சுகர் லெவலை சிம்பிளா குறைக்க வெறும் வயிற்றில் இதை சாப்பிடுங்க போதும்

Diabetes Control Tips: இரத்த சர்க்கரை அளவை குறைத்து நீரிழிவு நோயை கட்டுகுள் வைக்க காலையில் வெறும் வயிற்றில் நாம் உட்கொள்ள வேண்டிய உணவுகள் பற்றி இந்த பதிவில் காணலாம்.

Morning Foods for Diabetes Control: இன்றைய அவசர உலகில் நீரிழிவு நோய் ஒரு பொதுவான ஆனால் தீவிரமான நோயாக மாறிவிட்டது. நீரிழிவு நோயைக் கட்டுப்படுத்த, உடலின் இரத்த சர்க்கரை அளவைக் கட்டுக்குள் வைத்திருப்பது முக்கியம். இதற்கு உணவில் அதிக கவனம் செலுத்த வேண்டும். நீரீழிவு நோயாளிகள் இரத்த சர்க்கரை அளவை அதிகரிக்காத உணவுகளை தேர்ந்தெடுத்து உட்கொள்வது அவசியம். 

நாம் சாப்பிடும் உணவுகளும் உட்கொள்ளும் பானங்களும் நமது உடலின் இரத்த சர்க்கரை அளவை நேரடியாக பாதிக்கின்றன. இதுபோன்ற சூழ்நிலையில், உணவில் சிறப்பு கவனம் செலுத்துவது முக்கியம். குறிப்பாக காலை உணவும், காலை எழுந்தவுடன் வெறும் வயிற்றில் உட்கொள்ளும் உணவு வகைகளும் ஆரோக்கியமானவையாகவும், சர்க்கரை அளவை அதிகரிக்காதவையாகவும் இருக்க வேண்டும். 

சில குறிப்பிட்ட உணவுகளை வெறும் வயிற்றில் உட்கொள்வது நீரிழிவு நோயாளிகளுக்கு நன்மை பயக்கும். இரத்த சர்க்கரை அளவை குறைத்து நீரிழிவு நோயை கட்டுகுள் வைக்க காலையில் வெறும் வயிற்றில் நாம் உட்கொள்ள வேண்டிய உணவுகள் பற்றி இந்த பதிவில் காணலாம். 

நீரிழிவு நோயாளிகள் வெறும் வயிற்றில் இந்த 4 உணவுகளை சாப்பிடலாம்:

Chia Seeds: இரவில் ஊறவைத்த சியா விதைகள்

சியா விதைகளில் அதிக அளவில் நார்ச்சத்து உள்ளது. இவற்றை இரவில் தண்ணீரில் ஊறவைத்து காலையில் வெறும் வயிற்றில் உட்கொள்ள வேண்டும். அவற்றில் கரையக்கூடிய நார்ச்சத்து உள்ளது. இது செரிமான செயல்முறையை மெதுவாக்கி குளுக்கோஸை மெதுவாக வெளியிடுகிறது. இது திடீர் இரத்த சர்க்கரை அதிகரிப்பை ஏற்படுத்தாது. மேலும் உடலில் இது ஆற்றலையும் அதிகரிக்கின்றது. மேலும், இவற்றால் வயிற்றுக்கு நீண்ட நேரம் நிரம்பிய உணர்வு கிடைக்கும். இதனால் தேவையற்ற, ஆரோக்கியமற்ற உணவுகளை உட்கொள்வது தவிர்க்கப்படுகின்றது. இதனால் உங்கள் இரத்த சர்க்கரை அளவு கட்டுக்குள் இருக்கும்.

Coconut Oil: தேங்காய் எண்ணெய் அல்லது உலர்ந்த தேங்காய்

தேங்காயில் மீடியம் செயின் ட்ரைகிளிசரைடுகள் (MCTs) உள்ளன. இது இரத்த சர்க்கரையை அதிகரிக்க அனுமதிக்காது. ஆகையால், நீரிழிவு நோயாளிகள் காலையில் வெறும் வயிற்றில் 1 டீஸ்பூன் வர்ஜின் தேங்காய் எண்ணெய் அல்லது சில உலர்ந்த தேங்காய் துண்டுகளை சாப்பிடுவது நன்மை பயக்கும். இவை உடலின் வளர்சிதை மாற்றத்தையும் ஆரோக்கியமாக வைத்திருக்கின்றன.

Almonds: ஊறவைத்த பாதாம்

பாதாமில் புரதச்சத்து, ஆரோக்கியமான கொழுப்புகள், நார்ச்சத்து மற்றும் மெக்னீசியம் ஆகியவை நிறைந்துள்ளன. இது இரத்த சர்க்கரை அளவை கட்டுப்படுத்த உதவுகிறது. சுகர் நோயாளிகள் தினமும் காலையில் வெறும் வயிற்றில் ஊறவைத்த பாதாம் சாப்பிடுவதும் இரத்த சர்க்கரையை கட்டுக்குள் வைத்திருக்கிறது.

Prunes: கருப்பு திராட்சை அல்லது கொடிமுந்திரி

கருப்பு திராட்சை அல்லது கொடிமுந்திரி சாப்பிட ஊட்டச்சத்து நிபுணர்கள் பரிந்துரைக்கின்றனர். அவற்றில் ஏராளமான நார்ச்சத்து உள்ளது. அவை செரிமானத்தை மேம்படுத்தி இரத்த சர்க்கரை அளவை சீராக வைத்திருக்கின்றன. இருப்பினும், அவற்றை குறைந்த அளவில் உட்கொள்ள வேண்டும் என்பதை நினைவில் கொள்ளவும்.

(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!