Breast Cancer Causes: பல்வேறு தமிழ் திரைப்படங்களிலும், தொடர்களிலும் நடித்து பிரபலமான அங்காடித் தெரு சிந்து இன்று அதிகாலை உயிரிழந்தார். அவர் நீண்ட காலமாக மார்பகப் புற்றுநோயால் கடுமையாக பாதிக்கப்பட்டு வந்தார். அவரின் கடைசி கால நேர்காணல்கள், பேட்டிகள், வீடியோக்கள் அனைத்திலும் அவர் தனது வலியையும், நோயால் ஏற்பட்ட விளைவுகளை மிகுந்த கனத்த மனதுடன் பகிர்ந்து வந்தார். பொருளாதார ரீதியாக பின்தங்கிய தனது குடும்பத்திற்கு ஆதரவு அளிக்கும்படியும் தொடர்ந்து கேட்டு வந்தார். அந்த வகையில், அவரின் உயிரிழப்பு திரையுலகை மட்டுமின்றி பல்வேறு தரப்பையும் ஆழ்ந்த சோகத்திற்கு ஆளாக்கியுள்ளது.
கடந்த பத்தாண்டுகளில் இந்தியப் பெண்களை பாதிக்கும் பொதுவான புற்றுநோயாக மார்பகப் புற்றுநோய் மாறியுள்ளது. குறிப்பாக, இந்தியாவில் ஒவ்வொரு நான்காவது பெண் புற்றுநோயாளிக்கும் மார்பகப் புற்றுநோய் இருக்கும் என்று தரவுகள் தெரிவிக்கின்றன. இந்த புள்ளிவிவரங்கள் ஒவ்வொரு பெண்ணையும் சுயபரிசோதனை செய்து, மார்பகப் புற்றுநோய்க்கு என்ன காரணம் என்றும் அதைத் தடுக்க நாம் என்ன செய்ய வேண்டும் என்ற கேள்வியையும் எழுப்புகின்றன.
இதில், மார்பகப் புற்றுநோய்க்கு காரணமான எந்த ஒரு காரணியும் இல்லை என்பதைப் புரிந்துகொள்வது மிகவும் முக்கியமான ஒன்றாகும். நொய்டாவை ஃபோர்டிஸ் மருத்துவமனையின் புற்றுநோயியல் மருத்துவரான ஷுபம் கர்க், மார்பக புற்றுநோய்க்கு வழிவகுக்கும் ஆபத்து காரணிகள் குறித்து விளக்கியுள்ளார்.
மேலும் படிக்க | மார்பக புற்றுநோயால் பாதிக்கப்பட்ட பிரபல நடிகை..! யாரும் உதவ முன்வராத அவலம்..!
மருத்துவர் கூறுவது என்ன?
அவர்,"புகையிலையை மெல்லுவது தலை மற்றும் கழுத்து புற்றுநோய்க்கு வழிவகுக்கும் என்பதையும் புகைபிடித்தல் நுரையீரல் புற்றுநோயை உண்டாக்கும் என்பதை நீங்கள் அறிந்திருப்பீர்கள் என்று நான் நம்புகிறேன். ஆனால் மார்பகப் புற்றுநோயைப் பொறுத்தவரை, மார்பகப் புற்றுநோயில் இருந்து நம்மைக் காப்பாற்றுவதைத் தவிர்க்க அல்லது தடுக்க பரிந்துரைக்கக்கூடிய ஒரு காரணிக் கூட இல்லை. அப்படிச் சொன்னாலும், மார்பகப் புற்றுநோய் வரும் அபாயத்தை நம்மால் குறைக்க முடியாது என்று அர்த்தமில்லை" என்கிறார். அதுமட்டுமின்றி, மருத்துவர்கள் அறிந்த சில தொடர்புகள் உள்ளன என்றும் பின்வருபவை மார்பக புற்றுநோயின் அபாயத்தைக் குறைக்க உதவும் என்றும் அவர் கூறுகிறார்.
