 "Health Alert! சில பொதுவான புற்றுநோய்களும்... அதன் சில எச்சரிக்கை அறிகுறிகளும்")
)
தலைவலி, சோர்வு அல்லது வயிற்று வலி போன்ற சிறிய பிரச்சினைகள் நம் அன்றாட வழக்கத்தில் பொதுவானவை, ஆனால் இந்த அறிகுறிகள் ஒரு தீவிர நோய் உடலில் இருப்பதற்கான எச்சரிக்கை அறிகுறியாகவும் இருக்கலாம். புற்றுநோய் என்பது சைலண்ட் கில்லர் எனப்படும் மெல்லக் கொல்லும் நோயாகும். பெரும்பாலும் உடலில் எந்த வித அறிகுறியும் இல்லாமல் தீவிரமடையும். பெரும்பாலும், அது கண்டறியப்படும் நேரத்தில், நோய் மிகவும் தீவிரமடைந்திருக்கும். உலக சுகாதார அமைப்பின் (WHO), புற்றுநோய் குறித்து கூறுகையில் மார்பகம், நுரையீரல், பெருங்குடல், புரோஸ்டேட், வயிறு மற்றும் கல்லீரல் போன்ற புற்றுநோய்கள் உலகில் அதிக அளவிலான மக்களை பாதிக்கின்றன என குறிப்பிட்டுள்ளது.
புற்று நோய்களின் ஆரம்ப அறிகுறிகளைக் கண்டறிந்தால், சரியான நேரத்தில் சிகிச்சை சாத்தியமாகும். மேலும் உயிரைக் காப்பாற்ற (Health Tips) முடியும்.
மார்பகப் புற்றுநோய்
பெண்களில் காணப்படும் மிகவும் பொதுவான புற்றுநோய் மார்பக புற்றுநோய், ஆனால் அரிதான சந்தர்ப்பங்களில் ஆண்களுக்கும் ஏற்படலாம்.
அறிகுறிகள்:
1. மார்பகம் அல்லது அக்குள் பகுதியில் கட்டி
2. முலைக்காம்பில் இருந்து கசிவு
3. சருமத்தில் குழி அல்லது சிவத்தல்
4. மார்பகத்தின் அளவு அல்லது வடிவத்தில் மாற்றம்
நுரையீரல் புற்றுநோய்
உலகில் புற்றுநோயால் ஏற்படும் அதிக எண்ணிக்கையிலான இறப்புகளுக்கு இதுவே காரணம்.
அறிகுறிகள்:
1. தொடர்ச்சியான இருமல் அல்லது இரத்தத்துடன் கூடிய இருமல்
2. மார்பு வலி
3. மூச்சுத் திணறல்
4. குரலில் மாற்றம்
5. சோர்வு மற்றும் எடை இழப்பு
பெருங்குடல்/மலக்குடல் புற்றுநோய்
இது பெரிய குடல் அல்லது மலக்குடலில் தொடங்குகிறது. ஆரம்பகால அறிகுறிகளை கண்டறிவதன் மூலம் இதனை தடுக்கலாம்.
அறிகுறிகள்:
1. மலத்தில் இரத்தம்
2. தொடர்ச்சியான வயிற்று வலி அல்லது பிடிப்புகள்
3. எடை இழப்பு
4. நீண்ட வயிற்றுப்போக்கு அல்லது மலச்சிக்கல்
புரோஸ்டேட் புற்றுநோய்
வயதாகும்போது ஆண்களுக்கு ஏற்படும் பொதுவான புற்றுநோயாகும்.
அறிகுறிகள்:
1. சிறுநீர் கழிப்பதில் சிரமம்
2. சிறுநீர் அல்லது விந்துவில் இரத்தம்
3. இடுப்புப் பகுதியில் வலி
4. எலும்பு வலி
வயிற்றுப் புற்றுநோய்
இது வயிற்றின் உட்புறப் புறணியில் ஏற்படுகிறது மற்றும் பெரும்பாலும் தாமதமாகப் கண்டுபிடிக்கப்படுகிறது.
அறிகுறிகள்:
1. சாப்பிட்ட பிறகு கனம் அல்லது வீக்கம்
2. குமட்டல் மற்றும் வாந்தி
3. எடை இழப்பு
4. தொடர்ச்சியான வயிற்று வலி
5. இரத்த வாந்தி அல்லது கருப்பு மலம்
கல்லீரல் புற்றுநோய்
இது பொதுவாக ஹெபடைடிஸ் பி/சி, ஆல்கஹால் அல்லது கொழுப்பு கல்லீரலால் ஏற்படுகிறது.
அறிகுறிகள்:
1. மேல் வயிற்றில் வலி அல்லது வீக்கம்
2. கண்கள் மற்றும் சருமத்தில் மஞ்சள் நிறம் (மஞ்சள் காமாலை)
3. பசியின்மை
4. பலவீனம் மற்றும் அடர் நிற சிறுநீர்
சரியான நேரத்தில் அடையாளம் காணுவது நோயை குணப்படுத்த உதவும்
புற்றுநோய் பெரும்பாலும் உடலில் மெதுவாக பரவுகிறது மற்றும் அறிகுறிகள் தோன்றும் நேரத்தில், அது மிகவும் தீவிர நிலையை அடைந்து விடுகிறது. எனவே, வழக்கமான பரிசோதனைகளை மேற்கொள்வது, உடலில் ஏற்படும் மாற்றங்களுக்கு கவனம் செலுத்துவது மற்றும் சரியான நேரத்தில் சிகிச்சையைத் தொடங்குவது முக்கியம். WHO இன் படி, சரியான நேரத்தில் கண்டறியப்பட்ட புற்றுநோயை சிகிச்சை மூலம் பெருமளவில் குணப்படுத்த முடியும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE MEDIA இந்த தகவல்களுக்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
