 "இதய நோய்களை தடுக்க உதவும் டாப் பழங்கள் இவைதான்")
Fruits to Control Heart Disease: ஒவ்வொரு ஆண்டும் உலகெங்கிலும் ஏராளமான மக்கள் மாரடைப்பால் இறக்கின்றனர். இந்த தாக்குதல் திடீரென்று வருகிறது. சிலருக்கு இது பல முறை வருகின்றது. இவர்கள் முதல் முறை மாரடைப்பு வந்தவுடன் சற்று கவனமாக இருக்கத் தொடங்குகிறார்கள். ஆனால், சிலருக்கு இது முதல் முறை வரும்போதே உயிரைப் பறித்து விடுகிறது.
ஆரோக்கியமான வாழ்க்கை முறை மாரடைப்பு மற்றும் இதய கோளாறுகளை தடுப்பதற்கான முக்கியமான வழிகளில் ஒன்றாக பார்க்கப்படுகின்றது. ஆரொக்கியத்தை பராமரிப்பதில் நாம் உண்ணும் உணவுக்கு முக்கிய பங்குள்ளது. இதய நோய் அபாயத்தைக் குறைக்க உதவும் 5 பழங்கள் பற்றி இந்த பதிவில் காணலாம்.
மாதுளை
மாதுளையில் பாலிஃபீனால் எனப்படும் ஒரு கலவை காணப்படுகிறது. இது உடலுக்கு ஆண்டிஆக்சிடெண்ட் மற்றும் அழற்சி எதிர்ப்பு பண்புகளை வழங்குகிறது. இந்த பழங்களில் காணப்படும் சேர்மங்கள் தமனிகளின் அடுக்குகளைப் பாதுகாக்கின்றன, இரத்த ஓட்டத்தை அதிகரிக்கின்றன. மாதுளை சாறு தினமும் குடிப்பது இரத்த அழுத்தத்தைக் குறைக்கிறது என்றும் இதய நோயின் அறிகுறிகளைக் குறைக்கிறது என்றும் ஆராய்ச்சிகள் காட்டுகின்றன. மாதுளை உட்கொள்வது LDL அதாவது கெட்ட கொழுப்பு அதிகரிப்பதைத் தடுக்கிறது. இது தமனிகளில் அடைப்பை நீக்குகிறது.
சிட்ரஸ் பழங்கள்
சிட்ரஸ் பழங்கள் வைட்டமின்-சியின் களஞ்சியம் என அழைக்கப்படுகின்றன. அவற்றில் நல்ல அளவு ஃபிளாவனாய்டுகள் மற்றும் கரையக்கூடிய நார்ச்சத்தும் உள்ளன. இந்த ஊட்டச்சத்துக்கள் இருப்பதால், கொழுப்பின் அளவு இயல்பாக இருக்கின்றது. மேலும் இரத்த நாளங்களில் இரத்த ஓட்டம் நன்றாக இருக்கிறது. தினமும் ஒரு சிட்ரஸ் பழத்தை சாப்பிடுவது இரத்த அழுத்தத்தை கட்டுக்குள் வைத்திருப்பது மட்டுமல்லாமல் வீக்கத்தையும் குறைக்கிறது. அவை தமனிகளில் உள்ள அடைப்பையும் நீக்குகின்றன. எலுமிச்சை, ஆரஞ்சு, திராட்சை, டேன்ஜரின் ஆகியவற்றை சாப்பிடுவதன் மூலம் உடலை ஆரோக்கியமாக வைத்திருக்க முடியும்.
பெர்ரி
பெர்ரிகளில் அந்தோசயினின்கள் எனப்படும் ஆண்டிஆக்சிடெண்டுகள் உள்ளன. அவை வீக்கத்தையும் ஆக்ஸிஜனேற்ற அழுத்தத்தையும் குறைப்பதாக சுகாதார நிபுணர்கள் கூறுகின்றனர். இந்த இரண்டு கூறுகளும் இதய நோயை வளர்ப்பதில் முக்கிய பங்கு வகிக்கின்றன. இதை தொடர்ந்து உட்கொள்வது கொழுப்பையும் இரத்த அழுத்தத்தையும் குறைக்கிறது. மேலும், வீக்கத்தின் அறிகுறிகளும் குறைகின்றன. பெர்ரி சாறு அல்லது பெர்ரிகளை உட்கொள்பவர்களுக்கு மாரடைப்பு மற்றும் பக்கவாதம் ஏற்படும் வாய்ப்புகள் குறைவு என்று பல ஆராய்ச்சிகள் வெளிப்படுத்தியுள்ளன.
ஆப்பிள்
ஆப்பிள் ஒரு பிரபலமான பழம். இதில் பெக்டின் நார்ச்சத்து நிறைந்துள்ளது. இது இரத்த ஓட்டத்தில் உள்ள கெட்ட கொழுப்பின் அளவைக் குறைக்க உதவுகிறது. இதில் உள்ள ஆண்டிஆக்சிடெண்ட் ஃபிளாவனாய்டுகள் மற்றும் பிற ஊட்டச்சத்துக்கள் வீக்கத்தை எதிர்த்துப் போராடவும், இரத்த நாளங்களை சேதத்திலிருந்து பாதுகாக்கவும் உதவுகின்றன. தினமும் ஒரு ஆப்பிள் சாப்பிடுவது கரோனரி இதய நோயைத் தடுப்பதாக சுகாதார நிபுணர்கள் கூறுகிறார்கள்.
சிவப்பு-கருப்பு திராட்சை
சிவப்பு மற்றும் கருப்பு திராட்சைகளில் ரெஸ்வெராட்ரோல் மற்றும் பிற ஆண்டிஆக்சிடெண்ட்கள் உள்ளன. அவை புற்றுநோய் செல்களின் வளர்ச்சியைத் தடுக்கவும் வீக்கத்தைக் குறைக்கவும் உதவுகின்றன. இந்த திராட்சைகளை தினமும் உட்கொள்வது தோல் மற்றும் மார்பக புற்றுநோய்க்கு எதிராக நன்மை பயக்கும். இது புற்றுநோய் செல்களைக் கட்டுப்படுத்த உதவுகிறது.
(பொறுப்பு துறப்பு: இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)