 "குடலில் நல்ல பாக்டீரியாக்கள் பல்கி பெருக உதவும்... 5 சிறந்த ப்ரீபயோடிக் உணவுகள்")
உடலின் ஒட்டு மொத்த ஆரோக்கியம் சிறப்பாக இருக்க குடல் ஆரோக்கியம் சிறப்பாக இருக்க வேண்டும். இதற்கு ப்ரோபயோடிக் உணவுகள் அவசியம் என்பது நாம் அனைவரும் அறிந்ததே. ஆனால் குடல் ஆரோக்கியத்திற்கு தேவையான நல்ல பாக்டீரியாக்கள் பல்கி பெருக ப்ரோபயோடிக் உணவுகளுடன் ப்ரீபயாடிக் உணவுகளும் தேவை. ப்ரீபயாடிக்குகள் இயற்கையான நார்ச்சத்துக்கள். அவை நம் உடலில் ஜீரணமாகாது என்றாலும், அவை நேரடியாக குடலுக்குச் சென்று நல்ல பாக்டீரியாக்களுக்கு உணவை வழங்குகின்றன. இதனால் நல்ல பேக்டீரியாக்கள் பல்கி பெருகும். இதனால் நம் வயிறு ஆரோக்கியமாக இருக்கும்.
ப்ரீபயாடிக் உணவுகள் செரிமானத்தை ஆரோக்கியமாக வைத்திருக்க உதவுகிறது, நோய்களை எதிர்த்துப் போராடும் சக்தியை அதிகரிக்கிறது மற்றும் வயிறு சம்பந்தமான கோளாறுகளிலிருந்து நிவாரணம் அளிக்கிறது. இதில் சிறப்பு என்னவென்றால், ப்ரீபயாடிக்குகளை மருந்தின் மூலம் பெற முடியாது. இதனை உணவின் மூலம் தான் பெற முடியும். வெங்காயம், ஆப்பிள், ஓட்ஸ் போன்ற உணவில் இது அதிக அளவில் உள்ளது. எனவே ஆரோக்கியமான (Health Tips) வயிற்றுக்கு ப்ரீபயாடிக் உணவுகளை தவறாமல் உணவில் சேர்க்கவும்!
வயிற்றை ஆரோக்கியமாக வைத்திருக்கும் 5 ப்ரீபயாடிக் உணவுகள்
1. வெங்காயம்
வெங்காயத்தில் இன்யூலின் மற்றும் பிரக்டூலிகோசாக்கரைடுகள் (FOS) உள்ளன. அவை வயிற்றில் நல்ல பாக்டீரியாக்களை உருவாக்குகின்றன. வெங்காயம் சாப்பிடுவது செரிமானத்தை மேம்படுத்துகிறது மற்றும் உடலுக்கு நல்ல ஊட்டச்சத்தை வழங்குகிறது. இதனை பச்சையாக அல்லது சமைத்து என எப்படி வேண்டுமானாலும் சாப்பிடலாம்.
2. வாழைப்பழம்
வாழைப்பழத்தில் எதிர்ப்புத் திறன் கொண்ட ஸ்டார்ச் நிறைந்துள்ளது. செரிமானமாகாத இந்த ஸ்டார்ச் குடலைச் சென்றடைகிறது மற்றும் நல்ல பாக்டீரியாக்களுக்கு உணவை வழங்குகிறது. எல்லா காலங்களிலும் கிடைக்கும் வாழைப்பழம், ஏழைகளுக்கான சிறந்த பழமாக கருதப்படுகிறது.
3. ஓட்ஸ்
ஓட்ஸில் பீட்டா-குளுக்கன் மற்றும் ரெஸிஸ்டெண்ட் ஸ்டார்ச் உள்ளது. அவை ப்ரீபயாடிக்குகளாக செயல்படுகின்றன. தினமும் ஓட்ஸ் சாப்பிடுவது வயிற்றில் உள்ள நல்ல பாக்டீரியாக்களுக்கு உணவை வழங்குகிறது. கொழுப்பைக் கட்டுக்குள் வைத்திருக்கிறது மற்றும் சர்க்கரை அளவையும் சீராக வைத்திருக்கிறது. கஞ்சி, அல்லது ஸ்மூத்திகளில் சேர்த்து ஓட்ஸ் சேர்த்து சாப்பிடலாம்.
4. ஆப்பிள்
ஆப்பிள்களில் பெக்டின் எனப்படும் நார்ச்சத்து உள்ளது. இது ஒரு ப்ரீபயாடிக் ஆக செயல்படுகிறது. இது வயிற்றுக்குள் ப்யூட்டிரேட் எனப்படும் கொழுப்பு அமிலத்தை தூண்டி, குடலை ஆரோக்கியமாக வைத்திருக்கிறது. ஊட்டச்சத்தை முழுமையாக பெற,ஆப்பிள்களை தோலுடன் சாப்பிடுங்கள், இது அதிக நார்ச்சத்தை கொடுக்கும். நீங்கள் அதை சிற்றுண்டிகள், சாலடுகள் அல்லது இனிப்புகளில் சேர்ப்பதன் மூலம் சாப்பிடலாம்.
5. பூண்டு
பூண்டில் ப்ரீபயாடிக்குகளும் நிறைந்துள்ளன. இதில் இன்யூலின் என்ற நார்ச்சத்து உள்ளது. இது வயிற்றில் ஆரோக்கியமான பாக்டீரியாக்களை அதிகரிக்கிறது. இதில் சல்பரும் உள்ளது, இது நோய் எதிர்ப்பு சக்தியை அதிகரிக்கிறது. பச்சையாகவோ அல்லது லேசாக சமைத்த பூண்டு அதிக நன்மை பயக்கும். சூப், சட்னி அல்லது சாலட்டில் இதைச் சேர்க்கவும்.
ப்ரீபயாடிக் உணவுகளை தினமும் சாப்பிட்டுவதன் மூலம் உங்கள் வயிற்றை மகிழ்ச்சியாக வைத்திருங்கலாம்
நீங்கள் மருந்துகள் அல்லது சப்ளிமெண்ட்களை நம்பியிருக்க விரும்பவில்லை என்றால், இந்த ப்ரீபயாடிக் உணவுகளை உங்கள் அன்றாட உணவில் சேர்த்துக் கொள்ளுங்கள். இது உங்கள் வயிற்றை ஆரோக்கியமாக வைத்திருக்கும், மேலும் உங்கள் உடலை வலிமையாக்கும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
)