்டால், பக்கவாதம் மற்றும் மாரடைப்பு ஆபத்து கணிசமாக அதிகரிக்கிறது. எனினும் அறிகுறிகளை சரியான நேரத்தில் கண்டறிந்து சரியான சிகிச்சையை (Health Tips) எடுத்துக் கொண்டால் உயிரழப்புகளை தவிர்க்கலாம்.
இதய தமனிகளில் ஏற்ப்பட்டுள்ள அடைப்பு ஓரளவு அல்லது முழுமையானதாக இருக்கலாம். இரத்த பரிசோதனை, ECG மற்றும் ஆஞ்சியோகிராபி ஆகியவை நோயைப் பற்றிய சரியான தகவல்களை வழங்கினாலும், நாமே எளிதில் அடையாளம் காணக்கூடிய சில அறிகுறிகள் உள்ளன. இவற்றை பற்றி விரிவாக அறிந்து கொள்ளலாம்.
தாடை, கை அல்லது கழுத்துக்கு பரவும் வலி
இதய நோயின் வலி எப்போதும் மார்பில் மட்டும் இருக்காது. இந்த வலி தாடை (குறிப்பாக இடது பக்கம்), இடது கை, தோள்பட்டை, கழுத்து, முதுகு அல்லது மேல் வயிறு வரை பரவக்கூடும். இந்த உறுப்புகளின் நரம்புகள் இதயத்துடன் இணைக்கப்பட்டுள்ளதால் இது நிகழ்கிறது. உங்களுக்கு இதுபோன்ற வலி, குறிப்பாக மார்பு இறுக்கம் அல்லது மூச்சுத் திணறல் இருந்தால், உடனடியாக மருத்துவரைத் தொடர்பு கொள்ளுங்கள்.
மார்பு வலி அல்லது இறுக்கம்
இதயத்தின் நரம்புகளில் அடைப்பு ஏற்படுவதற்கான பொதுவான அறிகுறி மார்பில் வலி அல்லது கனத்தன்மை. இந்த வலி மார்பில் அழுத்தம், இறுக்கம் அல்லது சுமை போன்ற உணர்வு ஏற்படலாம். பொதுவாக இதயம் போதுமான ஆக்ஸிஜனேற்றப்பட்ட இரத்தத்தைப் பெறாதபோது இந்த வலி ஏற்படுகிறது.
மூச்சுத் திணறல் மற்றும் சோர்வு
சிறிய வேலை செய்த நிலையில் கூட மூச்சுத் திணறல் ஏற்பட்டால் அல்லது சாதாரண வேலை செய்த பிறகு கூட சோர்வாக உணர்ந்தால், இது இதய நரம்புகளில் அடைப்பு ஏற்படுவதற்கான அறிகுறியாகவும் இருக்கலாம். இதயத்திற்கு போதுமான இரத்தம் கிடைக்காதபோது இந்த நிலை உண்டாகிறது.
எச்சரிக்கை அவசியம்
சில நேரங்களில் எந்த அறிகுறிகளும் இல்லாமல் இதய நோய் ஏற்படலாம், இது 'silent heart disease' என்று அழைக்கப்படுகிறது. இதுபோன்ற சூழ்நிலையில், திடீர் மாரடைப்பு ஏற்படலாம். குறிப்பாக உங்களுக்கு அதிக இரத்த அழுத்தம், நீரிழிவு நோய், உடல் பருமன், புகைபிடிக்கும் பழக்கம் அல்லது குடும்பத்தில் இதய நோய் வரலாறு இருந்தால், வழக்கமான பரிசோதனைகளை மேற்கொள்வது மிகவும் முக்கியம்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)