 "எச்சரிக்கை... இந்தத் தவறுகள்... நடைப்பயிற்சியை பலன் இல்லாமல் ஆக்கிவிடும்")
வாக்கிங் அல்லது நடைபயிற்சி என்பது, அனைத்து வயதினருக்கும் ஏற்ற மிகச் சிறந்த பயிற்சி. இதயம் ஆரோக்கியம் முதல் மன ஆரோக்கியம் வரை எக்கச்சக்க ஆரோக்கிய நன்மைகளை அள்ளி வழங்கும் மிகச்சிறந்த பயிற்சி. ஆனால், நம்மை அறியாமல் செய்யும் சில தவறுகள் காரணமாக, நடைப்பயிற்சியின் நன்மைகள் கிடைக்காமல் போய்விடும்.
தவறான காலணியை தேர்ந்தெடுத்தல்
நடை பயிற்சி மேற்கொள்ளும் போது நாம் அணியும் காலணி அல்லது ஷூ, பாதம் மற்றும் மூட்டுகளுக்கு அழுத்தம் கொடுக்காத வகையில் இருக்க வேண்டும். தட்டையான அல்லது பழுதான காலணி அல்லது ஷூ அணிவதால், கால்களில் வலி ஏற்படுவதோடு, காலப்போக்கில் மூட்டு வலி ஏற்படும் வாய்ப்புகளும் அதிகரிக்கிறது. இதனால், வாக்கிங்கிற்கு ஏற்ற காலணியை தேர்ந்தெடுத்து (Health Tips) அணிவது அவசியம்
நடைப்பயிற்சி மேற்கொள்ளும் விதம்
நடைப்பயிற்சி மேற்கொள்ளும் போது தலையை குனிந்த படி, அல்லது மிக வேகமாக கைகளை ஆட்டி நடப்பது முதுகெலும்பிற்கு கூடுதல் அழுத்தத்தை கொடுப்பதோடு, உடலுக்கு செல்லும் ஆக்சிஜன் அளவும் குறையும். எனவே முதுகை வளைக்காமல், நேராகப் பார்த்து நடப்பது சிறந்தது. இதனால் சுவாசம் சீராக இருப்பதோடு, உடல் சோர்வும் ஏற்படாமல் இருக்கும். அதோடு ஆர்வம் இல்லாமல் மெதுவாக நடப்பதும், நடப்பதற்கு நடுவே அடிக்கடி ஓய்வெடுப்பதும், பலனை கிடைக்காமல் செய்துவிடும்.
நடைப்பயிற்சி மேற்கொள்வதற்கு முன் செய்யும் பயிற்சிகள்
பிரிஸ்க் வாக்கிங் என்னும் துரித கதியிலான நடைப்பயிற்சி மேற்கொள்வதற்கு முன், உடலுக்கு சுறுசுறுப்பை ஏற்படுத்தும் சில எளிய பயிற்சிகள் அவசியம். முதல் ஐந்து நிமிடத்திற்கு மெதுவாக தொடங்கி பின்னர் வேகமாக நடந்து இறுதியில் வேகத்தை மெதுவாக குறைத்து நிறுத்துவது நல்லது.
நடைப்பயிற்சியை தொடர்ந்து மேற்கொள்ளாமல் இருத்தல்
நடை பயிற்சி தினமும் மேற்கொள்ள வேண்டும். இல்லை என்றால் வாரத்திற்கு ஐந்து அல்லது ஆறு நாட்களாவது செய்ய வேண்டும். நினைத்தபோது மட்டும் வாக்கிங் செல்வதால் பலன் இருக்காது. அதோடு தினமும் குறைந்த பட்சம் 30 நிமிடங்களாவது நடக்க வேண்டும். இல்லை என்றால் பலன் இல்லை.
நடைப்பயிற்சியில் செல்போன் உபயோகித்தல்
நடைப்பயிற்சி செய்யும் போது செல்போனில் பேசுவது அல்லது மெசேஜ் அனுப்புவது ஆகியவை, உங்கள் நடைப்பயிற்சியில் இடையூறுகளை ஏற்படுத்தி, பலனை பெற பெரும் தடையாக இருக்கும். அதோடு கவனம் சிதறுவதால் கீழே விழும் வாய்ப்பு உண்டு. அதற்கு பதிலாக காதில் முறையாக இயர் போன் இணைந்து பாட்டை கேட்டபடி நடக்கலாம்.
சாப்பிட்ட பின் உடனேயே நடப்பது
உணவு உண்டபின் நிதானமாக ஒரு ஐந்து அல்லது பத்து நிமிடம் நடப்பது நல்லது தான். ஆனால் சாப்பிட்ட பின் உடனேயே நடப்பதும், உடனே நீண்ட தூரம் நடப்பதும் நல்லதல்ல. இது செரிமானத்தை பாதிக்கக்கூடும். நன்றாக சாப்பிட்டு இருந்தால், சாப்பிட்ட உடன் நடக்காமல், குறைந்தது 20 நிமிடங்கள் கழித்து நடப்பது நல்லது.
போதுமான அளவு தண்ணீர் குடிக்காமல் இருத்தல்
வாக்கிங் மேற்கொள்ளும் போது, அவ்வப்போது தண்ணீர் குடிப்பது அவசியம். இல்லை என்றால் உடல் வறண்டு போய், தசை வலி, தலைவலி, அதீத சோர்வு ஆகியவை ஏற்படக்கூடும். வாக்கிங் செல்லும் போது உங்களுடன் ஒரு சிறிய பாட்டில் தண்ணீர் எடுத்து செல்வது அவசியம்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)