 "உணவே மருந்து... கொழுப்பு கல்லீரல் 3 மாதங்களில் குணமாகும்... ஆயுர்வேத மருத்துவர் கூறும் டிப்ஸ்")
)
கொழுப்பு கல்லீரல் என்பது கல்லீரலில் அதிகப்படியான கொழுப்பு சேரும் ஒரு ஆபத்தான உடல்நிலை. இன்றைய காலகட்டத்தில் இது மிகவும் பொதுவானதாகிவிட்டது. இந்த நோய் இரண்டு வழிகளில் ஏற்படுகிறது. முதலாவதாக, அதிகப்படியான மது அருந்துவதால் உண்டாகிறது. இது ஆல்கஹால் கொழுப்பு கல்லீரல் நோய் என கூறப்படுகிறது. இரண்டாவதாக, ஆரோக்கியமற்ற உணவு மற்றும் வாழ்க்கை முறை காரணமாக, ஏற்படும் கொழுப்பு கல்லீரல் ஆல்கஹால் அல்லாத கொழுப்பு கல்லீரல் நோய் என அழைக்கப்படுகிறது. இவற்றை சரியான நேரத்தில் கவனிக்காவிட்டால், அவை கல்லீரல் சிரோசிஸ், கல்லீரல் ஈரல் அழற்சி போன்ற பல கடுமையான நோய்களையும் ஏற்படுத்தும். இதனால் கல்லீரல் முழுமையாக செயலிழந்து போகலாம்.
கொழுப்பு கல்லீரல் நோய் ஆரம்ப கட்டத்தில் இருந்தால், எந்த மருந்தும் இல்லாமல் அதை முழுமையாக குணப்படுத்த முடியும். சமீபத்தில், பிரபல ஆயுர்வேத மருத்துவர் சலீம் ஜைதி தனது இன்ஸ்டாகிராம் பக்கத்தில் ஒரு வீடியோவைப் பகிர்ந்துள்ளார். இந்த வீடியோவில், அவர் 3 வாழ்க்கை முறை மாற்றங்களை கூறியுள்ளார். அதைத் தொடர்ந்து கடைபிடித்து வந்தால் 3 மாதங்களில் கொழுப்பு கல்லீரல் குணமாகும் என்கிறார்.
கொழுப்பு கல்லீரல் குணமாக கீழ்கண்ட மூன்று விஷயங்களை கடைபிடிக்க வேண்டும்
1. கல்லீரல் பிரச்சனையை போக்கும் சிறந்த டயட்
டயட்டில் இருந்து முழுமையாக விலக்கி வைக்க வேண்டியவை
கல்லீரத்தை குணப்படுத்த, முதலில் உங்கள் உணவை மேம்படுத்துங்கள் என்று மருத்துவர் கூறுகிறார். சர்க்கரை, மாவுசத்து அதிகம் உள்ள உணவுகள், வறுத்த உணவு மற்றும் பதப்படுத்தப்பட்ட உணவுகளிலிருந்து நீங்கள் முழுமையாக விலகி இருந்தால், கல்லீரல் தானாகவே குணமடையத் தொடங்குகிறது. அதற்கு பதிலாக, ஆரோக்கியமான உணவுகளை (Health Tips) உட்கொள்ள வேண்டும்.
டயட்டில் கண்டிப்பாக சேர்க்க வேண்டியவை
கொழுப்பு நிறைந்த கல்லீரல் இருந்தால் காலையில் வெறும் வயிற்றில் சுரைக்காய் அல்லது பீட்ரூட் சாறு குடிக்க வேண்டும் என டாக்டர் ஜைதி அறிவுறுத்துகிறார். மதியம் பாசிப்பருப்பு, கஞ்சி மற்றும் நிறைய பச்சை காய்கறிகளை சாப்பிட வேண்டும் என்றும், கூறுகிறார். இவை அனைத்தையும் தவிர, நாள் முழுவதும் நிறைய தண்ணீர் குடிக்கவும், லேசான உணவை உண்ணவும், இதனால் கல்லீரலுக்கு சுமை இருக்காது.
2. உடல் பயிற்சி
கல்லீரல் உடலில் இருந்து நச்சுக்களை நீக்கும் உறுப்பு. ஆனால் நீங்கள் உடல் செயல்பாடுகளைக் குறைக்கும்போது, இந்த செயல்முறை குறைகிறது. எனவே, மருத்துவர் ஜைதி தினம் குறைந்தது 30 - 45 நிமிடங்கள் நடக்க பரிந்துரைக்கிறார். இதில் நீங்கள் யோகா செய்யலாம், குறிப்பாக நௌகாசனா மற்றும் பவன்முக்தாசனம் செய்யலாம். இவை அனைத்தையும் தவிர, வயிற்றில் லேசான மசாஜ் செய்யுங்கள். இவை அனைத்தும் கல்லீரலை சுறுசுறுப்பாக வைத்திருக்க மிகவும் உதவியாக இருக்கும்.
3. இயற்கை மூலிகைகள் மூலம் கல்லீரலை வலுப்படுத்தலாம்
கல்லீரல் கொழுப்பைக் கரைப்பதில் ஆயுர்வேதத்தில் பல மருந்துகள் பயனுள்ளதாகக் கருதப்படுகின்றன. இந்த மூலிகைகள் நன்மை பயக்கும். இரவில் தூங்குவதற்கு முன் திரிபலா பொடியை உட்கொள்ள மருத்துவர் ஜைதி பரிந்துரைக்கிறார். காலையில் எழுந்தவுடன், ஆம்லா அல்லது நெல்லிக்காய் தேநீர் குடிக்கவும். இந்த இரண்டு மூலிகைகளும் கல்லீரல் வீக்கம் மற்றும் கொழுப்பைக் குறைக்கும் என்று ஆயுர்வேத மருத்துவர்கள் கூறுகிறார்கள்.
கொழுப்பு கல்லீரல் குணப்படுத்த முடியாத நோயல்ல, நீங்கள் சரியான நேரத்தில் கவனம் செலுத்தி, மருந்துகளுக்குப் பதிலாக வாழ்க்கை முறையில் மாற்றங்களைக் கொண்டு வந்தால், வெறும் 3 மாதத்தில் மேலே கொடுக்கப்பட்டுள்ள வாழ்க்கை முறை, இந்தப் பிரச்சனையை வேரிலிருந்தே ஒழித்துவிடலாம்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
