 "உடல் கொழுப்பு குறைய உதவும்... குளூட்டன் அல்லாத சில சூப்பர் சப்பாத்திகள்")
)
உடல் எடையை குறைக்க நினைப்பவர்கள், உடலில் சேர்ந்து இருக்கும் கூடுதல் கொழுப்பை எரிக்க, அரிசி மற்றும் கோதுமைக்கு பதிலாக சிறுதானியங்களை சேர்ப்பது மிகவும் நன்மை பயக்கும். ஊட்டச்சத்துக்களின் களஞ்சியமாக விளங்கும் சிறுதானியங்கள், குளூட்டன் அல்லாத, குறைவான மாவு சத்துக் கொண்ட மிகச் சிறந்த உணவுகள்.
உடல் பருமன் என்பது இன்றைய காலகட்டத்தில், மிகவும் பொதுவான பிரச்சனையாக மாறிவிட்ட நிலையில், தொப்பை கொழுப்பையும் உடல் எடையையும் குறைக்க நினைப்பவர்கள் முதலில் டயட்டில் மாற்றங்கள் கொண்டு வர வேண்டியது அவசியம். உடற்பயிற்சி தேவை என்றாலும், இதில் டயட் (Weight Loss Tips) மிக முக்கிய பங்கு வகிக்கிறது.
உடல் கொழுப்பை எரிக்கும் குளூட்டன் அல்லாத சில வெயிட் லாஸ் சப்பாத்திகள்
ராகி சப்பாத்தி
சிறுதானியங்களின் ராணி என்று அழைக்கப்படும் ராகி அல்லது கேழ்வரகில், புரதம் கால்சியம், நார்ச்சத்து, இரும்புச்சத்து மற்றும் பிற வைட்டமின்கள் மற்றும் கனிமச் சத்துக்கள் நிறைந்துள்ளன. அதிலும் முளைகட்டிய ராகி மாவை பயன்படுத்துவது மிகவும் சிறந்தது. ஏனெனில் முளை கட்டுவதால் தானியங்களின் ஊட்டச்சத்து மதிப்புகள் இரட்டிப்பாகின்றன என்பதோடு செரிமானத்திற்கும் மிகவும் எளிது. கால்சியம் நிறைந்த ராகி, எலும்பு பலவீனத்தைப் போக்கி, ஆஸ்டியோபோரோசிஸ் மற்றும் மூட்டு வலியை போக்கும் ஆற்றல் கொண்டது. உடல் எடையை குறைக்க நினைப்பவர்களுக்கு, ராகி சப்பாத்தி மிகச்சிறந்த தேர்வாக அமையும். அதோடு நீரழிவு நோயை நிர்மூலமாக்கும் ஆற்றல் கொண்டதால், சக்கரை நோயாளிகளுக்கான சிறந்த உணவாகவும் இது இருக்கும்.
கம்பு சப்பாத்தி
குளூட்டன் அல்லாத சிறந்த உணவான கம்பு, சிறந்த சிறுதானியங்களில் ஒன்று. மெக்னீசியம் உள்ளிட்ட இதர அத்யாவசிய வைட்டமின்கள் மற்றும் தாதுக்கள் நிறைந்த கம்பு, உடல் எடையை குறைக்க உதவுவதோடு, இதயம் ஆரோக்கியம் முதல் குடல் ஆரோக்கியம் வரை எல்லா வகையிலும் பலன் அளிக்க கூடியது. இதில் உள்ள நார்ச்சத்து வயிறு நிறைந்த உணர்வைத் தருவதால் அடிக்கடி பசி எடுக்காது.
சோள மாவு சப்பாத்தி
சோளத்தில் புரதம் மட்டுமல்லாது, கால்சியம் இரும்புச்சத்து மற்றும் நார்ச்சத்து அதிகம் உள்ளது. குளூட்டன் அல்லாத சிறந்த உறவாக இருக்கும் சோளம் செரிமான மண்டலத்தை ஆரோக்கியமாக, வைத்திருப்பதோடு, ரத்த சர்க்கரை மற்றும் கொலஸ்ட்ராலை கட்டுக்குள் வைக்க உதவும் சிறந்த உணவாகவும் இருக்கும். கோதுமை சப்பாத்திக்கு பதிலாக சோள மாவு சப்பாத்தியை சாப்பிடுவதால், உடல் பருமனை குறைப்பதோடு மட்டுமல்லாமல், எண்ணற்ற ஆரோக்கிய நலனை அடையலாம்.
ஓட்ஸ் மாவு
ஓட்ஸில் இருக்கும் நார்ச்சத்து, வயிறு நிரம்பிய உணர்வைத் தருவதோடு, கொழுப்பை எரிக்கவும் உதவுகிறது. இதனால் அதிக கலோரிகள் எரிக்கப்பட்டு, உடல் பருமன் குறைகிறது. ஓட்ஸ் மாவை தனியாக சப்பாத்தி கடினமாக இருக்கலாம். எனவே அதில் கோதுமை மாவு கலந்து சப்பாத்தி செய்வது எளிதாக இருக்கும்.
மேலே குறிப்பிட்டுள்ள வெயிட் லாஸ் சப்பாத்திகள் உடல் பருமனை குறைக்க உதவும் என்பதால், கோதுமை மாவு சப்பாத்திக்கு பதிலாக இதனை பயன்படுத்துவது நல்ல பலம் தரும்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