உடல் பருமனை தவிர்க்கவும்
மார்பக புற்றுநோய் பருமனான பெண்களில் அதிகமாக இருப்பதாக புள்ளிவிவரங்கள் தெரிவிக்கின்றன. எனவே, பெண்கள் எடையை கட்டுக்குள் வைத்திருக்க பரிந்துரைக்கப்படுகிறது. உங்கள் உணவுப் பகுதிகள் சிறிய அளவில் இருப்பதையும், சுவைக்காக எல்லை மீறி உணவு உண்ணக்கூடாது என்பதையும் மனதில் வைத்துக்கொள்ளுங்கள்.
சமச்சீரான உணவு
புரதங்கள், கார்போஹைட்ரேட்டுகள் மற்றும் கொழுப்புகளின் ஆரோக்கியமான சமநிலை உணவு இருக்க வேண்டும். அதிக பதப்படுத்தப்பட்ட உணவுகள் இருக்கக்கூடாது. அதிக உப்பு மற்றும் சர்க்கரை உள்ளடக்கம் தவிர்க்கப்பட வேண்டும். பழங்கள் உங்கள் அன்றாட வழக்கத்தின் ஒரு பகுதியாக இருக்க வேண்டும்.
சுறுசுறுப்பான வாழ்க்கை முறை
உங்கள் தினசரி அட்டவணையில் குறைந்தபட்சம் 30 நிமிட உடற்பயிற்சி செய்ய வேண்டும். நீங்கள் தினமும் ஜிம்மிற்கு செல்ல வேண்டும் என்று கூறவில்லை. லிப்ட்டை தவிர்த்து படிக்கட்டுகளில் நடப்பது மற்றும் வாகனத்தை ஓட்டுவதற்குப் பதிலாக சந்தைக்கு விறுவிறுப்பாக நடப்பது ஆகியவை அட்டவணையில் சில பயிற்சிகளை எவ்வாறு சேர்க்கலாம் என்பதற்கான சில எடுத்துக்காட்டுகளாகும்.
தாமதமான கர்ப்பத்தைத் தவிர்க்கவும்
30 வயதிற்குப் பிறகு கர்ப்பமடைதல், மார்பக புற்றுநோயின் அதிக ஆபத்துடன் தொடர்புடையது. எனவே, முடிந்தால், 30 வயதிற்குள் குறைந்தபட்சம் ஒருமுறையாவது கர்ப்பமாக வேண்டும் என்று அறிவுறுத்தப்படுகிறது.
தாய்ப்பால் கொடுங்கள்
தாய்ப்பால் கொடுப்பது மார்பகப் புற்றுநோயில் இருந்து உங்கள் காக்கக்கூடியது என கண்டறியப்பட்டுள்ளது, மேலும் இது குழந்தைக்கும் தாய்க்கும் ஊக்கமளிக்க பரிந்துரைக்கப்படுகிறது.
ஹார்மோன் கையாளுதலைத் தவிர்க்கவும்
உடல் ஹார்மோன்களை அதிகமாகக் கலப்பதும் மார்பகப் புற்றுநோய்க்கு வழிவகுக்கும். கருவுறாமை சிகிச்சை, கருப்பை தூண்டுதல், மாதவிடாய் நின்ற பின் ஹார்மோன் மறுவாழ்வு ஆகியவை மார்பக புற்றுநோயின் அபாயத்தை அதிகரிக்கும் சில விஷயங்கள்.
நினைவில் வைத்து கொள்ளுங்கள், நீங்கள் எப்போதும் மார்பக புற்றுநோயைத் தடுக்க முடியாது, ஆனால் அதை முன்கூட்டியே கண்டறிய முடியும். 45 வயதிற்குப் பிறகு சுய மார்பகப் பரிசோதனை மற்றும் வருடாந்திர மேமோகிராம் ஆகியவை மார்பகப் புற்றுநோயை ஆரம்ப நிலையிலேயே கண்டறியும் சில வழிகள் ஆகும்.
மேலும் படிக்க | இரவில் சாப்பிட்ட பின் தூங்கினால் புற்றுநோய் ஆபத்து அதிகம் - தப்பு பண்ணாதிங்க மக்களே!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
