 "உங்கள் சிறுநீரகம் சிக்கலில் இருப்பதை உணர்த்தும்... சில எச்சரிக்கை அறிகுறிகள்")
)
நமது உடலின் மிக முக்கிய உறுப்புகளில் ஒன்றான சிறுநீரகத்தில் ஏற்படும் எந்த ஒரு பாதிப்பு அல்லது பிரச்சனை, நமது வாழ்க்கையை புரட்டி போட்டு விடும். எனவே உடலின் நச்சுக்களை வெளியேற்றும் சிறுநீரகத்தின் ஆரோக்கியத்திற்கு முக்கியத்துவம் கொடுக்க வேண்டியது அவசியம்.
நமது உடலில் பாயும் இரத்தத்தை வடிகட்டுவது உள்ளிட்ட முக்கிய வேலைகளை செய்யும் சிறுநீரகம் செயல்படாவிட்டால், இரத்தத்தில் நச்சுக்கள் சேர்ந்து, உச்சி முதல் பாதம் வரை பிரச்சனைகளை ஏற்படுத்தும். இந்த பிரச்சனை மெல்ல மெல்ல தீவிரமடைந்தால், சிறுநீரகம் செயலிழக்கும் அபாயமும் உண்டு.
சிறுநீரகத்தில் பிரச்சனை இருப்பதை உணர்த்தும் சில அறிகுறிகள்
சிறுநீரகம் தனது வேலையை சரியாக செய்ய முடியாமல் போகும்போது, உடலில் பாயும் ரத்தம் சுத்தம் செய்யப்படாமல் நச்சுக்கள் அதிகரிக்கும். இதனால் உடலில் அரிப்பு, குமட்டல் வாந்தி, கால்களில் முக்கியமாக கணுக்காலில் காணப்படும் வீக்கம், பசியின்மை, அதிகமாக சிறுநீர் கழித்தல் அல்லது மிகக் குறைவாக சிறுநீர் கழித்தல், தூக்கமின்மை ஆகியவை ஏற்படலாம்.
சிறுநீரகத்தில் பிரச்சனை ஏற்படுவதற்கான முக்கிய காரணங்கள்
ஆரோக்கியமற்ற வாழ்க்கை முறை
இன்றைய துரித கருதியிலான வாழ்க்கை முறையில், நமது உணவுப் பழக்கம் பல முக்கிய பிரச்சினைகளுக்கு காரணம் ஆகிறது. இதனால் ஏற்படும் உடல் பருமன், சிறுநீரக நோய் அபாயத்தை பெருமளவு அதிகரிக்கிறது. அதோடு மது அருந்தும் பழக்கமும் புகைபிடிப்பதும் சிறுநீரகத்தில் பாதிப்பை ஏற்படுத்த கூடும் என்று மருத்துவ வல்லுனர்கள் எச்சரிக்கின்றனர்.
ஆன்ட்டிபயாட்டிக் மற்றும் வலி நிவாரணிகள்
பொதுவாக மருத்துவரை கலந்தாலோசிக்காமல் மருந்துகள் சாப்பிடுவது மிகவும் தவறு. பல அருகில் உள்ள மருந்து கடைக்கு சென்று, தங்கள் உடல் நல பிரச்சனையை எடுத்துக் கூறி, அவர்கள் தரும் ஆன்டிபயாட்டிக் மற்றும் வலி நிவாரணிகளை எடுத்துக் கொள்கின்றனர். இது கடும் பாதிப்பு ஏற்படுத்தக் கூடும்.
உயர் ரத்த அழுத்தம்
உயர் இரத்த அழுத்தம் நீண்ட காலத்திற்கு கட்டுப்படுத்தப்படாமல் அதிக அளவில் இருந்தால், அது சிறுநீரகத்தின் ரத்த நாளங்களை சேதப்படுத்தி சிறுநீரக பாதிப்பு அல்லது செயல் இழப்புக்கு வழிவகுக்க கூடும்.
நீரழிவு நோய்
சர்க்கரை நோயாளிகளுக்கு சிறுநீரக பாதிப்பு ஏற்படுத்துவதற்கான வாய்ப்பு அதிகம் உள்ளது என்று மருத்துவர்கள் தொடர்ந்து எச்சரித்து வருகின்றனர்.
சிறுநீரக தொற்று
சிறுநீரகப் பாதை தொற்று மற்றும் சிறுநீரக வளர்ச்சி போன்ற நோய்கள் சிறுநீரக பாதிப்பை உண்டாக்கலாம். அதேபோன்று சிறுநீரக கற்களும் சிறுநீரக பாதையை அடைத்து, சிறுநீரகத்தின் செயல் திறனுக்கு பெரிதும் சேதம் விளைவிக்கலாம்.
சிறு நீரகத்தை பாதுக்காக்க கடைபிடிக்க வேண்டிய பழக்க வழக்கங்கள்
1. சீரான உணவை உட்கொள்வதன் மூலம் நாள்பட்ட சிறுநீரகத்தை பாதுக்காக்கலாம். அதோடு உணவில் உப்பை குறைவாக பயன்படுத்துங்கள்.
2. மது அருந்துவதையும், புகைபிடிப்பதையும் முற்றிலும் தவிர்க்கவும்.
3. உடல் எடையை கட்டுப்படுத்த நடவடிக்கை எடுக்கவும்.
4. நீரிழிவு பிரச்சனை இருந்தால், இரத்த சர்க்கரையை கட்டுக்குள் வைத்திருக்கவும்.
5. உயர்ரத்த அழுத்தம் உள்ளவர்கள் அதனை கட்டுக்குள் வைத்திருக்கவும்.
பொறுப்பு துறப்பு: இந்தக் கட்டுரை பொது தளத்தில் அல்லது நிபுணர்களிடம் இருந்து பெறப்பட்ட தகவல்களின் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை கடைபிடிக்கும் முன், உங்கள் குடும்ப மருத்துவர் அல்லது நிபுணரை அணுகி ஆலோசிக்கும்படி கேட்டுக் கொள்கிறோம். ZEE NEWS இதற்கு பொறுப்பேற்காது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
