காலை உணவிற்கு மற்ற உணவுகளை விட அதிக முக்கியத்துவம் உண்டு. காலையில் அன்றைய நாளுக்கான ஆற்றலை அள்ளி வழங்கும் உணவாக தேர்ந்தெடுத்து உண்டால், நாள் முழுவதும் சுறுசுறுப்பாக இருக்கலாம்.
)
காலை உணவிற்கு மற்ற உணவுகளை விட அதிக முக்கியத்துவம் உண்டு. காலையில் அன்றைய நாளுக்கான ஆற்றலை அள்ளி வழங்கும் உணவாக தேர்ந்தெடுத்து உண்டால், நாள் முழுவதும் சுறுசுறுப்பாக இருக்கலாம். அதோடு மெட்டபாலிசம் சிறப்பாக இருக்கவும் காலை உணவு மிகவும் உதவுகிறது. வளர்ச்சிதை மாற்றம் சிறப்பாக இருந்தால் தான், உடல் பருமன் முதல் கொலஸ்ட்ரால், இரத்த சர்க்கரை அளவு வரை அனைத்தையும் கட்டுக்குள் வைக்கலாம்.
நாம் இரவு தூங்கும் போது வளர்ச்சியை மாற்றம் மந்தம் ஆகிறது. காலையில் எழுந்திருக்கும் போது, உடல் அன்றைய ஆற்றல் பெற, தேவையான எரிபொருளை நிரப்ப வேண்டும். அதற்கு சிறந்த காலை உணவு உதவும். காலை உணவை தவிர்ப்பது உடல் ஆரோக்கியத்தில் மிக மோசமான விளைவை ஏற்படுத்தும். இதனால் உடல் எடை குறையும் என்று பலர் நினைக்கின்றனர். அது முற்றிலும் தவறு. காலை உணவை தவிர்ப்பதால் பசி அதிகரித்து, தேவைக்கு அதிகமாக சாப்பிடும் சூழ்நிலை ஏற்படக்கூடும்.
காலை உணவிற்கு ஏற்ற சிறந்த உணவுகள்
ப்ரோபயோடிக் உணவுகள்
உடல் ஆரோக்கியம் சிறப்பாக இருக்க குடல் ஆரோக்கியம் ஆக இருக்க வேண்டும். காலையில் நாம் சாப்பிடும் உணவு, செரிமானத்தை மேம்படுத்தும் நல்ல பாக்டீரியாக்களின் எண்ணிக்கையை மேம்படுத்துவதாக இருக்க வேண்டும். இதற்கு பழைய சாதம் மிகச் சிறந்த தீர்வாக இருக்கும். எண்ணற்ற ப்ரோபயோடிக் பண்புகள் இதில் உள்ளன. அதோட இதில் வைட்டமின் பி12 மற்றும் இரும்புச் சத்தும் அதிகம். இதோடு இதில் தயிர் நறுக்கிய வெங்காயம் வெள்ளரி ஆகியவற்றை சேர்ப்பதால், முழுமையான உணவு தீர்வாக இருக்கும்.
சிறுதானிய உணவுகள்
சிறுதானியங்கள் எண்ணற்ற ஊட்டச்சத்துக்களின் களஞ்சியங்கள். காலையில் கம்பு, கேழ்வரகு போன்றவற்றால் ஆன உணவுகள் சிறந்த தேர்வாக இருக்கும். கம்பு அல்லது கேழ்வரகு தோசை இட்லி, கேப்பை புட்டு, ஆகியவை உடலுக்குத் தேவையான புரதம், இரும்பு சத்து, கால்சியம் உள்ளிட்ட அத்தியாவசிய ஊட்டச்சத்துக்கள் பலவவற்றை அள்ளி வழங்கும் உணவுகளாக இருக்கும்.
முட்டை
புரதத்தின் சிறந்த மூலம் என்பது அனைவரும் அறிந்ததே. இது நீண்ட நேரம் வயிறு நிறைந்த உணர்வை கொடுத்து, உடலை புத்துணர்ச்சியுடன் வைத்துக்கொள்ள உதவுகிறது. மேலும் மூளையின் ஆற்றலை உதவும் குளின் என்ற சத்தும் இதில் நிறைந்துள்ளது குறிப்பிடத்தக்கது. இதில் உள்ள உயர்தர புரதங்கள், உடல் மற்றும் மூளை வளர்ச்சிக்கு பெரிதளவில் உதவுகின்றன.
ஓட்ஸ் உணவுகள்
ஓட உணவுகளும் மிகச் சிறந்த தேர்வாக இருக்கும். பீட்டா குலுக்கல் மற்றும் நார்ச்சத்து நிறைந்த ஓட்ஸ், இதை ஆரோக்கியத்தை மேம்படுத்தி, ரத்த சர்க்கரை அளவை சிறப்பாக கட்டுப்படுத்துகிறது. நீண்ட நேரம் வயிறு நிறைந்த உணர்வை கொடுப்பதால், விக்கிரம் பசி எடுக்காது. நட்ஸ் மற்றும் விதைகள், பழங்கள் ஆகியவற்றை ஊர் கஞ்சியில் கலந்து சாப்பிடுவதால், எல்லாவித ஊட்டச்சத்துக்களையும் பெறலாம். இது தவிர ஓட்ஸ் தோசிய ஓட்ஸ் உப்புமா ஆகியவையும் சிறந்த தேர்வாக இருக்கும்.
காலை உணவில் சாப்பிட கூடாத சில உணவுகள்
மைதா உணவுகள்
வெள்ளை பிரட், பரோட்டா போன்ற மைதா உணவுகளில் இருப்பதெல்லாம் கலோரி மட்டுமே . நார்ச்சத்து அல்லது ஊட்டச்சத்து என்பது மருந்துக்கும் இல்லை. இதனால் உடல் பருமன் கொலஸ்ட்ரால் ஆகியவை அதிகரிப்பதோடு, உடல் ஆரோக்கியமும் பெரிதளவு பாதிக்கப்படும்.
ரெடி டு ஈட் வகை வகை உணவுகள்
பேக்கேஜில் விற்பகப்படும் பதப்பட்டுத்தப்பட்ட உணவுகள் மற்றும் ரெடி டு ஈட் வகை உணவுகளில், இருப்பதெல்லாம் சர்க்கரை மற்றும் பிரசர்வேட்டிவ்கள் மட்டுமே. அவை ஆரோக்கியமானவை என்று கூற இயலாது. இதற்கு பதிலாக வீட்டில் தயாரிக்கப்பட்ட கஞ்சி போன்றவை சிறந்த தேர்வாக இருக்கும்.
பேக் செய்யப்பட்ட பழச்சாறுகள்
பேக் செய்யப்பட்ட பழிச்சாறுகளில், நார்ச்சத்து இருக்காது. அதோடு அதில் இருக்கும் ரசாயனங்களும் சர்க்கரையும் உடல் நலத்தை பெரிதும் பாதிக்கும். பொதுவாக பழத்தை முழுமையாக சாப்பிடுவதே நல்லது. வீட்டில் ஜூஸ் தயாரித்தாலும் அதில் உள்ள நார் சத்தை நாம் இழந்து விடுவோம். எனவே பழங்களை முழுமையாக சாப்பிட முடிந்தவர்கள், ஜூஸாக சாப்பிடுவதை தவிர்ப்பது நல்லது.
(பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
